Wiyaegü 7:9 - Tupanaarü Ore

⁹ Pa Cori Pa Tupana ya Ixaixcümacüx, cuma rü cunangugü i wüxichigü i duü̃xü̃güarü ĩnügü rü norü ngúchaü̃gü i naãẽwa nagu naxĩnüexü̃. ¡Rü iyanaxoxẽxẽ i norü chixexü̃ i ngẽma chixexü̃gu maxẽxü̃! ¡Natürü yíxema mexü̃gu maxü̃́xẽ rü tüxna nadau nax tama chixexü̃gu tanguxü̃ca̱x!

Wiyaegü 7:9 Referans Kwoze

Yeremía 11:20

Natürü i cumax Pa Corix, Pa Tupana ya Guxãétüwa Ngẽxmacüx, rü wüxi ya ãẽ̱xgacü ya mecü quixĩ. Cuma rü aixcüma nüxü̃ cucua̱x nax mea cunangugüxü̃ i wüxichigüarü maxü̃. ¡Rü choxü̃ nüxü̃ nadauxẽxẽ nax ñuxãcü tá cunapoxcuexü̃ i ngẽma duü̃xü̃gü! Erü marü cumaxã nüxü̃ chixu i chorü guxchaxü̃ rü cuxme̱xwa chanangexmaxẽxẽ i ngẽma.

Yeremía 17:10

Rü choma ya Tupanaxicatama nixĩ i aixcüma chanangugüxü̃ i norü ĩnü i wüxichigü i duü̃xü̃, rü chaxicatama nixĩ i nüxü̃ chacuáxü̃ nax ta̱xacügu naxĩnüxü̃. Rü ngẽma tamaxü̃xü̃ãcütama tá tüxü̃́ chanaxütanü ya wüxíechigü —ñanagürü.

Yeremía 20:12

Pa Corix, Pa Tupana ya Guxãétüwa Ngẽxmacüx, cuma rü aixcüma nüxü̃ cucua̱x nax mea cunangugüxü̃ i norü maxü̃ i wüxichigü i duü̃xü̃. Rü cuma rü mea nüxü̃ cucua̱x i ngẽma nüxicatama nagu naxĩnüxü̃ i wüxichigü. ¡Rü choxü̃ nüxü̃ nadauxẽxẽ nax ñuxãcü tá cunapoxcuxü̃ i ngẽma duü̃xü̃gü! Erü cuxme̱xgu nixĩ i chanaxüxü̃ i ngẽma chorü guxchaxü̃gü.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 28:9

Pa Chaunex, Pa Charomóü̃x ¡ẽcü naga naxĩnü ya chorü Tupana rü guxü̃ma i curü ngúchaü̃maxã rü curü ĩnü i mexü̃maxã naxü i ngẽma cuxü̃ namuxü̃! Erü nüma ya Cori ya Tupana rü nanangugü i ngẽma taãẽwa ngẽxmaxü̃ rü nüxü̃ nacua̱x i guxü̃ma i ngẽma nagu rüxĩnüxü̃. Rü ngẽxguma tá cuma naxca̱x cuda̱u̱xgu, rü nüma rü tá cuxü̃tawa nangẽxma. Natürü ngẽxguma nüxna quixũgachigu, rü nüma rü tá cuxü̃ ínata̱xüchi.

1 Chamué 16:7

Natürü ga Tupana rü Chamuéxü̃ ñanagürü: —Tama name i norü düxétümarewa rü norü máchanemarewa nax cungugüxü̃ ya wüxi ya yatü. Tama daa nixĩ. Choma rü tama duü̃xü̃gü nangugüxü̃ãcüma chanayaxu ya wüxi ya yatü. Duü̃xü̃gü rü ngẽma düxétüxü̃nemare nixĩ i nangugügüxü̃, natürü i choma rü ngẽma norü maxü̃ rü norü ĩnü nixĩ i ngẽma changugüxü̃ —ñanagürü.

Yema Cuáü̃ nüxü̃ dauxü̃ i yixcüra tá ngupetüxü̃chiga 2:23

Rü ngẽmawa guxü̃ma i ngẽma yaxõgüxü̃ tá nüxü̃ nacua̱xgü nax aixcüma nüxü̃ chacuáxü̃ i norü maxü̃ rü ngẽma naãxẽwa nagu naxĩnüexü̃. Rü wüxichigü i pemax rü tá pexü̃́ chanaxütanü ngẽxgumarüxü̃ nax ñuxãcü cha̱u̱xca̱x pemaxẽxü̃.

Wiyaegü 139:1

Pa Cori Pa Tupanax, cuma rü marü choxü̃ cungugü rü meama nüxü̃ cucua̱x i chorü maxü̃.

Wiyaegü 37:23

Rü yimá yatü ya mecü rü Cori ya Tupana rü ngẽma nama i mexü̃wa nanaga. Rü ngẽxguma ngẽma namagu yaxũxgu ya yimá yatü rü nüma ya Cori rü nataãxẽ.

Wiyaegü 26:2

¡Rü ẽcü choxü̃ nangugü! ¡Rü choxü̃ naxü! ¡Rü nüxü̃ naxü i chorü ĩnü rü chorü ngúchaü̃ i chaxica nüxü̃ chacuáxü̃!

Wiyaegü 11:5

Rü nüma ya Tupana rü nanangugü i ngẽma mexü̃ ügüxü̃ rü ngẽma chixexü̃ ügüxü̃, rü naxchi naxai i ngẽma ma̱xgu rüxĩnüexü̃.

Wiyaegü 10:15

¡Rü iyanaxoxẽxẽ i norü pora i ngẽma chixexü̃gü! ¡Rü nüxna naca nachiga i norü chixexü̃gü, rü bai tá i wüxi i nüxü̃ cuxüpetümarexü̃!

Romanos 16:25

¡Rü ñu̱xmax, rü ngĩxã nüxü̃ ticua̱xüü̃gü ya Tanatü ya Tupana! Rü nüma nüxü̃́ nangẽxma i pora nax pexü̃ naporaexẽẽxü̃ca̱x nax mea peyaxõgüamaxü̃ca̱x, ngẽma norü ore i tüxü̃ maxẽxẽẽxü̃ tamaxã nüxü̃ ixuxü̃rüxü̃. Rü ngẽma nixĩ i ore i guxü̃wama nüxü̃ chixuxü̃ rü namaxã changúexẽẽtaexü̃ ya Ngechuchu ya Cristuchiga. Rü ngẽmatama ore i Cristuchiga rü taxcha̱xwa naxẽxü̃gu ga noxri, natürü i ñu̱xma ya Tupana rü marü tüxü̃ nüxü̃ nacua̱xẽxẽ i ngẽma. Rü nũxcüma tauta naane uxgu rü Tupanaxicatama nüxü̃ nacua̱x ga yema, natürü i ñu̱xma rü norü orearü uruü̃gü ümatüxü̃ ga orewa taxca̱x nanango̱xẽxẽ. Rü ngẽma ore rü namaxã nawüxigu ga yema ore ga nũxcüma nüxü̃ yaxuxü̃ ga Tupana ya guxü̃guma maxẽchacü. Rü ñu̱xma ya Tupana rü nanamugü i norü orearü uruü̃gü nax guxü̃ma i nachixü̃anecüã̱xgü i duü̃xü̃gümaxã nüxü̃ yaxugüexü̃ca̱x i ngẽma ore i Cristuchiga nax nüxü̃́ yaxõgüãxü̃ca̱x rü naga nax naxĩnüexü̃ca̱x.

Wiyaegü 17:3

Rü cuma rü marü mea nüxü̃ cucua̱x i ngẽma chauãẽwa nagu charüxĩnüxü̃. Rü chütacü rü choxü̃ cuxü rü taxuxü̃ma i chixexü̃ chowa icuyangau. Rü nüxü̃ cucua̱x nax aixcüma yixĩxü̃ i ngẽma nüxü̃ chixuxü̃.

Ngechuchuarü ngúexü̃gü ga yamugüxü̃arü puracüchiga 12:23

Natürü nüma ga Eróde rü tama Tupanana moxẽ naxã naxca̱x ga norü ngü̃xẽxẽ ga yexguma duü̃xü̃gümaxã yadexagu. Rü yemaca̱x wüxi ga Tupanaarü orearü ngeruxü̃ ga daxũcüã̱x rü yexgumatama Eródexü̃ nida̱xawexẽxẽ. Rü õxmigü nanangõ̱x, rü yemamaxã nayu.

Wiyaegü 58:6

Pa Tupanax ¡napoxü̃püta i ngẽma chixexü̃ ügüxü̃! ¡Rü nabüü̃ ya yima norü cuainagü i ngẽma duü̃xü̃gü i leóü̃gürüxü̃ idüraexü̃!

Wiyaegü 10:18

¡Rü ẽcü tümaétüwa nachogü ya yíxema taxcutagü rü yíxema togüme̱xẽwa ngẽxmagüxe rü chixri tümamaxã inacua̱xgüxe! Rü ngẽma yatü i waixü̃müwa cuxüxü̃, rü tama tanaxwa̱xe nax wena muü̃ ínanguxẽẽxü̃.

Danié 11:45

Rü ñu̱xũchi ngẽma metachinüxü̃ i Yerucharéü̃arü rü márpechinüarü ngãxü̃wa ngẽxmaxü̃gu tá nayatexechigü i norü churaragüpatagü i naxchirunaxca̱x. Natürü ngẽxma tátama nixĩ i nayuxü̃, rü taxúetama nüxü̃ tarüngü̃xẽxẽ —ñanagürü.

Wiyaegü 40:2

Rü yema ãxmaxü̃ ga dexááxü̃ ga nagu iyuxü̃wa choxü̃ ínanguxuchixẽxẽ. Rü ãcharaxanexü̃wa choxü̃ nanatúxuchi. Rü wüxi ga nutawa choxü̃ inachixẽxẽ. Rü taixanexü̃waama choxü̃ naga nax íchixũxü̃ca̱x.

1 Chamué 2:9

Tupana rü tüxna nadau ya yíxema naga ĩnüexe natürü ngẽma tama naga ĩnüexü̃ rü ẽanexü̃gu nayue. Erü taxúema nüxü̃ tacua̱x nax tümaarü poramaxãtama tügü tamaxẽẽxü̃.

Popera ga Yúda ümatüxü̃ 1:1

Choma i Yúda i Chantiáguenexẽ ya Ngechuchu ya Cristuarü puracütanüxü̃ chixĩ i pexü̃ charümoxẽxü̃ i pema nax Tanatü ya Tupana pexü̃ dexü̃ rü pexü̃ ngechaü̃xü̃ rü Ngechuchu ya Cristu pexna dauxü̃.

Nüxíraxü̃xü̃ ga popera ga Pedru ümatüxü̃ 5:10

Natürü ngẽxguma paxaãchi ñoma i naanewa ngúxü̃ pingegüguwena, rü Tupana rü tá pexü̃ nimexẽxẽ nax aixcüma nape̱xewa pimexü̃ca̱x. Rü woo guxchaxü̃gü pexca̱x ínguxgu, rü tá pexü̃ narüngü̃xẽxẽ nax peyaxõgüamaxü̃ca̱x, rü tá pexü̃ naporaexẽxẽ nax ngẽmaãcü taxuca̱xma pemuü̃exü̃ca̱x. Rü nümatama ya Tupana nixĩ i norü ngechaü̃gagu pexü̃ nadexü̃ nax guxü̃guma naxü̃tawa pexü̃́ nangẽxmaxü̃ca̱x i pechica, erü Ngechuchu ya Cristuaxü̃́ peyaxõgü.

1 Tesalonicenses 3:13

Rü tanaxwa̱xegü nax tórü Cori ya Ngechuchu pexü̃ rüngü̃xẽẽxü̃ nax peãẽwa aixcüma mea peyaxõgüxü̃ca̱x rü norü duü̃xü̃gü i aixcüma mexü̃gü nax pixĩgüxü̃ca̱x rü nax nataxuxü̃ca̱x i perü pecadugü i nape̱xewa ya Tanatü ya Tupana i ngẽxguma wena núma naxũxgu ya tórü Cori ya Ngechuchu ya Cristu namaxã i guxü̃ma i ngẽma Tupanaarü Duü̃xü̃gü i Üünexü̃. Rü ngẽmaãcü yixĩx.

Naanearü ügüchiga 20:5

Rü nümatama i Abraáü̃ rü chomaxã nüxü̃ nixu nax ngẽma nge rü naeya̱xmare yixĩxü̃, rü ñu̱xũchi ngĩmatama nüxü̃ iyaxu nax nüma rü ngĩenexẽ yixĩxü̃. Rü ngẽmaca̱x nixĩ i choma rü chayaxõxü̃. Natürü taxuxü̃ma i chixexü̃ chaxü —ñanagürü.

Wiyaegü 9:9

Rü nüma ya Cori ya Tupana rü tüxü̃ ínapoxü̃ ya yíxema togü chixri tümamaxã icuáxe. Rü ngẽxguma ngúxü̃ tingexgu rü tüxü̃ narüngü̃xẽxẽ.

Wiyaegü 18:21

Yerü choma rü nagu chixũ i ngẽma Cori naxwa̱xexü̃. Rü taguma chixexü̃ chaxü rü taguma nüxü̃ chaxo ya Tupana.

Wiyaegü 35:23

Pa Corix, Pa Chorü Tupanax ¡írüda rü chauétüwa nachogü!

Wiyaegü 43:1

Pa Tupanax ¡mea choxü̃ nangugü! ¡Rü chauétüwa nachogü nape̱xewa i ñaa duü̃xü̃gü i tama yaxõgüxü̃! ¡Rü naxme̱xwa choxü̃ ínanguxuchixẽxẽ i ngẽma idorata̱xáxü̃ rü ngẽma chixexü̃gu rüxĩnüxü̃!

Wiyaegü 96:10

¡Rü guxü̃ma i nachixü̃anecüã̱xgümaxã nüxü̃ pixu rü ñapegügü: —Nüma ya Cori ya Tupana nixĩ i ãẽ̱xgacü ya guxãétüwa ngẽxmacü yixĩxü̃ —ñapegügü! Rü nüma rü wüxitama ga namaxü̃gu nayaxũxẽxẽ ga ñoma ga naane nax tama ngẽma namaxü̃na yaxũgachixü̃ca̱x. Rü nüma nixĩ i meama guxü̃ma i nachixü̃anegümaxã inacuáxü̃.