Wiyaegü 71:1 - Tupanaarü Ore

¹ Pa Cori Pa Tupanax, cuma nixĩ i chorü poxü̃ruxü̃ quixĩxü̃. ¡Rü choxna nadau nax tama chaxãnexü̃ca̱x!

Wiyaegü 71:1 Referans Kwoze

Nüxíraxü̃xü̃ ga popera ga Pedru ümatüxü̃ 2:6

Rü Tupana rü norü ore i ümatüxü̃wa rü ñanagürü: “Choma rü Chióü̃gu chanaxǘ ya wüxi ya nuta, rü yimá nixĩ ya nuta ya mexẽchicü ya chomatama chanayaxucü nax chopata namaxã ichaxügüxü̃ca̱x. Rü yíxema nüxü̃́ yaxṍxe, rü taxũtáma tüxü̃ chawomüxẽxẽ rü aixcüma tá tanayaxu i maxü̃ i taguma gúxü̃ i tümamaxã ichaxunetaxü̃”, ñanagürü.

Wiyaegü 22:5

Rü curü ngü̃xẽẽca̱x cuxna nacagüe rü cuma rü nüxü̃ curüngü̃xẽxẽ. Rü cuxü̃́ nayaxõgü rü norü uanügüme̱xẽwa ícunanguxü̃xẽxẽ rü tama cunawomüxẽxẽ.

Yeremía 17:18

¡Rü naxãneexẽxẽ i ngẽma chorü uanügü, rü taxṹ i choxü̃ cuxãnexẽxẽxü̃! Rü ngẽmaãcü i nümagü rü tá naxãnee, rü tama i chomax. ¡Rü taxü̃ i guxchaxü̃ naxca̱x ínanguxẽxẽ, rü wüxicana iyanaxoxẽxẽ!

Wiyaegü 125:1

Ngẽma Cori ya Tupanaaxü̃́ yaxõgüxü̃ rü yima ma̱xpǘne ya Chióü̃ ya taxúema ixũgachixẽẽnerüxü̃ nixĩgü. Rü guxü̃guma nangẽxmagüecha.

Ichaía 45:17

Natürü i Iraétanüxü̃ rü Tupana ínananguxü̃xẽxẽ nax tagutáma togüme̱xẽwa nangẽxmagüxü̃ca̱x. Rü tagutáma naxãnee rü tagutáma narümaachitanü —ñanagürü.

Wiyaegü 146:5

Rü tataãxẽ ya yíxema Acóbuarü Tupanaxü̃tawa nayaxúxe i tümaarü ngü̃xẽxẽ rü nüxü̃́ yaxṍxe ya Cori ya Tupana.

Romanos 9:33

Rü ngẽmachiga nixĩ i Tupanaarü ore i ümatüxü̃ i ñaxü̃: “Choma rü Chióü̃gu chanaxǘ ya wüxi ya nuta ya Yudíugüarü guxcharuxü̃ ixĩcü. Rü ngẽma duü̃xü̃gü i nüxü̃́ yaxõgüxü̃, rü aixcüma tá namaxẽ”, ñanagürü.

Norü taxre ga popera ga ãẽ̱xgacügüchiga 18:5

Rü nüma ga Echequía rü poraãcü Cori ya Iraéanecüã̱xarü Tupanaaxü̃́ nayaxõ. Rü natanüwa ga guxü̃ma ga nüxíra ãẽ̱xgacügü ixĩgüxü̃ ga Yudáanewa rü yema nawena ãẽ̱xgacü ixĩgüxü̃, rü nataxuma ga to ga ãẽ̱xgacü ga Echequíarüxü̃ Tupanaga ĩnüxü̃. Rü nüma ga Echequía rü taguma Tupanana nixũgachi, rü aixcümama nagu namaxü̃ ga yema norü mugü ga Tupana ga Moichéna naxãxü̃.