Wiyaegü 72:5 - Tupanaarü Ore

⁵ Rü ngẽmaãcü ya yimá ãẽ̱xgacü rü name nax guxü̃guma naga naxĩnüexü̃ i norü duü̃xü̃gü, ngẽxgumarüxü̃ ya üa̱xcü rü tauemacü rü guxü̃guma inabaigüxü̃rüxü̃.

Wiyaegü 72:5 Referans Kwoze

Danié 7:14

Rü nüma ga guma Ãẽ̱xgacü rü namaxã nataãxẽ rü pora nüxna naxã nax ñoma i naanemaxã inacuáxü̃ca̱x. Rü guxü̃ma i ñoma i naanecüã̱x i duü̃xü̃gü i to i nagawa idexagüchigüxü̃ rü tá nüxü̃ nicua̱xü̃gü. Rü nüma rü guxü̃guma Ãẽ̱xgacü nixĩ rü tagutáma inayacua̱x nax Ãẽ̱xgacü yixĩxü̃.

Wiyaegü 72:17

Rü chanaxwa̱xe i duü̃xü̃gü guxü̃guma nüxna nacua̱xãchie i naéga ya ãẽ̱xgacü. Rü name nixĩ i duü̃xü̃gü guxü̃guma mea nachiga yadexagüxü̃ ñoma üa̱xcü guxü̃guma ibáxixü̃rüxü̃. Rü name nixĩ nax guxü̃ma i duxü̃xü̃gü mexü̃ namaxã uegugüxü̃ rü ngẽmaãcü guxü̃ma i nachixü̃anecüã̱xgü nüxü̃ icua̱xüü̃güxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 11:15

Rü yema norü 7 ga Tupanaarü orearü ngeruxü̃, rü nayacue ga norü cornéta. Rü nayexma ga nagagü ga tagaxü̃ ga daxũguxü̃ ga naanewa inaxũgüxü̃ ga ñagüxü̃: “Ñu̱xma rü tórü Cori ya Tupana rü Nane ya Cristu nixĩ i namaxã icua̱xgücü i guxü̃ma i ñoma i naane. Rü nümagü rü guxü̃gutáma namaxã inacua̱xgü”, ñagüxü̃.

Efesios 3:21

Rü ñu̱xma rü name nax guxü̃ma i yaxõgüxü̃ guxü̃gutáma Tupanaxü̃ nicua̱xüü̃gü naxca̱x i ngẽma Ngechuchu ya Cristu üxü̃. Rü ngẽmaãcü yixĩ.

Danié 7:27

Rü nüma ya Tupana ya Guxãétüwa Ngẽxmacü rü tá norü duü̃xü̃güna nanaxã i pora nax guxü̃ma i ñoma i naanemaxã inacua̱xgüxü̃ca̱x. Rü ñoma i naanecüã̱x i duü̃xü̃gü rü norü ãẽ̱xgacügü rü tá nüxü̃ nicua̱xüü̃gü. Rü guxü̃ma i duü̃xü̃gü i ñoma i naanewa maxẽxü̃ rü guxü̃gutáma Tupanaarü duü̃xü̃güme̱xẽwa tá nangẽxmagü rü tá naga naxĩnüxẽ”, ñanagürü.

Danié 2:44

Rü ngẽma ãẽ̱xgacügü rü ñoma i naanemaxã icua̱xgüguyane rü nüma ya Tupana ya daxũwa ngẽxmacü rü tá nayamucuchi i wüxi i ãẽ̱xgacü i tagutáma texé iyanaxoxẽẽcü rü tagutáma to i nachixü̃ane nüxü̃ rüyexeracü. Rü nüma rü tá inayanaxoxẽxẽ i guxü̃táma i ngẽma togü i ãẽ̱xgacügüarü ĩnü rü ngẽmaãcü i nüma rü guxü̃gutáma ãẽ̱xgacü nixĩ.

Ichaía 9:7

Rü nüma rü tá ãẽ̱xgacü ya Dabíchicüxü ingucuchicü nixĩ. Rü ngẽma norü pora nax ãẽ̱xgacü yixĩxü̃ rü guxü̃ i nachixü̃anegüwa tá nangu. Rü ngẽma nügümaxã nax inangüxmüxẽẽãxü̃ i duü̃xü̃gü rü tagutáma inayarüxo. Rü ngẽma nax ãẽ̱xgacü yixĩxü̃ rü mea tá duü̃xü̃gümaxã inacua̱x, rü mexü̃gu tá narüxĩnü rü guxãarü mexü̃ca̱x tá nadau i guxü̃guma. Rü ngẽmaãcü tá nanaxü erü ngẽma nixĩ i norü ngúchaü̃ i nagu naxĩnüxü̃ ya yimá Cori ya Tupana ya Guxãétüwa Ngẽxmacü.

Wiyaegü 89:29

Rü ngẽma nataagü rü nachicüxü guxü̃gutáma nüxí Iraéanecüã̱xgüarü ãẽ̱xgacügü nixĩgü ñu̱xmatáta nagu i naane.

Wiyaegü 72:7

Rü ngẽxguma nüma ãẽ̱xgacü yixĩxgu rü chanaxwa̱xe nax guxü̃ma mea ixũxü̃ rü nax nataxuxü̃ma i nu ñu̱xmata iyanaxo ya tauemacü.

Nüxíraxü̃xü̃ ga popera ga ãẽ̱xgacügüchiga 3:28

Rü guxü̃ma ga Iraéanecüã̱xgü rü nüxü̃ nacuáchigagü ga yema ãẽ̱xgacü üxü̃ ga ñuxãcü nanamexẽẽãxü̃ ga yema taxüchixü̃ ga guxchaxü̃. Rü yemaca̱x nüxü̃ nangechaü̃gü yerü nüxü̃ nacuáchigagü ga ñuxãcü Tupana cua̱x nüxna ãxü̃ nax namexẽẽãxü̃ca̱x ga guxchaxü̃gü.

1 Chamué 12:18

Rü yexguma ga nüma ga Chamué rü Tupanana naca. Rü yexgumatama nüma ga Cori ya Tupana rü ãẽmacü inanaxǘxẽxẽ rü nanapuxẽxẽ. Rü yexguma ga guxü̃ma ga yema duü̃xü̃gü rü poraãcü Cori ya Tupanaxü̃ rü Chamuéxü̃ namuü̃e.