Wiyaegü 7:5 - Tupanaarü Ore

⁵ Natürü ngẽxguma chi chixexü̃ namaxã chaxü̱xgux, rü marü name nax chorü uanügü chowe yangẽxü̃tanüxü̃ rü waixü̃müanegu choxü̃ yatúgüxü̃ rü ngẽmaãcü choxü̃ naxãnexẽẽgüxü̃.

Wiyaegü 7:5 Referans Kwoze

Maraquía 4:3

Rü ngẽma ngunexü̃ i ãũcümaxü̃ i nagu chapoxcuexü̃ i ngẽma chixexü̃ ügüxü̃ rü pema rü nawa tá pengagü i ngẽma chixexü̃ ügüxü̃ ñoma waixü̃müte̱xewa pengagüxü̃rüxü̃.

Chacaría 10:5

Rü nümagü rü tá ñoma churaragü i ãcharaxü̃gu nügü da̱i̱xü̃rüxü̃ nixĩgü. Rü tá naporae, erü Cori ya Tupana rü natanüwa nangẽxma. Rü ngẽmaãcü tá nanaxãnexẽxẽ i norü uanügüarü churaragü i cowarugu ĩxü̃.

Abacú 3:13

Rü cuma rü dauxü̃wa ícuxũxũ nax curü duü̃xü̃güxü̃ ícupoxü̃xü̃ca̱x, rü nüxü̃ nax curüngü̃xẽẽxü̃ca̱x ya yimá ãẽ̱xgacü ya cumatama nüxü̃ cuxunetacü. Rü cuma rü cuyama̱x i ngẽma ãẽ̱xgacü i chixexü̃ üxü̃ rü nagu cupogü i nachixü̃ane ñoma wüxi ya ĩpatagu ipogüxü̃rüxü̃.

Yeremía 17:13

Pa Corix, cuwa nixĩ i ínanguxẽẽgüãxü̃ i Iraétanüxü̃ nax ícunapoxü̃xü̃. Rü guxü̃ma i ngẽma cuxü̃ íta̱xgüxü̃ rü tá naxãnee. Rü guxü̃ma i ngẽma cuxna ixĩgachitanüxü̃ rü ñoma wüxi i duü̃xü̃éga i waixü̃müte̱xegu naxümatüxü̃rüxü̃ inayarüxomare, nagagu nax cuxü̃ ínata̱xgüxü̃, Pa Tupanax. Rü cuma nixĩ i toxna cunaxãxü̃ i maxü̃ ñoma dexá i nutawa chuxchuxü̃rüxü̃.

Ichaía 63:3

Rü choma rü chanadai i chorü uanügü rü chayapu̱xcutanü ñoma úbaarü bínu ixüxgurüxü̃. Rü chorü numaxã chayapu̱xcutanü, rü yimá nagü i chorü uanügü rü chauxchiruwa nacháixgü.

Ichaía 10:6

Rü choma tá nixĩ i Achíriaanearü ãẽ̱xgacüxü̃ chamuxü̃ nax duü̃xü̃gü i chixexü̃gu maxẽxü̃ca̱x rü wüxi i nachixü̃ane i choxü̃ nuẽẽxü̃ca̱x íyagoõchixü̃ca̱x nax nüxü̃́ nangĩ́xü̃ca̱x rü nüxna napuxü̃ãxü̃ca̱x i norü ngẽmaxü̃gü rü nagu napugüexü̃ca̱x ñoma ĩanearü namagüwa ngẽxmaxü̃ i ãcharaxü̃gu napugüexü̃rüxü̃.

Wiyaegü 60:12

Pa Tupanax, ¡toxü̃ rüngü̃xẽxẽ! Rü curü ngü̃xẽẽmaxã tá nüxü̃ tarüporamae i ngẽma torü uanügü, erü cuma rü tá cuyayitanüxẽxẽ.

Wiyaegü 49:12

Rü wüxi i duü̃xü̃ rü tama nixĩ i namaxechaxü̃ ega woo nadiẽruã̱xü̃chigux, erü ñoma naeü̃gürüü̃tama nayu.

Wiyaegü 44:5

Rü cugagu tá nixĩ i nüxü̃ tarüporamaegüxü̃ i torü uanügü. Rü cuégagu tá nüxü̃ tarüyexera i ngẽma toxü̃ daixchaü̃xü̃.

Wiyaegü 3:2

Rü namuxũchi i ngẽma chauchigagu ñagüxü̃: —Tupana rü taxũtáma ínanapoxü̃ —ñagüxü̃.

Yox 16:15

Choma rü chorü ngechaü̃maxã naxchiru i témüxü̃gu chicu̱x, rü waixü̃müte̱xegu chaugü chicu̱xchametü.

1 Chamué 24:11

¡Rü dücax, mea nuxã nadawenü, Pa Ãẽ̱xgacüx, i ñaa cho̱xme̱xwa ngẽxmaxü̃! ¿Tama ẽ̱xna curü gáuxü̃chirutüchi yixĩxü̃ i ñaa? Rü ngẽmawa nüxü̃ cucua̱x nax marü chi cuxü̃ nax chimáxü̃. Rü ngẽmawa nüxü̃ cucua̱x, Pa Ãẽ̱xgacüx, nax taxuxü̃ma i chixexü̃ cumaxã chaxüxchaü̃xü̃, rü tama chanaxwa̱xexü̃ nax chacuechitaexü̃ rü bai i ñuxgu ta̱xacürü chixexü̃ cumaxã chaxüxü̃. Natürü i cumax, Pa Ãẽ̱xgacüx, rü chowe quingechigü nax choxü̃ quimáxü̃ca̱x.

1 Chamué 24:18

Rü ñu̱xma rü aixcümaxü̃chi choxü̃ cunawe̱x nax cuma rü naxca̱x cudauxü̃ nax mexü̃ chomaxã cuxüxü̃. Erü nüma ya Cori ya Tupana rü marü cuxme̱xgu choxü̃ nangu̱xẽẽchire̱x, natürü tama choxü̃ quima̱x.

1 Chamué 24:20

Rü ñu̱xma nixĩ i aixcüma nüxü̃ chacuáxü̃ nax cuma tá yixĩxü̃ i Iraéanecüã̱xgüarü ãẽ̱xgacü quixĩxü̃. Rü cuma tá nixĩ i namaxã icucuáxü̃, rü cuxme̱xwa mea tá Iraéanecüã̱xgüxü̃ nangupetü.