Wiyaegü 71:16 - Tupanaarü Ore

¹⁶ Pa Corix, guxü̃ma i duü̃xü̃gümaxã tá nüxü̃ chixu i ngẽma taxü̃gü i mexü̃gü i curü poramaxã cuxüxü̃. Rü tá chanaxunagü nax cuxicatama yixĩxü̃ nax quixaixcümaxü̃.

Wiyaegü 71:16 Referans Kwoze

Filipenses 4:13

Rü Cristu nixĩ ya choxü̃ poraxẽẽcü, rü ngẽmaca̱x chomaxã nanguxü̃ nax chanaxüxü̃ i guxü̃ma i ngẽma Tupana naxwa̱xexü̃ nax chanaxüxü̃.

Filipenses 3:9

Rü yema nax Cristuarü duü̃xü̃ chixĩxü̃ca̱x nixĩ i nüxü̃ charüxoxü̃ ga yema Yudíugücümagü ga noxri nagu chixũxü̃. Rü tama ngẽma nax chamecümaxü̃ca̱x rü ẽ̱xna mugü chaxaurexü̃ca̱x nixĩ nax chamexü̃ i nape̱xewa. Rü ñu̱xma rü Tupanape̱xewa chame erü Cristuaxü̃́ chayaxõ. Rü ngẽma nax Cristuaxü̃́ chayaxõxü̃ca̱x nixĩ i nügüca̱x choxü̃ namexẽẽxü̃ ya Tupana.

Wiyaegü 51:14

Pa Tupana ya Chorü Maxẽxẽruxü̃x ¡choxü̃ ínanguxuchixẽxẽ nax yexü̃cürü nagü ichanabaxẽxẽxü̃! Rü choma rü wiyaeãcüma tá nüxü̃ chixu nax cuma rü aixcümacü quixĩxü̃.

2 Tesalonicenses 1:6

Rü name nax Tupana ngúxü̃ nüxü̃ yangexẽẽgüxü̃ i ngẽma duü̃xü̃gü i ngúxü̃ pexü̃ ingegüxẽẽxü̃.

Efesios 6:10

Rü ñu̱xmax, Pa Chauenexẽgüx, rü name nixĩ i pegü peporaexẽxẽ namaxã i ngẽma pora i tórü Coriwa ne ũxü̃.

Efesios 3:16

Rü nüxna chaca ya Tanatü nax guxü̃ma i norü mexü̃wa pexna naxããxü̃ca̱x i ngẽma pora i Naãxẽ ya Üünexü̃wa ne ũxü̃ nax peãẽwa aixcüma peporaexü̃ca̱x.

Chacaría 10:12

Rü choma rü tá pora nüxna chaxã rü chauégagu tá ínaxĩ. Rü choma ya Cori ya Tupana nixĩ i pexü̃ ngẽma ñachaxü̃ —ñanagürü.

Wiyaegü 71:24

Rü chorü conümaxã rü guxü̃ i ngunexü̃gu tá nüxü̃ chixu nax cuma rü ixaixcümacü quixĩxü̃. Erü ngẽma duü̃xü̃gü i naxwa̱xegüxü̃ nax choxü̃ yama̱xgüxü̃, rü ñu̱xma rü poraãcü ãne ningegü.

Wiyaegü 71:15

Rü wüxichigü i ngunexü̃gu rü tá nüxü̃ chixu nax cuma quixĩxü̃ nax toxü̃ cumaxẽxẽxẽxü̃ rü aixcüma toxü̃ curüngü̃xẽxẽxü̃. Rü ngẽma nax namuxũchixü̃ i ngẽma mexü̃gü i cha̱u̱xca̱x cuxüxü̃, rü taxucürüwama chayaxugü.

Norü taxre ga popera ga Timutéuca̱x naxümatüxü̃ ga Pauru 2:1

Rü ñu̱xma, Pa Chaune, Pa Timutéux, ¡rü cugü naporaxẽxẽ namaxã i ngẽma pora ya Ngechuchu ya Cristu tüxna ãxü̃!

Romanos 10:3

Rü woo Tupana ñoma ga naanewa nanamu ga Cristu nax gumágagu Tupanape̱xewa yamexü̃ca̱x i duü̃xü̃gü, natürü nümagü i Yudíugü rü tama nüxü̃ nacua̱xgüchaü̃ i ngẽma. Rü nügütama nimexẽẽgüchaü̃, rü ngẽmaca̱x nagu naxĩãma i ngẽma mugü ga Moiché ümatüxü̃ rü tama Cristuaxü̃́ nayaxõgüchaü̃ nax nagagu Tupanape̱xewa yamexü̃ca̱x.

Romanos 3:21

Rü ñu̱xma nax taxucürüwama Tupanape̱xewa tüxü̃ yamexẽẽxü̃ i ngẽma mugü, rü ngẽmaca̱x ya Tupana rü tüxü̃ nüxü̃ nacua̱xẽxẽ nax Cristuaxü̃́ yaxõgüxü̃gagu nixĩ i tüxü̃ yamexẽẽgüxü̃. Rü yema mugü ga Moiché ümatüxü̃ rü yema ore ga nũxcümaü̃güxü̃ ga orearü uruü̃gü ümatüxü̃ rü nüxü̃ nixu nax Tupanape̱xewa yamexü̃ i guxü̃ma i ngẽma Ngechuchu ya Cristuaxü̃́ yaxõgüxü̃ woo Yudíugü rü woo ngẽma tama Yudíugü ixĩgüxü̃. Erü Tupanape̱xewa rü nawüxigumare.

Romanos 1:17

Rü ngẽma norü orewa nixĩ ya Tupana tamaxã nüxü̃ yaxuxü̃ nax tórü õgaguxicatama yixĩxü̃ nax nape̱xewa imexü̃. Erü norü ore i ümatüxü̃wa rü ñanagürü: “Yíxema tümaarü õgagu Tupanape̱xewa mexẽ, rü tüxü̃́ nangẽxma i maxü̃ i taguma gúxü̃”, ñanagürü.

Ore i mexü̃ ga Matéu ümatüxü̃ 6:33

Rü ngẽmaca̱x guxü̃arü yexera penaxwa̱xe nax naga pexĩnüexü̃ ya Tupana ya daxũwa ãẽ̱xgacü ixĩcü, rü penaxüxü̃ i ngẽma nüma pexü̃́ nanaxwa̱xexü̃. Rü ngẽxguma i nüma rü naétü tá pexna nanaxã i guxü̃ma i ngẽma pexü̃́ taxuxü̃.

Ichaía 63:7

Pemaxã nüxü̃ chixuxchaü̃ i Tupanaarü ngechaü̃chiga rü chorü wiyaemaxã nüxü̃ chicua̱xüxü̃ naxca̱x i guxü̃ma i ngẽma mexü̃gü i taxca̱x naxüxü̃. Erü poraãcü Iraétanüxü̃maxã namecüma rü poraãcü tüxü̃ nangechaxü̃.

Ichaía 40:31

Natürü yíxema aixcüma Cori ya Tupanaaxü̃́ yaxṍxe rü guxü̃gutáma tüxü̃́ ningexwaca̱xü̃chigü i tümaarü pora. Rü ñoma ĩyügürüxü̃ rü tá taporaama. Rü woo ngẽxguma poraãcü itañaãchigu rü taxũtáma nagu̱x i tümaarü pora. Rü woo ngẽxguma yáxü̃wa taxũxgu, rü taxũtáma tipa.

Ichaía 26:13

Pa Cori ya Torü Tupanax, togü ga nachixü̃anegüarü ãẽ̱xgacügü rü tomaxã inacua̱xgü, natürü i ñu̱xma rü cuxü̃xicatama nixĩ i tacuáxü̃ nax torü ãẽ̱xgacü quixĩxü̃.

Wiyaegü 106:2

¿Rü texé nüxü̃ tacua̱x nax nüxü̃ tixuxü̃ i guxü̃ma i ngẽma nüma norü poramaxã naxüxü̃? ¿Rü texé nüxü̃ tacua̱x nax nüma nanaxwa̱xexü̃ãcüma nüxü̃ ticua̱xüxü̃?

Wiyaegü 71:19

Pa Tupanax, ngẽma curü porachiga rü curü mecümachiga rü guxü̃wama nangu ñu̱xmata daxũguxü̃ i naanewa. Rü cuma rü cunaxü i taxü̃gü i mexü̃gü. Rü tataxuma ya texé ya cumaxã wüxiguxe.

Wiyaegü 71:2

¡Rü ẽcü chorü uanügüna choxü̃ ínapoxü̃! Erü cuma rü chomaxã quixaixcüma. ¡Rü choxü̃́ nüxü̃ naxĩnü i chorü yumüxẽ rü choxü̃ ínanguxuchixẽxẽ!

Wiyaegü 29:11

Rü nüma ya Cori ya Tupana rü nanaporaexẽxẽ i norü duü̃xü̃gü. Rü nüxü̃ narüngü̃xẽxẽ nax tama daigu naxĩnüexü̃ca̱x.

Wenaxarü naxümatü ga Tupanaarü mugü 33:25

Rü perü ĩanegüarü poxeguxü̃arü chotaruxü̃gü rü fierunaxca̱x rü bróũchenaxca̱x tá nixĩgü. Rü ngẽma perü pora i pexü̃́ ngẽxmaxü̃ rü tá natai i guxü̃ma i ngẽma ngunexü̃gü i nagu pemaxẽxü̃gu —ñanagürü.