Wiyaegü 7:13 - Tupanaarü Ore

¹³ Rü nüma ya Tupana rü marü ínanaxüxü̃ ya naxnegü ya iya̱u̱xramagugǘne. Rü marü ínamemare ya yima naxnegü ya tüxü̃ imáxü̃ne.

Wiyaegü 7:13 Referans Kwoze

2 Tesalonicenses 1:6

Rü name nax Tupana ngúxü̃ nüxü̃ yangexẽẽgüxü̃ i ngẽma duü̃xü̃gü i ngúxü̃ pexü̃ ingegüxẽẽxü̃.

Abacú 3:13

Rü cuma rü dauxü̃wa ícuxũxũ nax curü duü̃xü̃güxü̃ ícupoxü̃xü̃ca̱x, rü nüxü̃ nax curüngü̃xẽẽxü̃ca̱x ya yimá ãẽ̱xgacü ya cumatama nüxü̃ cuxunetacü. Rü cuma rü cuyama̱x i ngẽma ãẽ̱xgacü i chixexü̃ üxü̃ rü nagu cupogü i nachixü̃ane ñoma wüxi ya ĩpatagu ipogüxü̃rüxü̃.

Wiyaegü 64:7

Natürü nüma ya Tupana rü tá naxnemaxã nanamaxgü. Rü ngürüãchi tá nanapíexẽxẽ.

Wiyaegü 45:5

Pa Ãẽ̱xgacüx, yima cuxnegü ya meama ixãmagune rü ngẽma curü uanügüarü maxü̃newa tá nayarüwa̱xgü rü ngẽma togü i nachixü̃anecüã̱xgü rü cuxme̱xgu tá nayi.

Wiyaegü 18:14

Rü ínananguxẽxẽ ga norü chuxchigü rü ãẽmacügü. Rü yemacha̱xwa ga yema chorü uanügü rü nügü nawoone rü nibuxmü.

Yema Cuáü̃ nüxü̃ dauxü̃ i yixcüra tá ngupetüxü̃chiga 16:6

Yerü nümagü rü nanadai ga curü duü̃xü̃gü rü curü orearü uruü̃gü, rü inanaba ga nagü. Rü ñu̱xma i cuma rü wüxi i mexü̃ nixĩ i cuxüxü̃ nax ngẽma dexá nagüxü̃ cunaca̱xichixẽẽxü̃ nax nawa naxaxegüxü̃ca̱x i ngẽma duü̃xü̃gü i chixexü̃ ügüxü̃. Erü ngẽma nixĩ i norü natanü naxca̱x nax curü duü̃xü̃güxü̃ nada̱i̱xü̃ rü nagüxü̃ nabaxẽxẽxü̃”, ñanagürü.

Yema Cuáü̃ nüxü̃ dauxü̃ i yixcüra tá ngupetüxü̃chiga 6:10

Rü yema naãxẽgü rü tagaãcü ñanagürügü: “Pa Torü Cori ya Guxü̃étüwa Ngẽxmacü rü Üünecü rü Ixaixcümacüx, ¿ñuxgura tá ta i nüxna cucaxü̃ rü cunapoxcuexü̃ i ngẽma ñoma i naanecüã̱x ga toxü̃ daixü̃?” ñanagürügü.

Abacú 3:11

Rü yima üa̱xcü rü yima tauemacü rü ínayachaxãchigü i ngẽxguma nüxü̃ nadaugügu ya yima cuxnegü ya iyauracüügüne rü curü wocae ya iyauracüücü.

Wiyaegü 144:6

¡Rü inacuxgü ya cuxnegü ya ãẽmacügü ixĩgüne nax ngẽmacha̱xwa yabuxmüxü̃ca̱x i curü uanügü!

Wiyaegü 64:3

Erü norü conü rü ñoma tararüxü̃ nate̱xechi nax doraxü̃ yaxuxü̃. Rü ñoma naxnegürüxü̃ inanaña i norü dexagü i poraãcü tüxü̃́ nangu̱xẽẽxü̃.

Wiyaegü 11:2

¡Rü dücax i ngẽma chixexü̃ ügüxü̃ i duü̃xü̃gü! Rü nanape̱xecunüxẽxẽ ya norü würa nax yacu̱xgüãcüma naxnegümaxã tüxü̃ nama̱xgüxü̃ca̱x ya yíxema duẽxẽgü i mea maxẽxe.

Yox 6:4

Rü nüma ya Yimá Guxãétüwa Ngẽxmacü rü chowa nayanawa̱xẽẽgü ya yima naxnegü, rü ngẽma norü naguchatagü rü chaxunegu nixũ. Rü ngẽma ãũcümaxü̃ i norü nu ya Tupana rü marü chowa nangu.

Wenaxarü naxümatü ga Tupanaarü mugü 32:42

Rü chorü chuxchigü rü tá nagümaxã nadumagu, rü chorü tara i taxrewa ãmaguxü̃maxã tá chanadai i ngẽma duü̃xü̃gü. Rü ngẽma yuexü̃wa rü ngẽma poxcuexü̃wa tá naba ya nagü. Rü tá chanadaü̃eru i chorü uanügüarü ãẽ̱xgacügü i ma̱xyaexü̃”, ñanagürü tá ga Tupana.

Wenaxarü naxümatü ga Tupanaarü mugü 32:23

Rü ngẽma chixexü̃ ügüxü̃ca̱x tá íchananguxẽxẽ i naguxü̃raxü̃xü̃ i guxchaxü̃gü. Rü tá nagu chanacuxgü ya guxü̃nema ya chorü chuxchigü.

Auxexü̃chiga 2:4

Rü nüma ga Cori ya Tupana rü ñoma wüxi i uanü i marü norü würamaxã imaxnetachaxü̃xü̃rüxü̃ nixĩ. Rü ñoma wüxi i uanürüxü̃ nanadai ga guma ĩanearü ngextü̱xücügü rü pacügü. Rü ñoma wüxi ga üxüemarüxü̃ nixĩ ga Cori ya Tupanaarü nu ga namaxã yaguãxü̃ ga napata ga guma ĩane ga mexẽchine ga Chióü̃wa yexmane.