Wiyaegü 72:12 - Tupanaarü Ore

¹² Erü nüma ya yimá ãẽ̱xgacü rü tá tüxü̃ ínapoxü̃ ya yíxema ngearü ngẽmaxü̃ã́xẽ ya nüxna caxe. Rü yíxema taxúema tüxü̃ rüngü̃xexẽ́xẽ rü nüma tá tüxü̃ narüngü̃xẽxẽ.

Wiyaegü 72:12 Referans Kwoze

Yox 29:12

Yerü choma rü tüxü̃ charüngü̃xẽẽxü̃ ga taxcutagü rü duü̃xẽgü ga ingearü diẽruã̱xgüe rü ñu̱xũchi duü̃xẽgü ga taxúema texé tüxü̃ rüngü̃xẽẽgüxe.

Wiyaegü 102:17

Rü nüma ya Cori ya Tupana rü tá nüxü̃ naxĩnü i norü yumüxẽ i ngẽma ngéma wogümarexü̃, rü taxũtáma nüxü̃ naxo i ngẽma naxca̱x ínacagüxü̃.

Popera ga Yudíugü ga yaxõgüxü̃ca̱x ümatüxü̃ 7:25

Rü ngẽmaca̱x nüxü̃́ natauxcha nax tüxü̃ namaxẽxẽẽxü̃ ya guxãma ya yíxema norü ngü̃xẽẽmaxã Tupanaxü̃tawa ngugüxe. Erü nüma ya Ngechuchu rü guxü̃guma namaxecha nax Tupanape̱xewa tümaétüwa nachogüxü̃ca̱x.

Ngu̱xẽẽtaeruü̃arü ore 4:1

Rü yemawena rü nüxü̃ chadau nax ñoma i naanewa naxrüxü̃ i duü̃xẽgümaxã chixri icua̱xgüxü̃. Rü tüxü̃ chadau nax taxauxexü̃ ga guxema duü̃xẽgü ga chixri tümamaxã inacua̱xgüxe, rü taxúema tüxü̃ rüngü̃xẽẽxü̃ nax tataãẽgüxü̃ca̱x. Rü ngẽma duü̃xü̃gü i chixri tümamaxã icua̱xgüxü̃ rü poraãcü chixri tümamaxã nachopetü rü taxúema texé tüxü̃ tarüngü̃xẽxẽ.

Wiyaegü 10:17

Pa Corix, cuma rü nüxü̃ cuxĩnü i tümaarü yumüxẽ ya yíxema tama tügü icua̱xüxü̃güxe. Rü cuma rü tüxü̃ cutaãẽgüxẽxẽ rü tüxü̃ curüngü̃xẽxẽ.

2 Corintios 8:9

Erü pema rü marü nüxü̃ pecua̱x nax ñuxãcü tamaxã namecümaxü̃ ga tórü Cori ya Ngechuchu ya Cristu. Rü woo nüxü̃́ nayexma ga guxü̃ma, natürü ñoma wüxi ga ngearü diẽruã́xü̃rüxü̃ pexca̱x nügü nixĩxẽxẽ nax ngẽmaãcü pexü̃́ nangẽxmaxü̃ca̱x i taxü̃ i Tupanaarü ngü̃xẽxẽ.

Ore i mexü̃ ga Luca ümatüxü̃ 4:18

“Cori ya Tupanaãxẽ rü chowa nangẽxma. Rü nüma rü choxü̃ naxuneta nax nüxü̃ chixuxü̃ca̱x i ore i mexü̃ namaxã i ngẽma duü̃xü̃gü i ngearü diẽruã̱xgüxü̃. Rü choxü̃ namu nax yema duü̃xü̃gü ga norü uanügü to ga nachixü̃anewa gagüxü̃maxã nüxü̃ chixuxü̃ca̱x rü tá nax ínanguxü̃xü̃. Rü choxü̃ namu nax ngẽma ingexetügüxü̃ chidauuchixẽẽxü̃ca̱x rü nax íchananguxü̃xẽẽxü̃ca̱x i ngẽma duü̃xü̃gü i togüme̱xẽwa ngẽxmagüxü̃.

Ichaía 41:17

Rü yíxema ngearü diẽruã̱xgüxe rü tita̱xawae rü naxca̱x tadaugü i dexá natürü taxuxü̃ma itayangaugü. Rü ta̱xawamaxã tipaarü conüã̱x. Natürü choma ya Cori ya Tupana rü tá tüxü̃ charüngü̃xẽxẽxü̃, rü choma nax Iraétanüxü̃arü Tupana chixĩxü̃ rü taxũtáma tüxü̃ íchawogümare.

Wiyaegü 72:4

Rü chanaxwa̱xe i nüma ya ãẽ̱xgacü rü mea tümamaxã inacua̱x ya yíxema ingearü ngẽmaxü̃ã̱xgüxe, rü tüxü̃ narüngü̃xẽxẽ ya tümaxacügü ya yíxema tüxü̃́ nataxúxe, rü napoxcueã i ngẽma chixri norü duü̃xü̃gümaxã icua̱xgüxü̃.

Ore i mexü̃ ga Luca ümatüxü̃ 7:22

Rü yemaca̱x Ngechuchu nanangãxü̃ rü ñanagürü: —¡Pewoegu rü Cuáü̃maxã nüxü̃ peyarüxu i ngẽma pematama nüxü̃ pedauxü̃ rü nüxü̃ pexĩnüexü̃! ¡Rü namaxã nüxü̃ pixu i ngẽma ingexetüxü̃ rü marü nidauuchigü, rü ngẽma ichixeparaxü̃ rü marü inachigü, rü ngẽma chaxüneã̱xgüxü̃ rü marü naxca̱x nitaanegü, rü ngẽma ngauchi̱xẽgüxü̃ rü marü ningo̱xnamachixẽgü, rü ngẽma yuexü̃ rü wenaxarü namaxẽ, rü ngẽma ingearü diẽruã̱xgüxü̃maxã marü nüxü̃ tixu i Tupanaarü ore i mexü̃!

1 Chamué 22:2

Rü yexgumarüxü̃ ta naxü̃tawa naxĩ ga yema duü̃xü̃gü ga ãẽ̱xgacü ngetanüãcü puracüexẽẽxü̃ rü yema duü̃xü̃gü ga nangetanügüxü̃ rü yema duü̃xü̃gü ga tama ãẽ̱xgacümaxã taãẽgüxü̃. Rü nüma ga Dabí rü yema duü̃xü̃güeru nixĩ. Rü yema duü̃xü̃gü ga Dabíwe rüxĩxü̃ rü 400 ga yatügüwa nangu.

2 Chamué 14:16

Rü ngẽxguma, Pa Ãẽ̱xgacüx, cuma choxü̃ curüngü̃xẽẽgu, rü tá naxme̱xwa toxü̃ ícunguxü̃xẽxẽ i ngẽma chaunexü̃ rü choxü̃ rüxoxẽẽchaü̃xü̃ i ñaa Tupanaarü naanewa.

Yox 36:15

Rü yíxema ngúxü̃ ingegüxe, rü Tupana rü ngúxü̃ tingegüãcüma tüxü̃ ínanguxü̃xẽxẽ nawa i ngẽma ngúxü̃ i tingegüxü̃. Rü ngẽxguma tanaxĩ̱xãchiãẽgügu rü tüxü̃ nataãẽxẽxẽ.

Wiyaegü 55:17

Rü ẽxü̃wa rü tocuchigu rü chütacü rü Tupanaxü̃ chaca̱a̱xü̃, rü nüma rü choxü̃ naxĩnü rü choxü̃ nangãxü̃.

Ucu̱xẽgüchiga 29:7

Yíxema mexü̃gu rüxĩnüxe, rü tümaétüwa nidexa ya yíxema tama muarü diẽruã̱xgüxe. Natürü ngẽma duü̃xü̃ i chixexü̃gu rüxĩnüxü̃, rü nüxü̃́ tanataxuraxü̃mare ya yíxema tama muarü diẽruã̱xgüxe.