Wiyaegü 71:9 - Tupanaarü Ore

⁹ Natürü ñu̱xma nax chayaxü̃ rü changearü poraáxü̃ ¡rü taxṹ i choxü̃ cuxoxü̃ rü choxü̃ ícutáxü̃!

Wiyaegü 71:9 Referans Kwoze

Ichaía 46:4

Rü guxü̃gutáma pexü̃ charüngü̃xẽẽxü̃ woo marü yaxguã̱xwa pingugügu rü pipuxerugügu. Rü choma rü tá pexna chadau, rü tá pexü̃ charüngü̃xẽxẽxü̃, rü tá pexü̃ íchanguxü̃xẽxẽ erü choma nixĩ ga pexü̃ changóexẽẽxü̃.

Norü taxre ga popera ga Timutéuca̱x naxümatüxü̃ ga Pauru 1:12

Rü ngẽmaca̱x nixĩ i ngúxü̃ chingexü̃ rü chapoxcuxü̃ i ñu̱xmax. Natürü tama naxca̱x chaxãne i ngẽma, erü choma nüxü̃ chacua̱x nax texéaxü̃́ chayaxõxü̃. Rü nüxü̃ chacua̱x nax naporaxü̃ i nüma nax nüxna nadauxü̃ca̱x i ngẽma puracü i choxna naxãxü̃ ñu̱xmatáta ngẽma ngunexü̃ i nagu wena núma naxũxü̃.

Wiyaegü 71:18

Pa Chorü Tupanax, ñu̱xma nax marü chayaxü̃ rü chapuxeruxü̃, rü ¡taxṹ i choxna quixũgachixü̃! Erü chanaxwa̱xe i curü porachigaxü̃ chixu namaxã i ngẽma ñu̱xma maxẽxü̃ i duü̃xü̃gü nax nümagü rü ta ngẽma duü̃xü̃gü i tá ingóetanüxü̃maxã nüxü̃ yaxugüxü̃ca̱x.

Wiyaegü 90:10

Rü 70 ya taunecü nixĩ ya woetama nagu imaxẽcü. Rü yíxema rüporamaegüxe rü 80 ya taunecüwa tangugü. Natürü yíxema máxarü maxü̃ã̱güxe rü tümaca̱x ínangu i ngúxü̃gü rü guxchaxü̃gü. Rü yimá torü taunecügü rü torüxü̃ paxãma nangupetü.

Norü taxre ga popera ga Timutéuca̱x naxümatüxü̃ ga Pauru 4:18

Rü nüma ya tórü Cori tá choxü̃ ínanguxuchixẽxẽ nawa i guxü̃ma i guxchaxü̃gü. Rü tá choxna nadau nax nüma ãẽ̱xgacü íyixĩxü̃wa choxü̃ nagaxü̃ca̱x. Rü name i guxü̃guma nüxü̃ ticua̱xüü̃gü. Rü ngẽmaãcü yixĩ.

Wiyaegü 73:26

Rü ñoma i naanewa rü ñaa chaxune rü chauãxẽ rü naturae. Natürü i cumax, Pa Tupanax, rü cunaporaxẽxẽ i chorü maxü̃ne. Rü guxü̃gutáma chorü Tupana quixĩ.

2 Chamué 19:35

Erü ñu̱xma rü marü choxü̃́ nangẽxma i 80 ya taunecü rü marü tama nüxü̃ chacua̱x nax nañuxãcaxü̃ i õna ega chachibügu rü chaxaxegu. Rü marü tama mea nüxü̃ chaxĩnü i naga i ngẽma wiyaetanüxü̃ i yatüxü̃ rü ngexü̃gü. Rü ngẽmaca̱x tama chanaxwa̱xe nax wüxi i curü guxcharuxü̃ chixĩxü̃.