Wiyaegü 73:3 - Tupanaarü Ore

³ Yerü chixãũxãchi naxca̱x nax ñuxãcü namuarü ngẽmaxü̃ã̱xgüxü̃ i ngẽma duü̃xü̃gü i nügü icua̱xüü̃güxü̃ rü chixexü̃ ügüxü̃.

Wiyaegü 73:3 Referans Kwoze

Yox 21:7

¿Rü tü̱xcüü̃ i ngẽma duü̃xü̃gü i chixexü̃gu maxẽxü̃ rü namáarü maxü̃xã̱xgüxü̃ rü mea yanayaegüxü̃ rü naporaexü̃?

Yeremía 12:1

Rü Yeremía rü Cori ya Tupanaxü̃ ñanagürü: —Pa Corix, ngẽxguma cumaxã chaporagagu, rü cuma rü guxü̃guma nawe̱xgu i ngẽma namaxã choxü̃ cungãxü̃xü̃. Rü ngẽmaca̱x cuxna chacaxchaü̃ nachiga i ngẽma ñoma i naanewa ngupetüxü̃. ¿Rü ta̱xacüca̱x nixĩ i mea nüxü̃ nangupetügüxü̃ i ngẽma chixexü̃gu maxẽxü̃? ¿Rü ta̱xacüca̱x nataãẽgü i ngẽma chixri maxẽxü̃?

Ucu̱xẽgüchiga 23:17

Tama name i quixãũxãchi naxca̱x i norü ngẽmaxü̃gü i ngẽma duü̃xü̃gü i chixexü̃gu maxẽxü̃, rü narümemae i aixcüma Cori ya Tupanaga cuxĩnü.

Wiyaegü 37:7

Rü name nax cungea̱xmarexü̃ nape̱xewa ya Cori ya Tupana. ¡Rü yáxna naxĩnü! Rü nüma rü tá cuxü̃ narüngü̃xẽxẽ. ¡Rü taxṹ i quixãũãchixü̃ ega ngẽma chixexü̃ ügüxü̃ rü namuarü ngẽmaxü̃ã̱xgügu rü mea yaxũxgu i ngẽma nagu naxĩnüexü̃!

Wiyaegü 37:1

¡Taxṹ i cunaxĩ̱xãchiãẽxü̃ namaxã i ngẽma duü̃xü̃gü i chixexü̃gu maxẽxü̃! ¡Rü taxṹ i quixãũxãchixü̃ i ngẽma chixexü̃ ügüxü̃!

Ucu̱xẽgüchiga 24:1

¡Taxṹ i naxca̱x quixãũxãchixü̃ i ngẽma nacüma i ngẽma duü̃xü̃gü i chixexü̃ ügüxü̃! ¡Rü taxṹ cuxü̃́ nangúchaü̃xü̃ nax namaxã cuxãmücüxü̃! Erü nümagü rü ma̱xguxicatama narüxĩnüe, rü ngẽxguma yadexagügu rü nachiga nidexa i ngẽma chixexü̃ i naxügüxü̃. -20-

Popera ga Chantiágu ümatüxü̃ 4:5

Rü tama natüca̱xma nixĩ i ngẽma Tupanaarü ore i ñaxü̃: “Tupanaaxü̃́ nachu̱xu i ngẽma taãxẽ i tüxna namuxü̃”, ñaxü̃.

Ucu̱xẽgüchiga 3:31

¡Rü taxṹ i cuxü̃́ nangúchaü̃xü̃ i nacüma i ngẽma yatü i máxwa̱xexü̃ rü taxṹ i nüxü̃ cuyadauxü̃xü̃!

Yox 12:6

Rü ngẽma ngĩ́ta̱xagüxü̃ rü taãẽãcüma napatagüwa namaxẽ. Rü ngẽma Tupanamaxã guxchigagüxü̃ rü taãẽãcüma namaxẽ rü nagu narüxĩnüe nax nümagü Tupanamaxã inacua̱xgüxü̃.

Yox 17:8

Rü ngẽxguma choxü̃ nadaugügu i ngẽma duü̃xü̃gü i mexü̃gu rüxĩnüexü̃ rü chomaxã naba̱i̱xãchie. Rü nanue i duü̃xü̃gü rü chixexü̃arü üruü̃ãcü choxü̃ nadaugü.

Yox 24:23

Rü ñu̱xma ya Tupana rü taxu ñanagürümare, natürü nüxü̃ nadau i guxü̃ma i ta̱xacü i naxüxü̃ i ngẽma duü̃xü̃ i chixexü̃gu maxü̃xü̃.

Wiyaegü 10:5

Rü ngẽma naxüxü̃wa rü guxü̃guma mea nüxü̃́ ínanguxuchi. Rü nüma rü nüxü̃ naxo i curü mugü, Pa Tupanax. Rü nagu naxĩnügu rü tagutáma cunapoxcu. Rü norü uanügüxü̃ nacugü, rü nagu narüxĩnü nax taxúetama nüxü̃ rüporamaexü̃ rü tagutáma guxchaxü̃ nüxü̃́ ngẽxmaxü̃.

Ngu̱xẽẽtaeruü̃arü ore 7:15

Rü guxü̃ma i ngẽma rü nüxü̃ chadau nagu i chorü maxü̃ i natüca̱xmamare ixĩxü̃. Rü nangẽxma i yatügü i mexü̃ ügüxü̃ i yuexü̃ woo namexgu i norü maxü̃. Rü ñu̱xũchi nangẽxma i duü̃xü̃gü i chixexü̃ ügüxü̃ rü mucüma ya taunecü maxẽxü̃ woo nachixegu i norü maxü̃.

Maraquía 3:15

Rü yixema rü nüxü̃ tadau i ngẽma duü̃xü̃gü i nügü írütagüxü̃ rü nataãẽgü. Rü ngẽma chixexü̃arü üruü̃gü rü guxü̃ma i ta̱xacü i naxügüxü̃wa rü mea nüxü̃́ ínanguxuchi. Rü woo Tupanaxü̃ naxügügu rü taxuxü̃ma i poxcu naxca̱x ínangu”, ñaperügügü —ñanagürü ga Tupana.