Wiyaegü 8:2 - Tupanaarü Ore

² Rü ngẽma buxü̃gü rü woo ngẽma õxchanagü rü nüxü̃ curüngü̃xẽxẽ nax cuxü̃ yacua̱xüü̃güxü̃ca̱x nax ngẽmaãcü i curü uanügü rü yanangea̱xgüxü̃ca̱x rü cupe̱xewa naxãneexü̃ca̱x.

Wiyaegü 8:2 Referans Kwoze

Ore i mexü̃ ga Matéu ümatüxü̃ 21:16

Rü ñanagürügü Ngechuchuxü̃: —¿Nüxü̃ cuxĩnüxü̃ i ngẽma ore i buxü̃gü namaxã ngéma icagüexü̃? —ñanagürügü. Rü Ngechuchu nanangãxü̃, rü ñanagürü: —Ngü̃, nüxü̃ chaxĩnü. ¿Natürü taguma ẽ̱xna nawa pengúe i Tupanaarü ore i buxü̃güchiga ümatüxü̃ i ñaxü̃: “Ngẽma buxü̃gü i íxraxü̃ rü õxchanagü rü tá ta cuxü̃ nicua̱xüü̃gü”, ñaxü̃? —ñanagürü.

Ichaía 40:31

Natürü yíxema aixcüma Cori ya Tupanaaxü̃́ yaxṍxe rü guxü̃gutáma tüxü̃́ ningexwaca̱xü̃chigü i tümaarü pora. Rü ñoma ĩyügürüxü̃ rü tá taporaama. Rü woo ngẽxguma poraãcü itañaãchigu rü taxũtáma nagu̱x i tümaarü pora. Rü woo ngẽxguma yáxü̃wa taxũxgu, rü taxũtáma tipa.

Wiyaegü 46:10

Rü nüma ya Tupana rü ñanagürü: —Pa Nachixü̃anegüarü Ãẽ̱xgacügüx ¡choxü̃́ iperüxĩnüe! ¡Rü nagu perüxĩnüe nax choma rü Tupana chixĩxü̃! Rü choma nixĩ i namaxã ichacuáxü̃ i guxü̃ma i nachixü̃anegü. Rü choma nixĩ i guxü̃ma i ñoma i naaneétüwa changexmaxü̃ —ñanagürü.

1 Corintios 1:27

Rü woo ñoma i naanecüã̱x nagu narüxĩnüe nax pema rü duü̃xü̃gü i taxuwama mexü̃ pixĩgüxü̃, natürü Tupana pexü̃ nade nax naxãnexü̃ca̱x i ngẽma duü̃xü̃gü i nügügu rüxĩnüexü̃ nax nüxü̃ yacua̱xüchixü̃. Rü Tupana pexü̃ nade i pema nax duü̃xü̃gü pexü̃ ixugügu nax peturaexü̃ nax ngẽmaãcü naxãnexü̃ca̱x i ngẽma duü̃xü̃gü i poraexü̃.

Ore i mexü̃ ga Matéu ümatüxü̃ 11:25

Rü yexguma rü ñaãcü nayumüxẽ ga Ngechuchu, rü ñanagürü: “Pa Chaunatü ya Daxũguxü̃ i Naane rü Ñoma i Naanearü Yorax, cuxü̃ chicua̱xüxü̃, erü ñaa chorü ngúexü̃güxü̃ nüxü̃ cucua̱xẽxẽ i ñaa ore i naxcha̱xwa iquicúxü̃ i duü̃xü̃gü i ñoma i naanewa nüxü̃ cua̱xüchigüxü̃.

Ore i mexü̃ ga Luca ümatüxü̃ 10:21

Rü yexgumatama ga Tupanaãxẽ ga Üünexü̃ rü poraãcü Ngechuchuxü̃ nataãẽxẽxẽ. Rü ñanagürü ga Ngechuchu: —Pa Chaunatüx, Pa Dauxü̃guxü̃ i Naane rü Ñoma i Naanearü Yorax, cuxü̃ chicua̱xüxü̃, yerü ñaa chorü ngúexü̃güxü̃ nüxü̃ cucua̱xẽxẽ i ngẽma ore ga na̱xcha̱xwa quicúxü̃ i ngẽma duü̃xü̃gü i ñoma i naanewa nüxü̃ cua̱xüchigüxü̃. Rü yemaacü cunaxü, Pa Chaunatüx yerü yemaacü nixĩ ga cunaxwa̱xexü̃ —ñanagürü.

Wiyaegü 44:16

Erü ngẽma chorü uanügü rü choxü̃ nima̱xgüchaü̃ rü chomaxã naguxchigagü rü chaugu nidauxcüraxü̃gü.

Abacú 2:20

Natürü nüma ya Cori ya Tupana ya Maxü̃cü rü napata ya üünenewa nangẽxma. Rü guxãma i pema i ñoma i naanecüã̱x rü name nixĩ i nape̱xewa pechianegümare.

Ínachoxü̃xü̃chiga 15:16

Pa Cori Pa Tupanax, ¡ínaba̱i̱xgüe rü muü̃ nawa nanguxẽxẽ! ¡Rü curü poramaxã ñoma nutagürüxü̃ yaxĩgüxẽxẽ ñu̱xmatáta nachopetü i ngẽma Iraétanüxü̃ i curü duü̃xü̃güxü̃ cudexü̃!

Amúx 5:9

Rü nüma nixĩ i yawa̱xgüxẽẽãxü̃ ya yima ĩanearü poxeguxü̃gü rü nagu napogüxü̃ i norü poxü̃chicaxü̃gü.

Wiyaegü 4:4

¡Rü nüxü̃ pemuü̃e rü nüxü̃́ iperüxĩnüe! ¡Rü marütama nax chixexü̃ pexügüxü̃! Rü ngẽxguma ipeyacaxãchitanügu i perü pechicaxü̃wa, ¡rü peãxẽwa pegü pengugü nax ñuxãcü yixĩxü̃ i perü maxü̃ i Tupanape̱xewa!

1 Chamué 2:9

Tupana rü tüxna nadau ya yíxema naga ĩnüexe natürü ngẽma tama naga ĩnüexü̃ rü ẽanexü̃gu nayue. Erü taxúema nüxü̃ tacua̱x nax tümaarü poramaxãtama tügü tamaxẽẽxü̃.

Ínachoxü̃xü̃chiga 11:7

Natürü ngẽma Iraétanüxü̃ nawa ngẽxmagüxü̃ i naane rü taxũtáma ngẽma poxcu nawa nangu. Rü natanüwa rü tá nachianemare, rü woo i airugü rü taxuxü̃táma narüngúxtanüxü̃. Rü ngẽmaãcü, Pa Faraóü̃x, rü tá nüxü̃ pecua̱x nax yimá Cori ya Tupana nüxü̃ naxunetaxü̃ i ngẽma Iraétanüxü̃ rü tama i pexü̃.

Wiyaegü 57:6

Ngẽma chomaxã rüxuanüã̱xgüxü̃ rü cha̱u̱xca̱x nanaxügü i wüxi i yauxruxü̃ nax ngẽmagu changuxü̃ca̱x. Rü chomaxü̃wa nanaxügü i ãxmaxü̃, natürü nümatama nagu nayi.

Wiyaegü 148:13

Rü ngẽmaãcü i guxãma i pema rü name nixĩ i nüxü̃ picua̱xüü̃gü. Erü nüma ya Tupana rü guxãétüwa nangẽxma. Rü nüma rü mea namaxã inacua̱x i guxü̃ma i daxũguxü̃ i naanewa ngẽxmaxü̃ rü guxü̃ma i ñoma i naanewa ngẽxmaxü̃.

Ichaía 6:3

Rü guxü̃ma ga yema daxũcüã̱x rü nügü ñanagürügü: —Naxüüne, naxüüne, naxüüne ya Cori ya Tupana ya Guxãétüwa Ngẽxmacü. Rü ngẽma norü üüne rü ñoma i naane namaxã nanapá —ñanagürügü.