Wiyaegü 8:3 - Tupanaarü Ore

^3-4 Rü ngẽxguma chütacü daxũgu chadawenügu, rü nüxü̃ chadau ya tauemacü rü ẽxtagü i cuxme̱xmaxã cuxüxü̃ i daxũwa cungexmagüxẽẽxü̃. Rü ngẽxguma chaugüna chaca rü ñachagürü: —¿Ta̱xacüca̱x nagu curüxĩnüxü̃ ya yimá yatü? ¿Rü tü̱xcüü̃ naxca̱x cuxoegaãxẽxü̃? —ñachagürü.

Wiyaegü 8:3 Referans Kwoze

Naanearü ügüchiga 1:1

Yema Tupana namaxã inaxügüxü̃ nixĩ nax naxüaxü̃ ga guxü̃ma i daxũwa ngẽxmaxü̃ rü ñoma i naane. Natürü ñaa naane ga noxri rü taxũta mea nango̱x yerü dexátüü̃wa nayexma rü naxẽanemare. Rü nüma ga Tupanaãxẽ rü naétügu ínachü̱xüxüxü̃.

Wiyaegü 33:6

Rü nüma ga Cori ya Tupana rü norü dexamaxã nanaxü ga daxũguxü̃ i naane rü norü cue ñaxü̃maxã nanaxü ga guxü̃ma i ẽxtagü i ngéma ngẽxmagüxü̃.

Wiyaegü 111:2

Rü guxü̃ma i ngẽma Cori ya Tupana üxü̃ rü nataxüchi. Rü yíxema aixcüma namaxã taãẽxe i ngẽma Tupana üxü̃ rü nawa tangu̱x.

Wiyaegü 104:19

Rü yimá tauemacü rü cunango̱xẽxẽ nax yimawa nangugüxü̃ca̱x i ngunexü̃gü. Rü yimá üa̱xcü rü nüxü̃ nacua̱x i norü ora i nagu yanaxücuxü̃.

Wiyaegü 89:11

Rü ngẽma daxũguxü̃ i naane rü ñoma i naane rü cuxrügü nixĩ erü cumatama nixĩ i cunaxüxü̃ rü cunango̱xẽẽxü̃ namaxã i guxü̃ma i ngẽma nawa ngẽxmagüxü̃.

Romanos 1:20

Rü woo tama nüxü̃ idaugügu ya Tupana, natürü guxü̃ma i ngẽma naxüxü̃wa nixĩ i nangóxü̃. Rü yexguma noxri naane naxü̱xgumama nixĩ ga meama duü̃xü̃güxü̃ nüxü̃ nadauxẽẽxü̃ nax aixcüma Tupana nax yixĩxü̃ rü guxü̃guma nax naporaxü̃. Rü ngẽmaca̱x i ngẽma duü̃xü̃gü i chixexü̃ ügüxü̃, rü taxucürüwama ta̱xacümaxã nügü ínapoxü̃gü i Tupanape̱xewa.

Ore i mexü̃ ga Luca ümatüxü̃ 11:20

Natürü pemaxã nüxü̃ chixu rü aixcüma Tupanaarü poramaxã nixĩ i íchanawoxü̃xü̃ i ngo̱xogü. Rü ngẽmawa pexü̃ nüxü̃ chacua̱xẽxẽ nax núma petanüwa nanguxü̃ ya Tupana nax ãẽ̱xgacü yixĩxü̃ca̱x.

Ínachoxü̃xü̃chiga 8:19

Rü yexguma ga yema yuüxü̃gü rü Faraóü̃xü̃ ñanagürügü: —Ñaa guxchaxü̃ rü aixcüma Tupanawa nixĩ i ne naxũxü̃ —ñanagürügü. Natürü ga nüma ga Faraóü̃ rü yema Cori ya Tupana nüxü̃ ixuxü̃rüxü̃ nanuama rü tama inaxĩnüchaü̃.

Yox 22:12

Rü nüma ya Tupana rü dauxü̃waxüchi nangẽxma rü yimá ẽxtagü ya dauxü̃wa nüxü̃ idaucü rü nacutütüü̃wa nangẽxmagü.

Wenaxarü naxümatü ga Tupanaarü mugü 4:19

Rü ngẽxguma daxũ pedaugügu rü nüxü̃ peda̱u̱xgu ya üa̱xcü, rü tauemacü, rü ẽxtagü, rü guxü̃ma i daxũwa naigüxü̃ rü ¡taxṹ i pexü̃́ nangúchaü̃xü̃ nax nüxü̃ picua̱xüü̃güxü̃ca̱x! Erü nüma ya Cori ya perü Tupana rü guxü̃ma i duü̃xü̃gü i ñoma i naanewa maxẽxü̃ca̱x nixĩ i nango̱xẽẽãxü̃ i ngẽma daxũwa naigüxü̃.

Ínachoxü̃xü̃chiga 31:18

Rü yexguma Cori ya Tupana nüxü̃ rüchauxgu ga Moichémaxã nax yadexaxü̃ ga ma̱xpǘne ga Chinaíwa, rü nüxna nanaxã ga taxre ga nutatachinügü ga nümatama ga Tupana naxme̱xmaxã norü mugü nagu naxümatüxü̃.

Wiyaegü 148:3

Rü cumax, Pa Üa̱xcüx, rü cumax, Pa Tauemacüx, rü pemax, Pa Ẽxtagüx, rü name nixĩ i nüxü̃ picua̱xüü̃gü.

Wiyaegü 19:1

Rü ngẽma daxũwa nüxü̃ idauxü̃ rü taxca̱x nanango̱xẽxẽ i Tupanaarü pora. Rü guxü̃ma i ngẽma daxũwa ngẽxmaxü̃ tüxü̃ nüxü̃ nacua̱xẽxẽ nax namexẽchixü̃ i ngẽma nüma naxüxü̃.

Yox 25:5

Rü Tupanape̱xewa rü ngẽma tauemacüarü ngóonexü̃ rü tama Tupanaarü ngóonexü̃maxã nawüxigu. Rü woo ya yimá ẽxtagü rü tama Tupanaarü ngóonexü̃maxã nawüxigu.

Yox 25:3

Rü ngẽma nax namuxũchixü̃ i norü churaragü, rü taxucürüwa texé tayaxugü. Rü norü omü rü guxãétügu nabáxi.

Yox 36:24

Rü muxü̃ma i duü̃xü̃gü i guxü̃ i naanewa rü Tupanaxü̃ nicua̱xüü̃gü naxca̱x i ngẽma mexü̃gü i naxüxü̃. Rü name nax cuma rü ta nüxü̃ quicua̱xüüxü̃ naxca̱x i ngẽma naxüxü̃.