Wiyaegü 71:10 - Tupanaarü Ore

¹⁰ Rü ngẽma chorü uanügü i choxü̃ ima̱xgüchaü̃xü̃ rü chauchiga nidexagü rü wüxigu nügümaxã nagu narüxĩnüe nax ñuxãcü tá choxü̃ yama̱xgüxü̃.

Wiyaegü 71:10 Referans Kwoze

Yeremía 20:10

Rü nüxü̃ chaxĩnü nax duü̃xü̃gü rü cugüãcüma chauchiga yadexagüxü̃. Rü guxü̃wama choxü̃ naxãxũnegüxü̃ i duü̃xü̃gü rü ngẽmaca̱x chamuü̃. Rü nügümaxã ñanagürügü: “Ngĩxã ítanaxuaxü̃gü”, ñanagürügü. Rü woo i ngẽma chomücügü rü ínanangu̱xẽẽgü nax ngürüãchi ta̱xacürü chixexü̃ chaxüxü̃. Rü ñanagürügü: “Rü nügü tátama nixĩ i chixexü̃gu nanguxẽẽxü̃, rü ngẽxguma i yixema rü tá tayayauxgü rü yixema inaxwa̱xexü̃ tá namaxã taxü”, ñanagürügü.

Wiyaegü 83:3

Rü nüma rü meama nanangugügü rü naxca̱x nadaugü nax ñuxãcü tá curü duü̃xü̃gü i cumatama ícupoxü̃xü̃xü̃ naporamaegüxü̃.

Wiyaegü 56:6

Rü nümagü rü nügümaxã nangutaque̱xegü nax nagu naxĩnüexü̃ nax ñuxãcü tá choxü̃ yama̱xgüxü̃. Rü choxü̃ ínicu̱xéxü̃gü. Rü ngexta íchaxũxü̃wa choxü̃ nangugügü nax choxü̃ yama̱xgüxü̃ca̱x.

Wiyaegü 31:13

Rü duü̃xü̃gü rü chixexü̃maxã bexma choxü̃ nixugüechamare. Rü guxü̃wama nangẽxma i ãũcümaxü̃ rü poraãcü chamuü̃. Rü duü̃xü̃gü rü wüxigu nagu narüxĩnüe nax ñuxãcü choxü̃ yama̱xgüchaü̃xü̃.

Ore i mexü̃ ga Matéu ümatüxü̃ 27:1

Rü yexguma yangunegu rü guxü̃ma ga chacherdótegüarü ãẽ̱xgacügü rü Yudíugüarü ãẽ̱xgacügü, rü nügümaxã nanamexẽẽgü nax ñuxãcü Ngechuchuxü̃ yama̱xgüxü̃.

Ucu̱xẽgüchiga 1:11

Erü ñanagürügü tá cuxü̃: —¡Nua naxũ rü totanügu naxã! ¡Rü ngĩxã ítayacu̱xeü̃gü nax yamáxü̃ca̱x rü nüxü̃́ ingĩ́exü̃ca̱x i ngẽma duü̃xü̃ i tama ũãẽxü̃ i nua üpetüxü̃!

Wiyaegü 10:9

Rü ñoma leóü̃ i naxmaxü̃wa naeü̃ca̱x idawenüxü̃rüxü̃ nügü nixĩxẽxẽ i ngẽma yatü i chixexü̃. Rü ngéma iyacúxü̃wa tüxü̃ nananguxẽxẽ ya yíxema turaxe nax ngẽmaãcü tüxü̃ yayaxuxü̃ca̱x. Rü ngẽxguma tüxü̃ yayaxu̱xgu rü marü taxucürüwama nüxna tiña.

Wiyaegü 2:2

Rü ñoma i naanecüã̱x i nachixü̃anegüarü ãẽ̱xgacügü rü Tupanamaxã rü yimá ãẽ̱xgacü ya nüma yangucuchixẽẽcümaxã nanue, rü wüxigu nagu narüxĩnüe nax ñuxãcü yimáxü̃ ínata̱xüchigüxü̃.

1 Chamué 19:11

Rü yexgumatama ga Chaú rü norü duü̃xü̃güxü̃ namu nax Dabípatawa naxĩxü̃ca̱x nax nüxna yéma yadaugüxü̃ca̱x rü moxü̃ãcü yama̱xgüãxü̃ca̱x. Natürü Micá ga Dabí naxma̱x rü ngĩtexü̃ ngĩgürügü: —Ngẽxguma taxũtáma quiñaxgu i ñaa chütaxü̃gu, rü moxü̃ ẽxü̃wa rü tá cuyu —ngĩgürügü.

Wiyaegü 109:20

Rü name nixĩ i Cori ya Tupana ngẽmaãcü nüxü̃́ nanaxütanü i ngẽma chomaxã rüxuanüã̱xgüxü̃ rü chixri chauchiga idexagüxü̃.