Wiyaegü 74:1 - Tupanaarü Ore

¹ Pa Tupanax, toma nax curü duü̃xü̃gü tixĩgüxü̃, rü ¿tü̱xcüü̃ toxü̃ ícuwogüxü̃chi? ¿Rü tü̱xcüü̃ tomaxã cunu?

Wiyaegü 74:1 Referans Kwoze

Wenaxarü naxümatü ga Tupanaarü mugü 29:20

Rü nüma ya Cori ya Tupana rü taxũtáma nüxü̃́ nüxü̃ narüngüma i ngẽma norü chixexü̃, rü naétügu tá nananguxẽxẽ i norü nu. Rü naxca̱x tá ínangugü i guxü̃ma i ngẽma guxchaxü̃gü i ñaa poperagu ümatüxü̃. Rü ñu̱xũchi nataagü i ngẽma yatü rü Tupana rü ñoma i naanewa tá inayanaxoxẽxẽ.

Wiyaegü 100:3

¡Rü nüxna pecua̱xãchie nax nüma ya Cori rü Tupana yixĩxü̃! Rü nüma nixĩ i tüxü̃ nango̱xẽẽxü̃ rü tama yigütama tango̱xẽxẽ. Rü norü duü̃xü̃gü tixĩgü, ñoma carnérugü i norü yoraarü nachitaxü̃wa ngẽxmagüxü̃rüxü̃.

Wiyaegü 79:13

Rü ñu̱xũchi i toma nax curü duü̃xü̃gü tixĩgüxü̃ rü guxü̃gutáma moxẽ cuxna taxã. Rü torü wiyaemaxã guxü̃gutáma gucü ya taunecügügu cuxü̃ ticua̱xüü̃gü.

Wiyaegü 95:7

Rü nüma nixĩ i tórü Tupana yixĩxü̃ rü yixema rü norü duü̃xü̃gü tixĩgü. Rü yixema rü ñoma norü carnérugürüxü̃ nüxü̃́ tixĩgü. ¡Rü ñu̱xma rü nüxü̃́ iperüxĩnüe i ngẽma pemaxã nüxü̃ yaxuxü̃!

Wiyaegü 44:9

Natürü i ñu̱xmax rü toxü̃ cuxo rü toxü̃ cuxãneexẽxẽ. Rü marü tama ícuyaxümücü i torü churaragü.

Ore i mexü̃ ga Luca ümatüxü̃ 12:32

¡Taxṹ i pemuü̃exü̃, Pa Chauxacügüx! Pema rü noxretama pixĩgü natürü Penatü ya Tupana rü norü ngúchaü̃ nixĩ nax pexna naxããxü̃ i pechica i ngextá nüma ãẽ̱xgacü íyixĩxü̃wa.

Echequié 34:31

Rü pematama nixĩ i chorü carnérugü pixĩgüxü̃ rü chorü naanewa pengẽxmagüxü̃. Rü choma nixĩ i perü Tupana chixĩxü̃. Rü choma ya Cori ya Tupana nixĩ i pemaxã nüxü̃ chixuxü̃ i ngẽma —ñanagürü.

Yeremía 31:37

Rü taxucürüwa texé tanangugü i dauxü̃guxü̃ i naane, rü taxucürüwa texé ñoma i naanearü aixepewa tangu nax nüxü̃ tacuáxü̃ca̱x i ta̱xacü ngẽxmaxü̃. Rü ngẽxgumarüxü̃ ta taxucürüwa nüxü̃ chaxo i Iraétanüxü̃ naxca̱x i guxü̃ma ga yema chixexü̃ ga naxügüxü̃. Rü chomatama ya Cori ya Tupana nixĩ i nüxü̃ chixuxü̃ i ngẽma —ñanagürü.

Yeremía 23:1

Nüma ya Cori ya Tupana rü ñanagürü: —Nügümaxã nangechaü̃gü i ngẽma ãẽ̱xgacügü i tama mea nüxna daugüxü̃ i chorü duü̃xü̃gü, rü ngẽmaca̱x inarütauxe rü nawoone —ñanagürü.

Wiyaegü 79:5

Pa Cori Pa Tupanax ¿rü ñuxguxüratáta i nüxü̃ curüchauxü̃ nax tomaxã cunuxü̃? ¿Rü ẽ̱xna guxü̃gutáma ñoma wüxi ya üxürüxü̃ niyauraecha i ngẽma curü nu?

Wiyaegü 77:7

—¿Ẽ̱xna guxü̃gutáma i nanuxü̃ ya Cori ya Tupana? ¿Rü taxũtáma ẽ̱xna wena tamaxã nangüxmüxü̃?

Wiyaegü 42:11

¿Natürü ta̱xacüca̱x chi nüxü̃ charüxoxü̃? ¿Rü ta̱xacüca̱x chi ichaxoégaãẽxü̃? Erü Tupanaaxü̃́ nixĩ i chayaxõxü̃ rü yimáxü̃ tá nixĩ ichicua̱xüxü̃amaxü̃. Erü nüma nixĩ i chorü Tupana ya chorü maxẽxẽruxü̃ ixĩcü.

Echequié 34:8

Rü choma ya Cori ya Tupana rü chauégagu pemaxã nüxü̃ chixu rü muxü̃ma ga naeü̃gü ga idüraexü̃ rü marü naxca̱x nangĩ̱xgü rü nanangõ̱xcu ga chorü carnérugü, yerü nangearü dauruxü̃ã̱xgü. Rü pema i norü dauruü̃gü rü tama naxca̱x peyadaugü. Rü pema rü pegünaxicatama pedaugü rü tama chorü carnérugüna pedaugü.

Wiyaegü 78:1

Pa Chorü Duü̃xü̃güx ¡naga pexĩnüe i ñaa ore i pexü̃ changúexẽxẽxü̃! ¡Rü iperüxĩnüe i ñaa pemaxã nüxü̃ chixuxü̃!

Wiyaegü 60:1

Pa Tupanax, cuma rü curü numaxã toxna quixũgachi rü toxü̃ cuwoone. Rü tanaxwa̱xe i wenaxarü toxca̱x cutaegu nax noxrirüxü̃ taporaexü̃ca̱x.

Wiyaegü 42:9

Rü ñachagürü nüxü̃ ya Tupana ya chorü poxü̃ruxü̃: —¿Tü̱xcüü̃ choxü̃ curüngü̃ma? ¿Rü ta̱xacüca̱x i ñu̱xma rü ngechaü̃ãcü ichixũxü̃ rü choxü̃ nua nachixeãẽgüxü̃ i chorü uanügü? —ñachagürü.

Wiyaegü 18:8

Rü naxmaraü̃wa rü caxixü̃ ínaxũxũ. Rü naã̱xwa ínaxũxũ ga üxüema ga ñoma ga naane ixaxẽẽxü̃, rü ínaxũxũ ga ã́xwe ga inaicü.

Wiyaegü 10:1

Pa Cori Pa Tupanax ¿Tü̱xcüü̃ choxna cuyáxü̃gu? ¿Rü tü̱xcüü̃ iquicu̱x ega guxchaxü̃wa changexmagu?

Ínachoxü̃xü̃chiga 32:11

Natürü nüma ga Moiché rü ñaa dexamaxã Cori ya Tupanaxü̃ narüngüxmüxẽẽchaü̃: —Pa Corix, ¿tü̱xcüü̃ poraãcü namaxã cunu i ngẽma curü duü̃xü̃gü ga cumatama curü poramaxã ícunguxü̃xẽẽxü̃ ga Equítuanewa?

Norü taxre ga popera ga ãẽ̱xgacügüchiga 21:14

Rü ngẽma togü i chorü duü̃xü̃gü, rü nüxna tá chixũgachi rü norü uanügüme̱xẽgu tá chanayixẽxẽ nax ngẽma norü uanügü norü ĩanegu nachocuxü̃ca̱x rü nadeãcuãxü̃ca̱x ya yima ĩane.

Wiyaegü 50:1

Nüma ya Cori ya Tupana ya Guxãétüwa Ngẽxmacü rü nidexa, rü naxca̱x nangema i guxü̃ma i duü̃xü̃gü i guxü̃wama ñoma i naanewa ngẽxmagüxü̃.

Wiyaegü 77:8

¿Rü ẽ̱xna marü nüxü̃ narüchau nax tüxü̃ nangechaxü̃xü̃? ¿Ẽ̱xna nüxü̃ narüngümaxüchi ga norü uneta ga nüxü̃ yaxuxü̃?

Wiyaegü 80:5

Rü ngẽma namaxã toxü̃ cuxüwemüxü̃ rü axu nixĩ, rü ngẽma namaxã toxü̃ cuxaxexẽẽxü̃ rü toxgüxü̃etü nixĩ.

Wiyaegü 85:6

¿Rü tama ẽ̱xna i wenaxarü toxü̃ ícurüdagüxẽxẽxü̃ nax ngẽmaãcü cumaxã tataãẽgüxü̃ca̱x i tomax i curü duü̃xü̃gü nax tixĩgüxü̃?

Ichaía 64:8

Natürü ngẽmaétüwa, Pa Corix Pa Tupanax, rü cuma nixĩ i Tonatü quixĩxü̃. Toma rü waixü̃mü tixĩgü rü cuma nixĩ i torü üruxü̃ quixĩxü̃. Rü guxãma i toma rü cumatama toxü̃ cuxü.

Auxexü̃chiga 5:22

Natürü i cuma rü marü toxü̃ cuxoxochi. Yerü yema nax tomaxã cunuxü̃ rü nangupetüxüchi.