Wiyaegü 7:10 - Tupanaarü Ore

¹⁰ Nüma ya Tupana rü chorü poxü̃ruxü̃ nixĩ. Rü nüma nixĩ i tüxü̃ namaxẽxẽẽxü̃ ya yíxema ixaixcümagüxe.

Wiyaegü 7:10 Referans Kwoze

Ucu̱xẽgüchiga 28:18

Ngẽma yatü i mexü̃gu maxü̃xü̃ rü taxuca̱xma poxcu namaxã taxuegu. Natürü ngẽma yatü i chixexü̃gu maxü̃xü̃ rü tá poxcu naxca̱x ínangu.

Wiyaegü 125:4

Pa Corix ¡nüxü̃ rüngü̃xẽxẽ i ngẽma duü̃xü̃gü i mea maxẽxü̃ rü aixcüma mexü̃gu rüxĩnüexü̃!

Wiyaegü 84:11

Erü nüma ya Cori ya Tupana rü norü duü̃xü̃güxü̃ nibáixmaxü̃ rü ínanapoxü̃. Rü yíxema tama naxügüxe i ngẽma chixexü̃ rü nüma ya Tupana rü tüxü̃ nangechaü̃ rü tüxü̃ nicua̱xüxü̃ rü tama tüxna nanachu̱xu i norü mexü̃.

Ucu̱xẽgüchiga 11:20

Nüma ya Cori ya Tupana rü tama namaxã nataãxẽ i ngẽma duü̃xü̃gü i chixexü̃ i nacümagu ĩxü̃, natürü tümamaxã nataãxẽ ya yíxema mexü̃ i nacümagu ĩxẽ.

Naanearü ügüchiga 15:1

Rü yemawena ga Abráü̃ rü Cori ya Tupana rü nanango̱xetüxẽxẽ rü namaxã nidexa rü ñanagürü nüxü̃: —¡Taxuca̱xma cumuü̃, Pa Abráü̃! Erü choma nixĩ i curü poxü̃ruxü̃. Rü ngẽma ngü̃xẽxẽ i tá cuxna chaxãxü̃ rü tá nataxüchi —ñanagürü.

Ucu̱xẽgüchiga 2:21

Erü yíxema mea Tupanape̱xewa maxẽxe rü tama chixexü̃ ügüxe, rü tá nama̱x i tümaarü maxü̃ i ñaa naanewa.

Wiyaegü 112:2

Rü yimá yatü ya mexü̃gu rüxĩnücü rü Tupana tá nüxü̃ narüngü̃xẽxẽ i ngẽma naxacügü rü tá naporae i ñoma i naanewa.

Wiyaegü 89:18

Rü nüma ya Cori rü tórü poxü̃ruxü̃ nixĩ. Rü nüma nixĩ i tórü ãẽ̱xgacü ya üünecü i yixema i Iraétanüxü̃ nax ixĩgüxü̃.

Wiyaegü 3:3

Natürü cumax, Pa Corix, rü chorü poxü̃ruxü̃ quixĩ. Rü cuma nixĩ i choxü̃ cuporaxẽẽxü̃, rü choxü̃́ cunangúchaü̃xẽẽxü̃ nax tama chamuü̃xü̃ca̱x.

Yox 8:6

Rü ngẽxguma aixcüma mea cumaxü̃gu rü mea yawe̱xgu i curü maxü̃, rü nüma rü tá cuxna nadau, rü ñu̱xũchi tá cuxü̃́ nanatáeguxẽxẽ ga yema noxri cuxü̃́ yexmaxü̃.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 28:9

Pa Chaunex, Pa Charomóü̃x ¡ẽcü naga naxĩnü ya chorü Tupana rü guxü̃ma i curü ngúchaü̃maxã rü curü ĩnü i mexü̃maxã naxü i ngẽma cuxü̃ namuxü̃! Erü nüma ya Cori ya Tupana rü nanangugü i ngẽma taãẽwa ngẽxmaxü̃ rü nüxü̃ nacua̱x i guxü̃ma i ngẽma nagu rüxĩnüxü̃. Rü ngẽxguma tá cuma naxca̱x cuda̱u̱xgu, rü nüma rü tá cuxü̃tawa nangẽxma. Natürü ngẽxguma nüxna quixũgachigu, rü nüma rü tá cuxü̃ ínata̱xüchi.

Yeremía 11:20

Natürü i cumax Pa Corix, Pa Tupana ya Guxãétüwa Ngẽxmacüx, rü wüxi ya ãẽ̱xgacü ya mecü quixĩ. Cuma rü aixcüma nüxü̃ cucua̱x nax mea cunangugüxü̃ i wüxichigüarü maxü̃. ¡Rü choxü̃ nüxü̃ nadauxẽxẽ nax ñuxãcü tá cunapoxcuexü̃ i ngẽma duü̃xü̃gü! Erü marü cumaxã nüxü̃ chixu i chorü guxchaxü̃ rü cuxme̱xwa chanangexmaxẽxẽ i ngẽma.

Yeremía 17:10

Rü choma ya Tupanaxicatama nixĩ i aixcüma chanangugüxü̃ i norü ĩnü i wüxichigü i duü̃xü̃, rü chaxicatama nixĩ i nüxü̃ chacuáxü̃ nax ta̱xacügu naxĩnüxü̃. Rü ngẽma tamaxü̃xü̃ãcütama tá tüxü̃́ chanaxütanü ya wüxíechigü —ñanagürü.