Wiyaegü 7:8 - Tupanaarü Ore

⁸ Rü cuma nax guxü̃ i nachixü̃anecüã̱xgümaxã icucuáxü̃, ¡rü nangugü i chorü maxü̃ nax mea nangóxü̃ca̱x nax taxuxü̃ma i chixexü̃ nawa ngẽxmaxü̃!

Wiyaegü 7:8 Referans Kwoze

Wiyaegü 43:1

Pa Tupanax ¡mea choxü̃ nangugü! ¡Rü chauétüwa nachogü nape̱xewa i ñaa duü̃xü̃gü i tama yaxõgüxü̃! ¡Rü naxme̱xwa choxü̃ ínanguxuchixẽxẽ i ngẽma idorata̱xáxü̃ rü ngẽma chixexü̃gu rüxĩnüxü̃!

1 Tesalonicenses 2:10

Pema rü toxü̃ pedaugü rü Tupana rü ta toxü̃ nadau nax yexguma petanüwa tayexmagügu rü aixcüma mea Tupanape̱xewa tamaxẽ rü taguma pepe̱xewa chixexü̃ taxügü.

2 Corintios 1:12

Rü ngẽma toxü̃ taãẽxẽẽxü̃ nixĩ nax toõxẽwa nüxü̃ tacuáxü̃ nax ñoma i naanewa rü aixcüma Tupana naxwa̱xexü̃ãcüma mea tamaxẽxü̃. Rü pepe̱xewa nixĩ ga guxü̃arü yexera yemaacü mea tamaxẽxü̃. Natürü tocüma rü tama ñoma i naanecüã̱xarü cua̱xwa ne naxũ, erü Tupana ya toxü̃ ngechaü̃cü nixĩ ya nüxü̃́ tayaxõcü.

Wiyaegü 78:72

Rü nüma ga Dabí rü meama nüxna nadau ga yema Tupanaarü duü̃xü̃gü rü meama Tupana naxwa̱xexü̃ãcüma namaxã inacua̱x.

Wiyaegü 26:1

Pa Cori Pa Tupanax ¡choxü̃ nadau nax taxuxü̃ma i pecadu chaxüxü̃! Rü chorü maxü̃wa rü nataxuma i chixexü̃. Rü aixcüma cuxü̃́ chayaxõ, Pa Cori Pa Tupanax.

Wiyaegü 41:12

Rü chomax nax mexü̃gu chamaxü̃xü̃ ¡rü choxna nadau nax ngẽmaãcü guxü̃guma cuxü̃tawa changexmaxü̃ca̱x!

Wiyaegü 26:11

Natürü i choma rü taxuwama nachixe i chorü maxü̃. ¡Rü ngẽmaca̱x chanaxwa̱xe i choxü̃ curüngü̃xẽxẽ rü cuxü̃́ changechaü̃tümüxü̃!

Wiyaegü 25:21

Rü ngẽma chaugü namaxã íchapoxü̃xü̃ nixĩ nax aixcümaxü̃ chixuxü̃ rü taxuxü̃ma i chixexü̃ chaxüxü̃. Rü ngẽmaãcü chamaxü̃ erü cuxü̃́ chayaxõ.

Wiyaegü 11:4

Natürü nüma ya Cori ya Tupana rü napata ya üünenewa nangẽxma. Rü nüma ya Cori rü daxũguxü̃ i naanewa nüxü̃́ nangẽxma i norü tochicaxü̃, rü ngéma meama ínadawenü rü nanangugü i duü̃xü̃gü.

Wiyaegü 9:8

Rü nüma rü mea tá guxü̃ i duü̃xü̃güarü maxü̃ nangugü. Rü mea tá guxü̃ i nachixü̃anegüarü duü̃xü̃güxü̃ nangugü.

Norü taxre ga to ga popera ga ãẽ̱xgacügüchiga ümatüxü̃ 20:12

Pa Torü Tupanax, ¿Ẽ̱xna taxũtáma cunapoxcue? Erü toma rü taxuacüma namaxã togü tadai erü ngẽma norü churaragü rü namuxũchi rü tama nüxü̃ tacua̱x nax ta̱xacü tá taxüxü̃. Rü ngẽmaca̱x curü ngü̃xẽẽca̱x ítaca —ñanagürü ga Yochapáx.

Naanearü ügüchiga 31:53

Rü curü o̱xi ya Abraáü̃arü Tupana rü chorü o̱xi ya Nacóxarü Tupana ixĩcü rü tüxü̃ poxcuxe ya ngexerüxüxe i yixema ega tama yanguxẽẽgu i ñaa yigümaxã ixunetaxü̃ —ñanagürü ga Labáü̃. Rü yexguma ga Acóbu rü yimá Tupana ga nanatü ga Ichaá nüxü̃ icua̱xüxü̃cüégagu inaxuneta.

Naanearü ügüchiga 18:25

Cha̱u̱xca̱x rü tama name nax cunada̱i̱xü̃ i ngẽma mea maxẽxü̃ i duü̃xü̃gü wüxigu namaxã i ngẽma chixexü̃ ügüxü̃, ñoma chi guxü̃ma naxügüxü̃rüxü̃ i ngẽma chixexü̃. Rü taxucürüwama ngẽma cuxü erü tama ngẽmagu curüxĩnü. Rü cuma nixĩ i guxãarü maxü̃maxã icucuáxü̃ ¿rü tama ẽ̱xna i ngẽma mea maxẽxü̃gagu nüxü̃ icurüngümaxü̃ nax cunadaiãcuxü̃ ya yima ĩane? —ñanagürü.

Ngechuchuarü ngúexü̃gü ga yamugüxü̃arü puracüchiga 17:31

Yerü nüma ga Tupana rü marü nüxü̃ naxuneta i wüxi i ngunexü̃ i nagu tá aixcüma guxü̃ i ñoma i naanecüã̱x i duü̃xü̃güna naca̱xaxü̃ i norü maxü̃chiga. Rü marü nüxü̃ naxuneta ya wüxi ya yatü ya Ngechuchu, rü yimá tá nixĩ ya duü̃xü̃güna cacü. Rü Tupana rü guxãxü̃ma nüxü̃ nacua̱xẽxẽ ga yema ga yexguma Ngechuchuxü̃ wena namaxẽẽgu —ñanagürü ga Pauru.

Ucu̱xẽgüchiga 19:1

Taxuwama name nax taechitamare imaxü̃xü̃ rü ixuxwa̱xexü̃ ixĩxü̃. Rü narümemae nax tama imuarü diẽruã́xü̃ rü aixcüma mexü̃gu rüxĩnüxü̃.

Wiyaegü 82:1

Rü Tupana ãẽ̱xgacü íyixĩxü̃wa i daxũguxü̃ i naanewa rü inachi nax poxcu namaxã naxueguxü̃ca̱x i ngẽma ãẽ̱xgacügü i guxchaxü̃arü mexẽẽruü̃gü i chixri norü duü̃xü̃gümaxã icua̱xgüxü̃. Rü ñanagürü: