Wiyaegü 73:1 - Tupanaarü Ore

¹ Tupana rü namaxã namecüma i ngẽma Iraétanüxü̃ i mexü̃gu rüxĩnüexü̃.

Wiyaegü 73:1 Referans Kwoze

Ore i mexü̃ ga Matéu ümatüxü̃ 5:8

Tataãẽgü ya yíxema tama chixexü̃gu rüxĩnüexe, erü yíxema tá tixĩgü ya Tupanaxü̃ daugüxe.

Wiyaegü 51:10

Pa Tupanax ¡chowa nangẽxmaxẽxẽ i wüxi i chauãxẽ i aixcüma mexü̃! ¡Rü nangexwaca̱xü̃xẽxẽ i chauãxẽ nax cupe̱xewa wüxi i naãxẽ i aixcüma mexü̃ yixĩxü̃ca̱x!

Ore i mexü̃ ga Luca ümatüxü̃ 12:32

¡Taxṹ i pemuü̃exü̃, Pa Chauxacügüx! Pema rü noxretama pixĩgü natürü Penatü ya Tupana rü norü ngúchaü̃ nixĩ nax pexna naxããxü̃ i pechica i ngextá nüma ãẽ̱xgacü íyixĩxü̃wa.

Wiyaegü 84:11

Erü nüma ya Cori ya Tupana rü norü duü̃xü̃güxü̃ nibáixmaxü̃ rü ínanapoxü̃. Rü yíxema tama naxügüxe i ngẽma chixexü̃ rü nüma ya Tupana rü tüxü̃ nangechaü̃ rü tüxü̃ nicua̱xüxü̃ rü tama tüxna nanachu̱xu i norü mexü̃.

Popera ga Chantiágu ümatüxü̃ 4:8

¡Tupanana pengaicamagü! Rü nüma rü tá ta pexna nangaicama. Rü pemax, Pa Pecaduã̱xgüxü̃x, ¡nüxü̃ perüxoe i pecüma i chixexü̃! Rü pemax, i Tupanawe rüxĩxchaü̃xẽ natürü ñoma i naanewe rü ta rüxĩxchaü̃xẽ, ¡penamexẽxẽ̱x i perü maxü̃ nax Tupanaca̱xicatama pemaxẽxü̃ca̱x!

Ore i mexü̃ ga Cuáü̃ ümatüxü̃ 1:47

Rü yexguma Ngechuchu Natanaéxü̃ da̱u̱xgu ga naxca̱x nax yaxũxü̃, rü ñanagürü: —¡Dücax! Yéa ne naxũ i wüxi i yatü i aixcüma Iraétanüxü̃ ixĩxü̃ i aixcüma ngearü chixexü̃ã́xü̃ —ñanagürü.

Popera ga Títoca̱x naxümatüxü̃ ga Pauru 3:5

Rü woo tama ta̱xacürü mexü̃ nax ixügüxü̃, natürü tüxü̃ namaxẽxẽxẽ yerü nüxü̃́ tangechaü̃tümüü̃gü. Rü Naãxẽ ya Üünexü̃arü poramaxã tüxü̃ namaxẽxẽxẽ, rü tüxü̃́ nanayauxgü i tórü pecadugü, rü tüxna nanaxã i ngexwaca̱xü̃xü̃ i tórü maxü̃.

Romanos 4:16

Rü yexguma Tupana Abraáü̃maxã ixunetagu nax nüxü̃ tá nangü̃xẽẽxü̃, rü Abraáü̃arü õgagu nixĩ ga namaxã inaxunetaxü̃. Rü ngẽmaca̱x i guxãma i yixema nax Abraáü̃rüxü̃ yaxõgüxü̃ rü taxca̱x ta nixĩ ga yema Tupanaarü uneta ga Abraáü̃maxã nüxü̃ yaxuxü̃. Rü ngẽmawa nüxü̃ tacua̱x rü tama yíxema mugü auregüxeca̱xicatama nixĩ i ngẽma Tupanaarü uneta, natürü guxãma ya yíxema Abraáü̃rüxü̃ Tupanaaxü̃́ yaxõgüxeca̱x ta nixĩ. Rü ñu̱xma rü guxãma i yixema nax Abraáü̃rüxü̃ mea yaxõgüxü̃ rü Abraáü̃xacügü tixĩgü rü nüma rü tanatü nixĩ i Tupanape̱xewa yerü nüxíra nayaxõ.

Wiyaegü 50:1

Nüma ya Cori ya Tupana ya Guxãétüwa Ngẽxmacü rü nidexa, rü naxca̱x nangema i guxü̃ma i duü̃xü̃gü i guxü̃wama ñoma i naanewa ngẽxmagüxü̃.

Norü taxre ga to ga popera ga ãẽ̱xgacügüchiga ümatüxü̃ 29:30

Rü yemawena ga nüma ga ãẽ̱xgacü ga Echequía rü yema Iraétücumügüarü ãẽ̱xgacügü rü Lebítanüxü̃xü̃ namu nax Cori ya Tupanaxü̃ yacua̱xüü̃güxü̃ca̱x namaxã ga yema wiyaegü ga Dabí ümatüxü̃ rü Tupanaarü orearü uruxü̃ ga Achá ümatüxü̃. Rü yexguma ga nüma ga yema Lebítanüxü̃ rü taãẽãcüma nanaxügü ga yema cua̱xüxü̃. Rü nacaxã́pü̱xügü rü yemaacü Tupanaxü̃ nicua̱xüü̃gü.

Yeremía 4:14

Pa Yerucharéü̃cüã̱xgü, ¡nüxü̃ perüxoe i ngẽma chixexü̃ i nagu pemaxẽxü̃! Rü ngẽxgumaxicatama tá nixĩ i nüxna ípenguxü̃xü̃ i ngẽma ãũcümaxü̃ i pexca̱x ínguxchaü̃xü̃. ¿Rü ñuxguxüra tá ta nixĩ i pegüna peyaxũgachixẽẽxü̃ i ngẽma chixexü̃ i ĩnügü i peãẽwa ngẽxmagüxü̃?

Wiyaegü 83:1

Pa Tupanax ¡taxṹ i curüchianexü̃, rü taxṹ i ngẽxma curüxã̱ũ̱xmarexü̃! ¡Rü nangãxü̃ i torü yumüxẽ rü toxü̃ ínanguxü̃xẽxẽ!

Wiyaegü 73:18

Rü cuma rü ãũcümaxü̃wa cunangexmagüxẽxẽ nax norü chixexü̃gu nayi̱xixü̃ca̱x rü ngẽxma yanaxoxü̃ca̱x i norü guxü̃ma.

Wiyaegü 42:11

¿Natürü ta̱xacüca̱x chi nüxü̃ charüxoxü̃? ¿Rü ta̱xacüca̱x chi ichaxoégaãẽxü̃? Erü Tupanaaxü̃́ nixĩ i chayaxõxü̃ rü yimáxü̃ tá nixĩ ichicua̱xüxü̃amaxü̃. Erü nüma nixĩ i chorü Tupana ya chorü maxẽxẽruxü̃ ixĩcü.

Wiyaegü 24:4

Rü yíxema tama chixexü̃ üxe rü tama chixexü̃gu rüxĩnüxe, rü tama tupananetachicüna̱xãgüxü̃ icua̱xüü̃güxe rü tama idoraxe, rü yíxema tixĩ ya mexẽ nax Tupanapatawa tangexmaxü̃.

Wiyaegü 2:6

—Choma rü marü nüxü̃ chaxuneta ya yimá ãẽ̱xgacü ya choma chanaxwa̱xecü nax yima ma̱xpǘne ya üünene ya Chióü̃wa ãẽ̱xgacü yixĩxü̃ca̱x —ñanagürü.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 16:37

Rü nüma ga Dabí rü yema baú ga Cori ya Tupanaarü mugüchixü̃pe̱xegu nanamu ga Acháx rü namücügümaxã nax wüxichigü ga ngunexü̃gu naxügüã̱xü̃ca̱x ga yema Tupanapataarü puracü.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 16:7

Rü yema ngunexü̃gu nixĩ ga Dabí noxri Acháxü̃ rü namücügüxü̃ namuxü̃ nax wiyaeãcü Tupanana moxẽ naxãgüxü̃ namaxã ga ñaa wiyae:

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 15:17

Rü nüma ga yema Lebítanüxü̃ rü nüxü̃ naxunetagü ga Emáü̃ ga Yoé nane, rü Emáü̃enexẽ ga Achá ga Berequía nane, rü Merarítanüxü̃ ga Etáü̃ ga Cuchaía nane.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 6:39

Rü yexguma nawiyaegügu rü Emáü̃arü tügünecüwagu nachi ga natanüxü̃ ga Achá. Rü Achá rü Berequía nane nixĩ, rü Berequía rü Chimá nane nixĩ,