Wiyaegü 8:1 - Tupanaarü Ore

¹ Pa Cori Pa Tupana ya Guxü̃étüwa Ngẽxmacüx, rü cuéga rü namexẽchi rü guxü̃ma i ñoma i naanewa nüxü̃ nacua̱xgü. Rü ngẽma curü üüne rü daxũguxü̃ i naanearü yexerawa nangu.

Wiyaegü 8:1 Referans Kwoze

Wiyaegü 8:9

Pa Cori ya Tupana ya Guxü̃étüwa Ngẽxmacüx, rü cuéga rü namexẽchi rü guxü̃ma i ñoma i naanewa nüxü̃ nacua̱xgü.

Wiyaegü 148:13

Rü ngẽmaãcü i guxãma i pema rü name nixĩ i nüxü̃ picua̱xüü̃gü. Erü nüma ya Tupana rü guxãétüwa nangẽxma. Rü nüma rü mea namaxã inacua̱x i guxü̃ma i daxũguxü̃ i naanewa ngẽxmaxü̃ rü guxü̃ma i ñoma i naanewa ngẽxmaxü̃.

Wiyaegü 57:5

Natürü cuma, Pa Chorü Tupanax, rü daxũguxü̃ i naanemaxã icucua̱x rü curü üüne rü ñoma i naane namaxã nanapá.

Ínachoxü̃xü̃chiga 15:11

Pa Chorü Cori ya Tupanax, rü ngẽma duü̃xü̃gü namaxã tupanaã́xü̃tanüwa rü nataxuma i ta̱xacü i cumaxã wüxiguxü̃. Rü nataxuma i ta̱xacü i cuxrüxü̃ üünexü̃ rü nüxü̃ cua̱xüchixü̃. Rü cuma cunaxü i ngẽma mexü̃gü i duü̃xü̃gü poraãcü namaxã baixãchiexü̃.

Abacú 3:3

Rü nüxü̃ chadau ya Cori ya Tupana i Temáü̃anewa ne naxũxü̃ nawa ya yima Paráü̃arü ma̱xpǘne. Rü dauxü̃guxü̃ i naane rü norü üünemaxã nanapá. Rü guxü̃ma i ñoma i naanewa ngẽxmagüxü̃ rü nüxü̃ nicua̱xüü̃gü.

Wiyaegü 145:1

Rü choma rü tá cuxü̃ chixuchiga nax ñuxãcü nüxü̃ cucua̱xüchixü̃, Pa Tupana Pa Chorü Ãẽ̱xgacüx. Rü guxü̃gutáma cuxü̃ chicua̱xüxü̃.

Popera ga Yudíugü ga yaxõgüxü̃ca̱x ümatüxü̃ 7:26

Rü ñu̱xma rü Ngechuchu rü Chacherdóte ya Guxü̃étüwa Ngẽxmacü nixĩ ya inaxwa̱xecü. Erü nüma rü aixcüma naxüüne, rü nawa nataxuma i chixexü̃, rü nangearü pecaduã̱x, rü taguma duü̃xü̃gürüxü̃ pecadu naxü. Rü nüma nixĩ i daxũguxü̃ i naaneétüwa ngẽxmaxü̃ rü namaxã inacuáxü̃.

Ichaía 26:13

Pa Cori ya Torü Tupanax, togü ga nachixü̃anegüarü ãẽ̱xgacügü rü tomaxã inacua̱xgü, natürü i ñu̱xma rü cuxü̃xicatama nixĩ i tacuáxü̃ nax torü ãẽ̱xgacü quixĩxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 19:6

Rü ñu̱xũchi nüxü̃ chaxĩnü ga ta̱xacü ga ñoma muxũchixü̃ ga duü̃xü̃gü idexagüxü̃rüxü̃ ixĩxü̃ ga ñoma taxü̃ i dexá i chuxchuxü̃rüxü̃ ixĩxü̃ ga ñoma poraãcü yaduruanexü̃rüxü̃ ixĩxü̃ ga ñaxü̃: “¡Areruya! Erü nüma ya tórü Cori ya Tupana ya Guxü̃étüwa Ngẽxmacü, rü marü ningucuchi nax guxü̃maxã inacuáxü̃.

Wiyaegü 81:1

¡Taãẽãcü Tupanaca̱x pewiyaegü! Erü nüma nixĩ i tüxü̃ naporaexẽẽxü̃. ¡Ẽcü tagaãcü nüxü̃ picua̱xüü̃gü ya yimá Acóbuarü Tupana!

Wiyaegü 36:5

Natürü i ngẽma curü ngechaü̃, Pa Cori Pa Tupanax, rü daxũguxü̃ i naanewa nangu. Rü ngẽma nax quixaixcümaxü̃ rü ya̱u̱xtüweanexü̃arü yexerawa nangu.

Wenaxarü naxümatü ga Tupanaarü mugü 28:58

Rü ngẽma tá cuxü̃ nangupetü ega ngẽxguma taxũtáma nagu cumaxü̃gu i guxü̃ma i ngẽma mugü rü ucu̱xẽgü i ñaa poperagu ümatüxü̃ rü tama naga cuxĩnügu rü nüxü̃ cungechaxü̃gu i curü Cori ya Tupana ya poraxüchicü rü ãũcümacü.

Filipenses 3:8

Rü ñu̱xma nax Ngechuchu ya Cristu ya chorü Corixü̃ chacuáxü̃, rü cha̱u̱xca̱x rü guxü̃ma ga yema ü̃pa nagu chixũxü̃ rü taxuwama name. Rü guxü̃ma ga yema mugü ga noxri nagu chixũxü̃ rü marü nüxü̃ charüxo nax Cristuwe charüxũxü̃ca̱x. Rü ñu̱xma nax Cristuwe charüxũxü̃ rü cha̱u̱xca̱x rü ñoma guxchirerüxü̃ nixĩ ga yema ü̃pa nagu chixũxü̃

Wiyaegü 84:1

Pa Cori Pa Tupanax ya Guxãétüwa Ücüx, rü namexẽchi ya cupata ya üünene.

Wiyaegü 68:4

Pa Duü̃xü̃güx ¡Tupanaca̱x pewiyaegü rü perü wiyaewa penataxẽxẽ! ¡Rü nüxü̃ picua̱xüü̃gü ya yimá caixanexü̃étügu ixũcü! ¡Rü namaxã petaãẽgü ya yimá Cori, rü nape̱xewa petaãẽgü!

Wiyaegü 63:1

Pa Chorü Tupanax, cuma nixĩ i aixcüma chorü Tupana quixĩxü̃. Rü guxü̃ma i chorü ngúchaü̃maxã cuxca̱x chadau erü poraãcüxüchi chanaxwa̱xe i chauxü̃ta cungexmaxü̃. Rü guxü̃ma i chorü maxü̃nemaxã chanaxwa̱xe nax chauxü̃ta cungexmaxü̃, ñoma paanexü̃ rü dexá naxwa̱xexü̃rüxü̃.

Nüxíraxü̃xü̃ ga popera ga ãẽ̱xgacügüchiga 8:27

Natürü i cumax, rü ¿ñuxũcürüwa yanguxü̃ i ñoma i naanewa nax nawa cungexmaxü̃? Rü ngẽxguma chi guxü̃ma i ngẽma daxũguxü̃ i naane i taxüchixü̃ rü tama yanguxgu nax nawa cungexmaxü̃ ¿rü ñuxãcü tá yanguxü̃ ya daa ĩpata ya taxü̃ne ya cuxca̱x chaxüxü̃ne nax nawa cungexmaxü̃?

Efesios 4:10

Rü gumátama Cristu ga ñoma ga naanegu írüxĩcü, rü gumátama nixĩ ga daxũguxü̃ i naane ya Tupana íngẽxmaxü̃wa ũcü nax guxãétüwa nangẽxmaxü̃ca̱x rü guxü̃wama nangẽxmaxü̃ca̱x.

Charumóü̃arü wiyae 5:16

Rü nabera rü namaixcuraxüchi. Rü nüma rü guxü̃wama namexẽchi, Rü ngẽmaãcü nixĩ ya chaute ya choxü̃́ ngúchaü̃cü, Pa Ngexü̃gü i Yerucharéü̃cüã̱xgüx.

Ore i mexü̃ ga Cuáü̃ ümatüxü̃ 20:28

Rü yexguma ga Tumáchi rü Ngechuchuxü̃ nangãxü̃, rü ñanagürü: —Pa Chorü Corix, cuma nixĩ i chorü Tupana quixĩxü̃ —ñanagürü.

Ore i mexü̃ ga Matéu ümatüxü̃ 22:45

¿Natürü ñuxũcürüwa i Dabítaxa yixĩxü̃ ya Cristu ega nümatama ga Dabí rü norü Corimaxã naxuãgu? —ñanagürü ga Ngechuchu.