Wiyaegü 70:4 - Tupanaarü Ore

⁴ Natürü guxãma ya yíxema cuxca̱x daugüxe rü name nixĩ nax poraãcü tataãẽgüxü̃. Rü yíxema naxwa̱xegüxe nax tümaétüwa cuchogüxü̃ rü name nixĩ i guxü̃guma ñatagürügü: —Namecümaxüchi ya Tupana —ñatagürügü.

Wiyaegü 70:4 Referans Kwoze

Auxexü̃chiga 3:25

Rü nüma ya Cori ya Tupana rü tümamaxã namecüma ya yíxema nüxü̃́ yaxõgüxe rü norü ngü̃xẽẽca̱x daugüxe.

Wiyaegü 40:16

Natürü guxãma ya yíxema cuxca̱x daugüxe rü name nixĩ nax cumaxã tataãẽgüxü̃. Rü guxãma ya yíxema nayauxgüxe nax tüxü̃ curüngü̃xẽẽxü̃ rü name nixĩ i guxü̃guma ñatarügügü: —¡Cori ya Tupanaxü̃ picua̱xüxü̃gü erü nüma rü guxãétüwa nangẽxma! —ñatarügügü.

Wiyaegü 35:27

Natürü yíxema naxwa̱xegüxe nax chorü uanügüxü̃ charüporamaegüxü̃, rü name nixĩ i taãẽãcü guxü̃guma tagaãcü ñatarügügü: —Nüma ya Cori ya Tupana rü namecümaxüchi. Rü namaxã nataãxẽ i ngẽxguma norü duü̃xü̃ mexü̃ nüxü̃ ngupetügu —ñatarügügü.

Ichaía 61:10

Choma rü Tupanamaxã chataãxẽ. Rü aixcüma poraãcü namaxã chataãxẽ i chorü Tupana erü nüma choxü̃ ínanguxuchixẽxẽ rü pora choxna naxã nax nüxü̃ charüporamaexü̃ca̱x i chorü uanügü. Rü ñoma wüxi i ãxma̱xchaü̃xü̃rüxü̃ chamexchiruxüchi rü ñoma wüxi i ãtechaü̃xü̃rüxü̃ chaugü changa̱xãẽ.

Wiyaegü 97:12

Pa Duü̃xü̃gü i Mea Maxẽxü̃x ¡namaxã petaãẽgü ya Cori, rü nüxü̃ picua̱xüü̃gü i naéga i üünexü̃!

Ore i mexü̃ ga Cuáü̃ ümatüxü̃ 16:20

Rü aixcüma pemaxã nüxü̃ chixu rü pema rü tá pexauxe, rü tá pengechaü̃gü. Rü yoxni ñoma i naanecüã̱x i duü̃xü̃gü rü tá nataãẽgü. Natürü woo pema tá pengechaü̃gü, rü ngẽma perü ngechaü̃ rü tá taãẽxü̃ nananguxuchi.

Wiyaegü 5:11

Natürü name nixĩ nax tataãẽgüxü̃ ya guxãma ya yíxema ya curü ngü̃xẽẽca̱x daugüxe. Rü guxü̃gutáma taãẽãcüma tawiyaegü, erü cuma nixĩ i tüxü̃ ícupoxü̃xü̃. Rü guxãma ya yíxema cuxü̃ ngechaü̃güxe rü tá cugagu tataãẽgü.