Wiyaegü 8:6 - Tupanaarü Ore

⁶ Rü yimá yatü rü naxme̱xwa cunangexmagüxẽxẽ i guxü̃ma i ngẽma cuxüxü̃, rü nüxna cunaxã i cua̱x nax namaxã inacuáxü̃ca̱x.

Wiyaegü 8:6 Referans Kwoze

Naanearü ügüchiga 1:28

Rü yexguma ga Tupana rü mexü̃ namaxã naxuegu rü ñanagürü nüxü̃: —¡Pexãxacü rü pimu! ¡Rü penapaxẽxẽ i ñaa naane, rü namaxã ipecuá! ¡Rü namaxã ipecuá i choxnigü, rü ngẽma naeü̃gü i ixãxpe̱xatüxü̃, rü guxü̃ma i naeü̃gü i waixü̃müanegu ixũxü̃! —ñanagürü.

Naanearü ügüchiga 1:26

Rü yexguma ga Tupana rü nügümaxã ñanagürü: —¡Ngĩxã yigüraxü̃ãcü tanaxü ya yatü! Rü nüma rü namaxã tá inacua̱x i guxü̃ma i ngẽma dexáwa maxẽxü̃, rü ngẽma ixãxpe̱xatüxü̃, rü ngẽma naxü̃nagü, rü ngẽma naeü̃gü i naixnecüwa maxẽxü̃, rü ngẽma naeü̃gü i waixü̃müanegu nügü itúgüxü̃ —ñanagürü.

Popera ga Yudíugü ga yaxõgüxü̃ca̱x ümatüxü̃ 2:8

Rü naxme̱xwa cunangexmaxẽxẽ i guxü̃ma ga yema cuxüxü̃”, ñanagürü i ngẽma orewa. Rü yemaacü nixĩ ga Tupana ga naxme̱xẽwa nayexmagüxẽẽãxü̃ ga guxü̃ma ga yema naxüxü̃ ga Tupana. Rü nataxuma ga ta̱xacü ga tama naxme̱xwa nayexmaxẽẽxü̃. Natürü woo naxme̱xwa nax nayexmagüxü̃ ga guxü̃ma, natürü ñu̱xma rü tauta nüxü̃ tadau nax guxü̃ma rü naxme̱xwa nangẽmagü.

Efesios 1:22

Rü yemaacü ga Tupana rü marü Cristume̱xẽwa nanayexmagüxẽxẽ ga guxü̃ma. Rü yexgumarüxü̃ ta Cristuxü̃ ningucuchixẽxẽ nax guxü̃ma i yaxõgüxü̃eru nax yixĩxü̃ca̱x.

Ore i mexü̃ ga Matéu ümatüxü̃ 28:18

Rü yexguma ga Ngechuchu rü naxca̱x nixũ, rü ñanagürü nüxü̃: —Tupana rü guxü̃ma i pora choxna naxã nax daxũguxü̃ i naanemaxã rü ñoma i naanemaxã ichacuáxü̃ca̱x.

Wiyaegü 110:1

Rü nüma ya Tupana rü chorü Corixü̃ ñanagürü: —¡Chorü tügünecüwawa rüto rü ñu̱xmatáta i ngẽma curü uanügü rü curü chicutüxü̃ chayaxĩxẽẽgü! —ñanagürü.

Naanearü ügüchiga 9:2

Rü guxü̃ma i naeü̃gü i ñoma i naanewa ngẽxmagüxü̃ rü tá pexü̃ namuü̃e. Rü pexme̱xwa chanangexmagüxẽxẽ i guxü̃ma i ngẽma íxüüüxü̃, rü ngẽma waixü̃mügu ixĩxü̃, rü ngẽma márwa maxẽxü̃.

Nüxíraxü̃xü̃ ga popera ga Pedru ümatüxü̃ 3:22

Rü nüma ga Ngechuchu ya Cristu, rü daxũguxü̃ i naanewa naxũ, rü ñu̱xma rü Tupanaarü tügünecüwawa nangẽxma. Rü ñu̱xma rü naxme̱xwa nangẽxmagü i guxü̃ma i Tupanaarü orearü ngeruü̃gü i daxũcüã̱x, rü guxü̃ma i ngẽma naãxẽgü i ãẽ̱xgacügü ixĩgüxü̃, rü guxü̃ma i ngẽma naãxẽgü i poraexü̃.

Popera ga Yudíugü ga yaxõgüxü̃ca̱x ümatüxü̃ 1:2

Natürü i ñomaü̃cüxü ya Tupana rü Nanewatama nixĩ i tamaxã yadexaxü̃. Rü Nanemaxã nixĩ ga naxüaxü̃ ga ñoma ga naane rü daxũguxü̃ ga naane rü üa̱xcü rü tauemacü rü woramacurigü. Rü ñu̱xũchi gumá Nanena nanana ga guxü̃ma ga yema nax noxrü yixĩxü̃ca̱x.