Wiyaegü 71:5 - Tupanaarü Ore

⁵ Erü cumax, Pa Tupana ya Guxãétüwa Ngẽxmacüx, rü yexguma changextü̱xügutama cuxü̃́ chayaxõ. Rü cuma nixĩ ga choxü̃ curüngü̃xẽẽxü̃ rü choxna cudauxü̃.

Wiyaegü 71:5 Referans Kwoze

Yeremía 17:7

Natürü mexü̃ tümamaxã chaxuegu ya yíxema choxna rüyoexe rü chauxü̃tawa tümaarü ngü̃xẽẽca̱x íca̱xe.

Wiyaegü 39:7

Rü ngẽmaca̱x, Pa Corix ¿rü ta̱xacürü to chi nixĩ i íchanangu̱xẽxẽxü̃? Erü cuxicatama nixĩ i íchanangu̱xẽẽxü̃.

Wiyaegü 71:17

Pa Chorü Tupanax, yexguma changextü̱xügutama choxü̃ cungu̱xẽxẽ i curü ore, rü ñu̱xma rü ta nüxü̃ chixuama ga yema mexü̃ ga taxü̃ ga cuxüxü̃.

Wiyaegü 119:81

Rü poraãcü cuxü̃ íchanangu̱xẽxẽ nax choxü̃ ícupoxü̃xü̃ca̱x erü nüxü̃́ chayaxõ i curü ore.

Yeremía 17:17

¡Rü taxṹ i ãũcümaxü̃wa choxü̃ cungẽxmaxẽxẽxü̃! Erü cuma rü chorü poxü̃ruxü̃ quixĩ i ngẽxguma guxchaxü̃gü cha̱u̱xca̱x ínguxgu.

Wiyaegü 119:166

Pa Corix, cuxü̃ íchanangu̱xẽxẽ nax choxü̃ ícupoxü̃xü̃. Erü marü nagu chamaxü̃ i ngẽma curü mugü.

Romanos 15:13

Rü ñu̱xma i pemax nax nüxü̃́ peyaxõgüxü̃, rü chanaxwa̱xe nax poraãcü pexü̃ nataãẽxẽxẽ ya yimá Tupana ya pexü̃ tauxchaxẽẽcü nax Cristuxü̃ ípenangu̱xẽẽgüxü̃. Rü chanaxwa̱xe i Naãxẽ ya Üünexü̃arü poramaxã Tupana pexü̃ naporaexẽxẽ nax yexeraãcü Cristuxü̃ ípenangu̱xẽẽgüxü̃ca̱x.

Yeremía 17:13

Pa Corix, cuwa nixĩ i ínanguxẽẽgüãxü̃ i Iraétanüxü̃ nax ícunapoxü̃xü̃. Rü guxü̃ma i ngẽma cuxü̃ íta̱xgüxü̃ rü tá naxãnee. Rü guxü̃ma i ngẽma cuxna ixĩgachitanüxü̃ rü ñoma wüxi i duü̃xü̃éga i waixü̃müte̱xegu naxümatüxü̃rüxü̃ inayarüxomare, nagagu nax cuxü̃ ínata̱xgüxü̃, Pa Tupanax. Rü cuma nixĩ i toxna cunaxãxü̃ i maxü̃ ñoma dexá i nutawa chuxchuxü̃rüxü̃.

Yeremía 14:8

Pa Tupanax, cuxü̃́ nixĩ i tayaxõgüxü̃ i toma i Iraétanüxü̃. Rü cuma nixĩ i toxü̃ ícunguxü̃xẽẽxü̃ i ngẽxguma guxchaxü̃wa tangexmagügu. ¿Rü ta̱xacüca̱x i ñu̱xma rü to i nachixü̃anecüã̱xrüxü̃ quixĩ i ñaa tochixü̃anewa? ¿Rü ta̱xacüca̱x ñoma wüxi i duü̃xü̃ i to i nachixü̃anewa ne ũxü̃ rü paxaãchi nuxã ípemarexü̃rüxü̃ quixĩ?

Norü taxre ga popera ga Timutéuca̱x naxümatüxü̃ ga Pauru 3:15

¡Rü nüxna nacua̱xãchi rü cubuxgumamatama nüxü̃ cucua̱x i Tupanaarü ore i üünexü̃! Rü ngẽma orewa nüxü̃ cucua̱x rü ngẽxguma Ngechuchu ya Cristuaxü̃́ yaxõgügu nixĩ i tüxü̃́ nangẽxmaxü̃ i maxü̃ i taguma gúxü̃.

Ore i mexü̃ ga Luca ümatüxü̃ 2:40

Rü gumá bucü rü niyachigü, rü yexeraãcü niporachigü, rü yexeraãcü nüxü̃ nicuáchigü. Rü Tupana rü namaxã nataãxẽ rü nüxü̃ narüngü̃xẽxẽ.

Wiyaegü 13:5

Rü choma rü chayaxõ nax aixcüma choxü̃ cungechaü̃xü̃, rü chataãxẽ erü cuma rü choxü̃ cumaxẽxẽ.

1 Chamué 16:13

Rü nüma ga Chamué rü nanayaxu ga yema carnéruchatacu̱xre ga chíxü̃maxã ããcuxü̃, rü Dabíerugu nanaba ga naenexẽgüpe̱xewa. Rü yexgumatama ga Tupanaãxẽ rü Dabína nangu rü namaxã inacua̱x. Rü yemawena ga nüma ga Chamué rü narümoxẽ rü norü ĩane ga Ramáca̱x nataegu.

Yeremía 50:7

Rü yexguma yema Iraétanüxü̃xü̃ iyangaugügu ga yema norü uanügü rü nanadai. Rü ñanagürügü: “Tama tagagu nixĩ nax nada̱i̱xü̃. Nümagü rü Cori ya Tupanape̱xewa chixexü̃ naxügü. Rü nüxna nixĩgachitanü ya norü Tupana ga nüxü̃ rüngü̃xẽẽchirécü rü norü o̱xigüxü̃ rüngü̃xẽẽcü”, ñanagürügü.

Ngu̱xẽẽtaeruü̃arü ore 12:1

Rü ñu̱xma nax cungextü̱xüxü̃, rü ¡nüxna nacua̱xãchi ya yimá Tupana ya cuxü̃ ngo̱xẽẽcü ñoma rü ta taxũta ínangugü i ngunexü̃gü i guxchaxü̃gü namaxã napaxü̃! Erü tá cuxca̱x ínangugü i ngunexü̃gü i nagu ñacuxü̃: —Rü taxuwama choxü̃́ name nax chamaxü̃xü̃ —ñacuxü̃.

Wiyaegü 42:11

¿Natürü ta̱xacüca̱x chi nüxü̃ charüxoxü̃? ¿Rü ta̱xacüca̱x chi ichaxoégaãẽxü̃? Erü Tupanaaxü̃́ nixĩ i chayaxõxü̃ rü yimáxü̃ tá nixĩ ichicua̱xüxü̃amaxü̃. Erü nüma nixĩ i chorü Tupana ya chorü maxẽxẽruxü̃ ixĩcü.

Nüxíraxü̃xü̃ ga popera ga ãẽ̱xgacügüchiga 18:12

Rü ngẽma tá ngupetüxü̃ nixĩ i ngẽxguma tá cuxna chixũgachigu i chomax, rü ngẽma Tupanaãxẽ i Üünexü̃ rü tá ngẽma nachica i choma tama nüxü̃ chacuáxü̃wa tá cuxü̃ naga. Rü ngẽxguma Acáxmaxã nüxü̃ chayarüxuxgu i ngẽma ngupetüxü̃, rü ngẽxguma nua naxũxgux rü tama nuxã cuxü̃ iyangauxgux rü tá choxü̃ nima̱x. Rü choma i curü duü̃xü̃ nax chixĩxü̃ rü changextü̱xügucürüwatama Cori ya Tupanaxü̃ changechaü̃.

Norü taxre ga to ga popera ga ãẽ̱xgacügüchiga ümatüxü̃ 34:3

Rü yexguma marü 8 ga taunecü ãẽ̱xgacü yixĩxgu rü woo nax nangextü̱xüxü̃ ga Yochía, rü inanaxügü nax nũxcümaü̃cü ga norü o̱xi ga Dabíarü Tupanaca̱x nadauxü̃. Rü yexguma marü 12 ga taunecü ãẽ̱xgacü yixĩxgu rü Yudáanewa rü Yerucharéü̃wa inanaxügü nax nagu napogüxü̃ ga yema nachicagü ga ma̱xpǘnegüwa yexmagüxü̃ ga nawa tupananetagüxü̃ yacua̱xüü̃güxü̃. Rü ínanawogü ga Acheráchicüna̱xãgü, rü yema togü ga naxchicüna̱xãgü rü yema naxchicüna̱xãgü ga bróũchewa naxügüxü̃.