Wiyaegü 77:1 - Tupanaarü Ore

¹ Rü tagaãcü Tupanana chaca i chorü yumüxẽwa nax choxü̃ naxĩnüxü̃ca̱x.

Wiyaegü 77:1 Referans Kwoze

Wiyaegü 3:4

Rü Cori ya Tupanaca̱x aita chaxü nax choxü̃ nangü̃xẽẽxü̃ca̱x. Rü nüma rü yima norü ma̱xpǘne ya üünenewa choxü̃ nangãxü̃.

Wiyaegü 50:1

Nüma ya Cori ya Tupana ya Guxãétüwa Ngẽxmacü rü nidexa, rü naxca̱x nangema i guxü̃ma i duü̃xü̃gü i guxü̃wama ñoma i naanewa ngẽxmagüxü̃.

Wiyaegü 39:1

Choma rü marü chaugümaxã ñachagürü: —Chaugüna tá chadau nax ngẽmaãcü tama chixexü̃ chaxüxü̃ca̱x i ngẽxguma chidexagu. Rü tá changea̱xmare i ngẽxguma chope̱xewa nangẽxmagügu i duü̃xü̃gü i chixexü̃gu rüxĩnüexü̃ —ñachagürü.

Wiyaegü 62:1

Rü Tupanaxicatama nixĩ ya aixcüma choxü̃ taãẽxẽẽcü. Rü nüma nixĩ i choxna naxããxü̃ i maxü̃.

Wiyaegü 34:6

Rü daa yatü ya taxuxü̃ma ixĩcü rü Cori ya Tupanana naca, rü nüma nüxü̃ naxĩnü rü ínananguxuchixẽxẽ nawa ga guxü̃ma ga norü oegaãẽgü.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 25:6

Rü nanatü ga Emáü̃ nixĩ ga namaxã icuáxü̃ ga yema nanegü ga yexguma platíyugümaxã rü árpaxacügümaxã rü árpagü ga taxü̃maxã napaxetagüãcüma Tupanapata ga taxü̃newa nawiyaegügu. Rü nüma ga Achá rü Yedutúü̃ rü Emáü̃ rü ãẽ̱xgacü ga Dabíarü muwa nayexmagü.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 25:3

Yedutúü̃ nanegü rü Guedaría, rü Cherí, rü Ichaía, rü Chimí, rü Achabía, rü Matatía nixĩgü. Rü nümatama ga Yedutúü̃ nixĩ ga namaxã inacuáxü̃ ga yema 6 ga nanegü. Rü nüma ga Yedutúü̃ nixĩ ga árpamaxã napaxetagüãcüma nüxü̃ yaxuxü̃ ga Tupanaarü ore rü moxẽ nüxna naxãxü̃ rü nüxü̃ yacua̱xüü̃xü̃.