Wiyaegü 7:2 - Tupanaarü Ore

² Rü ngẽxguma tama choxü̃ ícupoxü̃gu rü chorü uanügü rü ñoma leóü̃gü i chaugu wagüexü̃rüxü̃ tá nixĩgü. Rü tataxuma ya texé ya nüxna choxü̃ ípoxü̃xẽ.

Wiyaegü 7:2 Referans Kwoze

Wiyaegü 50:22

¡Dücax i pemax nax choxü̃ iperüngümaexü̃, name nixĩ i nagu perüxĩnüe i ngẽma pemaxã nüxü̃ chixuxü̃! ¡Rü cha̱u̱xca̱x pewoegu naxü̃pa nax pexü̃ chada̱i̱xü̃ rü taxúema pexü̃ ípoxü̃xü̃!

Ichaía 38:13

Rü guxü̃ i ngẽma chütaxü̃gu rü choxü̃́ nax nangúxü̃gagu aita chaxü ñoma wüxi i leóü̃ chauxchina̱xãgu wagüxü̃rüxü̃. Rü wüxitama i chütaxü̃gu rü ñu̱xmata yangunemare rü ngúxü̃ choxü̃ quingexẽxẽ rü yuwa choxü̃ cugaxchaü̃.

Nüxíraxü̃xü̃ ga popera ga Pedru ümatüxü̃ 5:8

Rü name nixĩ i guxü̃guma pegüna pedaugü rü ípexuãẽgü, erü perü uanü i Chataná rü ñoma wüxi ya leóü̃ ya idüraxüchicürüxü̃ nanañaane rü tümaca̱x nadau nax texéxü̃ tá chixexü̃gu nanguxẽẽxü̃.

Norü taxre ga popera ga Timutéuca̱x naxümatüxü̃ ga Pauru 4:17

Natürü tórü Cori choxü̃ naporaxẽxẽ rü choxü̃́ nanatauxchaxẽxẽ nax mea nüxü̃ chixuxü̃ca̱x ga norü ore i mexü̃ i tüxü̃ maxẽxẽẽxü̃. Rü yemaacü guxü̃ma ga yema duü̃xü̃gü ga tama Yudíugü ixĩgüxü̃ ga yéma yexmagüxü̃ rü nüxü̃ naxĩnüe ga yema ore. Rü yemaacü tórü Cori ya Ngechuchu choxna nadau nax tama yu chomaxã naxueguxü̃ca̱x.

Ucu̱xẽgüchiga 19:12

Ngẽxguma nanuxgu ya ãẽ̱xgacü rü ñoma leóü̃ i ngĩ̱xnecüüxü̃rüxü̃ nixĩ. Natürü ngẽxguma nataãẽgu ya ãẽ̱xgacü, rü ñoma cherena i maxẽte̱xe iwaixẽẽxü̃rüxü̃ nixĩ.

Wiyaegü 35:15

Natürü yexguma guxchaxü̃ cha̱u̱xca̱x ínguxgu, rü nümagü rü naxĩtaque̱xe rü choxü̃ nacugüe ñoma tama choxü̃ nacua̱xgüxü̃rüxü̃. Rü yemaacü chixexü̃maxã choxü̃ nixugüecha.

Wiyaegü 22:13

Rü ñoma leóü̃ i norü taiyamaxã ichogüxü̃ rü aita üexü̃rüxü̃ choxna nayu̱xgu.

Wiyaegü 17:12

Rü nümagü rü ñoma leóü̃gürüxü̃ choxü̃ nicu̱xeü̃gü rü choxna nayu̱xgu nax choxü̃ yama̱xgüxü̃ca̱x.

Wiyaegü 10:9

Rü ñoma leóü̃ i naxmaxü̃wa naeü̃ca̱x idawenüxü̃rüxü̃ nügü nixĩxẽxẽ i ngẽma yatü i chixexü̃. Rü ngéma iyacúxü̃wa tüxü̃ nananguxẽxẽ ya yíxema turaxe nax ngẽmaãcü tüxü̃ yayaxuxü̃ca̱x. Rü ngẽxguma tüxü̃ yayaxu̱xgu rü marü taxucürüwama nüxna tiña.

Ãẽ̱xgacügü ga guxchaxü̃güarü mexẽxẽruü̃gü 18:28

Rü guma ĩane ga Lái rü Chidóü̃arü yáxü̃wa nayexma, rü yema duü̃xü̃gü ga yémacüã̱xgü rü taxúema toguemaxã naxãmücügü, rü yemaca̱x taxúema ítanapoxü̃gü. Rü guma ĩane rü doxonexü̃ i Bex-reóxwa nayexma. Rü yemawena ga Dáü̃tanüxü̃ rü nügüca̱x nanamexẽẽgü ga guma ĩane rü nawa namaxẽ.

Wenaxarü naxümatü ga Tupanaarü mugü 33:20

Rü Moiché rü Gáxtanüxü̃chiga nidexa rü ñanagürü: —Namexẽchi ya Cori ya Tupana ya taxü̃ i naane pexna ãcü. Rü ngẽma naanewa rü pema i Gáxtanüxü̃ rü ñoma leóü̃ i iyauxexü̃ i naeru íwaexü̃ rü nachacüügü íwaexü̃rüxü̃ pixĩgü.

Wiyaegü 11:1

Choma rü Cori ya Tupaname̱xẽwa chaugü changexmaxẽxẽ nax choxü̃ ínapoxü̃xü̃ca̱x nüxna i chorü uanügü. ¿Rü tü̱xcüü̃ choxü̃ ñapegürü: —¡Ma̱xpǘneanewa naña nax ngéma werigürüxü̃ cugü quicúxü̃ca̱x! —ñaperügü choxü̃?

Wiyaegü 16:1

¡Choxna nadau, Pa Tupanax! Erü cuxü̃́ nixĩ i chayaxõxü̃ nax choxü̃ ícupoxü̃xü̃ca̱x.

Wiyaegü 31:2

¡Rü ẽcü choxü̃́ nüxü̃ naxĩnü i chorü yumüxẽ! ¡Rü paxa nua naxũ rü naxme̱xwa choxü̃ ínanguxuchixẽxẽ i chorü uanügü! Rü chanaxwa̱xe i chorü poxü̃ruxü̃ nax quixĩxü̃ i cumax. Rü chanaxwa̱xe nax chorü cu̱xchicaxü̃ nax quixĩxü̃ nax tama choxü̃ yama̱xgüxü̃ca̱x.

Wiyaegü 59:2

¡Nüxna choxü̃ ínanguxuchixẽxẽ i ngẽma chixexü̃ ügüxü̃! ¡Rü choxü̃ ínapoxü̃ nüxna i ngẽma máetagüxü̃!