Wiyaegü 7:15 - Tupanaarü Ore

¹⁵ Rü nüma rü togueca̱x nanaxü i wüxi i ãxmaxü̃ i ma̱xmaxü̃ nax nagu tingucuchixü̃ca̱x, natürü nüma tátama nixĩ i nagu yangucuchixü̃.

Wiyaegü 7:15 Referans Kwoze

Yox 4:8

Rü yema nüxü̃ chadauxü̃wa rü nüxü̃ chacua̱x nax yíxema máetaxe rü chixexü̃ üxe rü nagutátama tanguxü̃ ga yema ü̃paacü taxüxü̃ ga chixexü̃.

Wiyaegü 141:10

Natürü nümatátama nagu nayi i ngẽma yauxruxü̃ i cha̱u̱xca̱x yanuagüxü̃. Rü yoxni i chomax rü tá chiña.

Ucu̱xẽgüchiga 26:27

Texé ya wüxi i ãxmaxü̃ ǘxe rü tüma tátama nagu tingucuchi. Rü texé ya nuta ya tacüxü̃ cuxnetaxe nax yadixixü̃ca̱x, rü yimá nuta rü tá tümaétüwa nadixi.

Wiyaegü 10:2

Erü ngẽma chixexü̃gu maxü̃xü̃ rü nügü írütaxü̃ rü norü numaxã tüxü̃ nachixewe ya yíxema taxucürüwa tügü ípoxü̃xẽ. Natürü nüma i ngẽma chixexü̃gu maxü̃xü̃ tátama nagu nangu ya yima yüta ya toguxeca̱x naxüxü̃ne.

Wiyaegü 57:6

Ngẽma chomaxã rüxuanüã̱xgüxü̃ rü cha̱u̱xca̱x nanaxügü i wüxi i yauxruxü̃ nax ngẽmagu changuxü̃ca̱x. Rü chomaxü̃wa nanaxügü i ãxmaxü̃, natürü nümatama nagu nayi.

Ester 7:10

Rü nüma ga ãẽ̱xgacüarü duü̃xü̃gü rü yema nümatama ga Amáü̃ Maduquéuca̱x naxüxü̃ ga wẽxnaxãchicagu nanawẽxnaxãgü. Rü yexguma narüngüxmü ga ãẽ̱xgacü.

Ucu̱xẽgüchiga 5:22

Ngẽma duü̃xü̃ i chixexü̃ üxü̃, rü ngẽma norü chixexü̃ tátama nixĩ i guxchaxü̃gu nanguxẽẽxü̃, rü ngẽma norü chixexü̃tama nixĩ i nagu nachoxü̃ ñoma wüxi i naixnütagu nachoxü̃rüxü̃.

Yeremía 18:20

¿Rü cuxca̱x namexü̃ nax chixexü̃maxã naxütanüxü̃ i ngẽma mexü̃ i naxca̱x chaxüxü̃? Nümagü rü marü choxü̃ nicaxmaxü̃gü, erü choxü̃ nima̱xgüchaü̃. ¡Rü nüxna nacua̱xãchi nax marü cuxna naxca̱x chacaxü̃ nax namaxã curüngü̃xmüxü̃ca̱x rü nüxna cuyaxũgachixẽẽgüxü̃ca̱x i ngẽma curü nu!

Wiyaegü 119:85

Rü ngẽma duü̃xü̃gü i nügü icua̱xüü̃güxü̃ rü tama curü ngu̱xẽẽtáegu ĩxü̃, rü chomaxü̃gu nanaxügü i wüxi i ãxmaxü̃ nax ngẽmagu chingucuchixü̃ca̱x.

Wiyaegü 94:13

Erü ngẽxguma aixcüma tanayaxu̱xgu i curü ucu̱xẽ rü tá tümaãẽxü̃ tacua̱x i ngẽxguma guxchaxü̃gü tümaca̱x ínguxgu. Natürü ngẽma chixexü̃arü üruxü̃ rü cuma rü naxca̱x cunamexẽxẽ i wüxi i ãxmaxü̃ nax ngẽmagu yangucuchixü̃ca̱x.

Yox 6:27

Pemax rü pexü̃́ natauxcha nax namaxã petaxexü̃ i wüxi i taxcuxü̃, rü woo wüxi i pemücü rü namaxã petaxexü̃.

Yox 15:35

Rü nümagü rü guxchaxü̃ nax naxügüxü̃ca̱x nadaugü, rü ngẽmaãcü chixexü̃ naxügü rü nawomüxẽẽtaegü —ñanagürü ga Erifá.

Ichaía 33:11

Rü ngẽma perü ĩnügü, rü ngẽma perü puracügü i pexüxü̃ rü chope̱xewa rü ñoma maxẽ ya ipagücürüxü̃ rü ñoma guxchirerüxü̃ nixĩgü. Rü choma rü chorü cuemaxã tá chayagu.

Ichaía 59:4

Rü taxúema i pema mexü̃ i ĩnümaxã ãẽ̱xgacü ya guxchaxü̃arü mexẽẽruü̃pe̱xewa pexĩ. Rü ngẽma guxchaxü̃ ínamexẽẽgüpe̱xewa rü taxúema nüxü̃ tixu i ngẽma ore i aixcüma ixĩxü̃. Rü nüxü̃ tixu i ngẽma dora ixĩxü̃ rü taxúema aixcümaxü̃ tixu. Erü chixexü̃maxã penapagü rü tama aixcüma penango̱xẽxẽ i ngẽma perü chixexü̃gü.

Danié 6:25

Rü yexguma ga nüma ga ãẽ̱xgacü ga Daríu rü wüxi ga popera naxümatü naxca̱x ga guxü̃ma ga nachixü̃anecüã̱xgü rü ngẽma to ga nagawa idexagüxü̃ ga duü̃xü̃gü. Rü yema poperawa rü nüma ga ãẽ̱xgacü rü ñanagürü: —Chanaxwa̱xe nax petaãẽgüxü̃ rü mea pexü̃ nangupetüxü̃.