Wiyaegü 71:12 - Tupanaarü Ore

¹² Pa Tupanax ¡taxṹ i choxna quixũgachixü̃! ¡Rü paxa nua naxũ rü choxü̃ yarüngü̃xẽxẽ!

Wiyaegü 71:12 Referans Kwoze

Wiyaegü 35:22

Pa Corix, cuma rü meama nüxü̃ cucua̱x i ngẽma naxügüxü̃ i ngẽma duü̃xü̃gü. ¡Rü taxṹ i cunangexrüxü̃ nax naxügüxü̃ca̱x i ngẽma chixexü̃! ¡Rü taxṹ i choxna quixũgachixü̃!

Wiyaegü 70:5

Natürü i choma nax chaturaxü̃ rü chanaxĩ̱xãchiãẽxü̃, rü chanaxwa̱xe i paxa nua cuxũ nax choxü̃ curüngü̃xẽẽxü̃ca̱x, Pa Tupanax. Erü cuma nixĩ i chorü ngü̃xẽẽruxü̃ rü chorü nguxuchixẽẽruxü̃ quixĩxü̃. ¡Rü paxa choxü̃ rüngü̃xẽxẽ, Pa Corix!

Wiyaegü 22:11

¡Rü ñu̱xma nax ãũcümaxü̃wa changexmaxü̃ rü taxṹ i choxna quixũgachixü̃! Erü tataxuma nax texé choxü̃ rüngü̃xẽẽxü̃.

Wiyaegü 10:1

Pa Cori Pa Tupanax ¿Tü̱xcüü̃ choxna cuyáxü̃gu? ¿Rü tü̱xcüü̃ iquicu̱x ega guxchaxü̃wa changexmagu?

Wiyaegü 143:7

Pa Cori Pa Tupanax ¡paxa choxü̃ nangãxü̃! Erü ngẽmatama chayu. ¡Rü taxṹ i cuxoxü̃ nax choxü̃ curüngü̃xẽxẽxü̃! Erü ngẽxguma tama choxü̃ curüngü̃xẽẽgu rü tá chayu naxrüxü̃ i ngẽma yuexü̃.

Wiyaegü 69:18

¡Rü nua naxũ rü choxü̃ rüngü̃xẽxẽ! ¡Rü naxme̱xwa choxü̃ ínanguxuchixẽxẽ i ngẽma chomaxã rüxuanügüxü̃!

Wiyaegü 40:13

Pa Corix, ¡choxü̃ ínanguxuchixẽxẽ nawa i ngẽma chorü pecadugü rü paxa choxü̃ rüngü̃xẽxẽ!

Wiyaegü 22:19

Natürü cumax, Pa Corix, nax chorü poraxẽẽruxü̃ quixĩxü̃ ¡rü taxṹ i choxna quixũgachixü̃! ¡Rü paxa nua naxũ rü choxü̃ rüngü̃xẽxẽ!