Wiyaegü 77:3 - Tupanaarü Ore

³ Rü nüxna chacua̱xãchi ya Tupana rü chaxaxu. Rü Tupanaarü ngü̃xẽẽca̱x chadau, natürü changechaü̃ erü tama paxa ínangu i norü ngü̃xẽxẽ.

Wiyaegü 77:3 Referans Kwoze

Wiyaegü 61:2

Rü ñu̱xma nax chorü naanena chayáxü̃guxü̃ rü cuxna chaca nax choxü̃ curüngü̃xẽẽxü̃ca̱x. Rü poraãcü chaxoegaãxẽ, rü ngẽmaca̱x chanaxwa̱xe i wüxi ya tacü ya nutaétügu choxü̃ cumunagü i ngextá taxucürüwa chorü uanügü choxna íngugüxü̃wa.

Yox 31:23

Rü choma rü nüxü̃ chamuü̃ ga yema Tupanaarü poxcu, yerü nüma rü guxü̃étüwa nangẽxma rü taxũchima yáxna namaxã chaxĩnü ga yema norü poxcu.

Auxexü̃chiga 3:39

¿Rü tü̱xcüü̃ i yixema nax iduü̃ẽxü̃ rü Tupanamaxã tanueama ega tórü chixexü̃gagu tüxü̃ iyanawe̱xãchixẽẽgu?

Yeremía 17:17

¡Rü taxṹ i ãũcümaxü̃wa choxü̃ cungẽxmaxẽxẽxü̃! Erü cuma rü chorü poxü̃ruxü̃ quixĩ i ngẽxguma guxchaxü̃gü cha̱u̱xca̱x ínguxgu.

Wiyaegü 43:5

¿Rü ñu̱xma rü ta̱xacüca̱x tá nüxü̃ charüxoxü̃? ¿Rü ta̱xacüca̱x tá ichaxoégaãẽxü̃? Erü choma rü marü Tupanaaxü̃́ chayaxõ rü yimáxü̃ tá nixĩ i chicua̱xüxü̃xü̃. Rü nüma nixĩ i chorü Tupana i chorü maxẽẽruxü̃ yixĩxü̃.

Wiyaegü 42:11

¿Natürü ta̱xacüca̱x chi nüxü̃ charüxoxü̃? ¿Rü ta̱xacüca̱x chi ichaxoégaãẽxü̃? Erü Tupanaaxü̃́ nixĩ i chayaxõxü̃ rü yimáxü̃ tá nixĩ ichicua̱xüxü̃amaxü̃. Erü nüma nixĩ i chorü Tupana ya chorü maxẽxẽruxü̃ ixĩcü.

Wiyaegü 42:5

¿Rü ñu̱xma rü ta̱xacüca̱x chi íchayaxoõchixü̃? ¿Rü ta̱xacüca̱x chi i naxca̱x chaxoegaãẽxü̃? Rü Tupanawa tá nüxü̃ ichayangau i chorü ngü̃xẽxẽ, rü yimáxü̃ tá nixĩ i chicua̱xüxü̃xü̃. Erü nüma nixĩ ya chorü Tupana ya chorü maxẽẽruxü̃.

Yox 7:11

Rü ngẽmaca̱x i ñu̱xma rü taxũtáma changeã̱xmare. Rü ngẽma ngúxü̃ i chingexü̃gagu rü ngẽma nax chanuxü̃gagu rü tá chidexa rü tá cumaxã nüxü̃ chixu i ngẽma nagu charüxĩnüxü̃.

Yox 6:4

Rü nüma ya Yimá Guxãétüwa Ngẽxmacü rü chowa nayanawa̱xẽẽgü ya yima naxnegü, rü ngẽma norü naguchatagü rü chaxunegu nixũ. Rü ngẽma ãũcümaxü̃ i norü nu ya Tupana rü marü chowa nangu.

Auxexü̃chiga 3:17

Rü ngẽma chorü taãxẽ rü choxna nixũgachi, rü marü düxwa nüxü̃ icharüngüma i guxü̃ma i ngẽma taãxẽ ga noxri choxü̃́ yexmaxü̃.

Naanearü ügüchiga 37:35

Rü guxü̃ma ga nanegü rü naxacügü rü nanataãẽxẽxẽgütaa̱x. Natürü ga nüma rü tama nüxü̃́ nanayaxu. Rü naneca̱x naxauxama, rü ñanagürü: —Chauneca̱x tá chaxaure ñu̱xmatáta chayu̱x rü naxü̃tawa changu —ñanagürü.

Yox 15:11

¿Rü tama ẽ̱xna cuxü̃́ ningu i ngẽma ucu̱xẽ ya Tupana namaxã cuxü̃ taãẽxẽẽxü̃ rü ngẽma ucu̱xẽ i toma ngechaü̃ãcüma cumaxã nüxü̃ tixuxü̃?

Wiyaegü 50:15

¡Rü cha̱u̱xca̱x peca ega ngẽxguma guxchaxü̃ pexü̃ ngupetügu! Rü choma rü tá pexü̃ íchapoxü̃ rü pema rü tá choxü̃ picua̱xüü̃gü —ñanagürü ya Tupana.

Charumóü̃arü wiyae 3:1

Rü chütacü yexguma chorü pechicawa chapexgu, rü chaxãnegü. Rü chaunegüwa naxca̱x chadau ga gumá ngextü̱xücü i choxü̃́ ngúchaü̃xüchicü. Natürü tama nüxü̃ ichayangau.

Ichaía 26:16

Rü yexguma guxchaxü̃ toxca̱x ínguxgu, Pa Corix, rü cuxca̱x tadaugüama naétüwa ga yema ngúxü̃ ga toxca̱x ícunguxẽẽxü̃ nax toxü̃ curüwe̱xãchigüxẽẽxü̃ca̱x.