Wiyaegü 78:3 - Tupanaarü Ore

^3-4 Rü yema ore ga marü nüxü̃ ixĩnüexü̃ rü marü nüxü̃ icuáxü̃ ga tórü o̱xigü marü tamaxã nüxü̃ ixugügüxü̃ rü taxũtáma ta̱xacügücha̱xwa itayacu̱x. Rü ngẽmaãcü i ngẽma taweama ügüxü̃ i duü̃xü̃gü tá tórü Corixü̃ nicua̱xüü̃gü rü tá naxacügümaxã nüxü̃ nixugü nax ñuxãcü naporaxü̃ rü ñuxãcü yema norü poramaxã taxü̃ ga mexü̃ naxüxü̃.

Wiyaegü 78:3 Referans Kwoze

Wiyaegü 44:1

Pa Tupanax, tomatama nüxü̃ taxĩnüchiga ga yema taxü̃ ga mexü̃ ga nũxcüma cuxüxü̃. Yerü torü o̱xigü rü tomaxã nüxü̃ nixugüe ga yema mexü̃gü ga nũxcüma curü poramaxã cuxüxü̃.

Wiyaegü 48:8

Rü yima Tupanaarü ĩane rü namexẽchi yema tórü o̱xigüwa nüxü̃ taxĩnüechigaxü̃rüxü̃. Rü ñu̱xma i yixema rü ta rü taxetümaxã nüxü̃ tadaugü i ngẽma. Rü nümatama ya Tupana ya Guxãétüwa Ngẽxmacü rü guxü̃gutáma yima ĩanexü̃ ínapoxü̃.

Ínachoxü̃xü̃chiga 13:8

Rü ngẽma ngunexü̃gu rü penegümaxã tá nüxü̃ pixu rü ñapegürü: “Rü ñaa taxü erü nüxna nacua̱xãchie ga yema mexü̃ ga norü poramaxã toxca̱x naxüxü̃ ga Cori ya Tupana ga yexguma Equítuanewa ítachoxü̃gu”, ñapegürü.

Ínachoxü̃xü̃chiga 10:2

Rü ngẽmaãcü i cuma rü tá cunegümaxã rü cutaagümaxã nüxü̃ quixu nax ñuxãcü nüxü̃ chacugüxü̃ ga Equítuanecüã̱xgü rü ñuxãcü taxü̃ ga guxchaxü̃gü naxca̱x íchanguxẽẽxü̃. Rü ngẽmawa tá nüxna pecua̱xãchie nax choma chixĩxü̃ ya Cori ya Tupana —ñanagürü.

Yox 13:1

Rü nüma ga Yox rü ñanagürü: —Guxü̃ma i ngẽma nüxü̃ pixuxü̃ rü chauxetümaxã nüxü̃ chadau, rü chauchi̱xẽmaxã nüxü̃ chaxĩnü.

Wiyaegü 145:4

Rü papagü rü naxacügüwa tá nanangúexẽẽgü nax cuxü̃ yacua̱xüü̃güxü̃ naxca̱x i ngẽma cuxüxü̃. Rü tá nüxü̃ nixugügü i ngẽma mexü̃gü i curü poramaxã cuxüxü̃.

Ichaía 38:19

Rü ngẽma maxẽxü̃xicatama nixĩ i cuxü̃ icua̱xüü̃güxü̃, ñoma ñu̱xma choma chaxüxü̃rüxü̃. Rü ngẽma nanatügü rü nanegümaxã tá nüxü̃ nixu nax aixcüma cuyanguxẽẽxü̃ i ngẽma nüxü̃ quixuxü̃.