Wiyaegü 7:1 - Tupanaarü Ore

¹ Pa Cori Pa Chorü Tupanax, cuxme̱xwa chaugü changexmaxẽxẽ, nax ngẽmaãcü choxü̃ ícupoxü̃xü̃ca̱x nüxna i guxü̃ma i ngẽma chowe ingẽxü̃tanüxü̃.

Wiyaegü 7:1 Referans Kwoze

Wiyaegü 31:15

Rü ñaa chorü maxü̃ rü cuxme̱xwa nangẽxma. Rü chanaxwa̱xe i naxme̱xwa choxü̃ ícunguxuchixẽxẽ i ngẽma chorü uanügü i chowe ingẽxü̃tanüxü̃.

Abacú 3:1

Rü ñaa nixĩ ga norü yumüxẽ ga orearü uruxü̃ ga Abacú.

Nüxíraxü̃xü̃ ga popera ga Pedru ümatüxü̃ 4:19

Rü ngẽmaca̱x ya yíxema Tupana naxwa̱xexü̃ãcüma ngúxü̃ ingegüxe, rü name nixĩ nax mexü̃ taxügüechaxü̃ rü Tupana ya tüxü̃ ücüme̱xẽgu nax tanaxüxü̃ i tümaarü maxü̃ nax nüxna tüxü̃́ nadauxü̃ca̱x. Erü nüma ya Tupana rü mecü nixĩ rü nayanguxẽxẽ i ngẽma tümamaxã inaxunetaxü̃.

Chacaría 14:5

Rü pema rü ngẽma ngategu tá pibuxmü nax pixüxü̃ca̱x. Erü ngẽma ngate rü tá nida ñu̱xmata Acháxwa nangu i norü tocüwawa ya yima ma̱xpǘne. Rü ngẽmaãcü tá pibuxmü naxrüxü̃ ga perü o̱xigü ga yexguma ĩã̱xãchianecha̱xwa nabuxmügu ga yexguma Uchía ãẽ̱xgacü ixĩxgu ga Yudáanewa. Rü Cori ya Tupana rü tá núma naxũ namaxã i guxü̃ma i ngẽma üünegüxü̃.

Danié 9:4

Rü yema chorü yumüxẽwa rü Tupanamaxã nüxü̃ chixu ga chorü pecadugü rü chautanüxü̃arü pecadugü rü ñachagürü: —Pa Cori Pa Tupanax, cuma rü guxãétüwa cungexma rü cuporaxüchi rü guxü̃guma cuyanguxẽxẽ i curü unetagü. Rü ngẽmawa tüxü̃ cunawe̱x nax tüxü̃ cungechaü̃xü̃ ya yíxema aixcüma cuga ĩnüexe rü nagu maxẽxe i curü mugü.

Yeremía 31:18

Rü Cori ya Tupana rü ñanagürü: —Marü nüxü̃ chaxĩnü nax auxeãcü chomaxã yadexagüxü̃ i Efraíü̃tanüxü̃ rü ñanagürügü: “Toma rü ñoma wüxi i wocaxacü i tama íyapuxü̃rüxü̃ tixĩgü. Natürü i cuma rü marü toxü̃ ícuyapuexẽxẽ. ¡Rü cugüca̱x toxü̃ nawoeguxẽxẽ! Erü cuma nixĩ i torü Cori ya Tupana quixĩxü̃.

Yeremía 20:11

Natürü i cumax, Pa Corix, Pa Tupanax, rü chauxü̃tawa cungexma ñoma wüxi i churara i poraxüchixü̃rüxü̃. Rü ngẽmaca̱x i ngẽma chowe ingẽxü̃tanüxü̃ rü cuxme̱xgu tá nayi, rü tagutáma choxü̃ narüporamaegü. Rü ngẽma nagu naxĩnüxü̃ rü chixri tá nüxü̃́ ínanguxuchi rü tá naxãnee. Rü ngẽma chixexü̃ i naxügüxü̃ rü tagutáma nüxna inarüxo.

Yeremía 15:15

Rü yexguma ga Yeremía rü Tupanaxü̃ nangãxü̃ rü ñanagürü: —Pa Corix, Pa Tupanax, cuma nüxü̃ cucua̱x i guxü̃ma. ¡Rü choxna nacua̱xãchi rü paxa nua naxũ rü choxü̃ yarüngü̃xẽxẽ! ¡Rü choxü̃ naxütanü rü napoxcue i ngẽma chowe ingẽxü̃tanüxü̃! ¡Rü taxṹ i yáxna namaxã cuxĩnüxü̃ rü nüxü̃́ cunatauxchaxẽxẽxü̃ nax choxü̃ yama̱xgüxü̃! ¡Rü dücax, nagu rüxĩnü nax cuxca̱x yixĩxü̃ i poraãcü ngúxü̃ chingexü̃!

Ichaía 50:10

Rü pema nax Tupanaxü̃ pemuü̃exü̃ rü norü duü̃xü̃ga pexĩnüexü̃, rü ngẽxguma waanexü̃wa i omü ínataxuxü̃wa pexĩxgu rü ¡Tupanagu perüxĩnüe rü nüxü̃́ peyaxõgü!

Wiyaegü 89:26

Rü nüma rü tá ñanagürü choxü̃: “Cuma nixĩ i chaunatü quixĩxü̃ rü chorü Tupana ya choxü̃ ípoxü̃cü rü choxna daucü quixĩxü̃”, ñanagürü tá.

Wiyaegü 43:4

Rü ngẽmaãcü tá nawa changu i ngẽma curü ãmarearü guruxü̃, Pa Tupanax. Rü ngéma tá cuxü̃ chicua̱xüxü̃ árpagamaxã. Erü cumax, Pa Tupanax, rü taãẽmaxã choxü̃ cunapaxẽxẽ.

Wiyaegü 32:10

Rü ngẽma chixexü̃arü üruxü̃gü rü muxü̃tama i ngúxü̃ ningegü, natürü ngẽma nüxü̃́ yaxõgüxü̃ rü Cori ya Tupana rü guxü̃gutáma nüxü̃ nangechaü̃.

Wiyaegü 30:12

Rü ngẽmaca̱x wiyaegümaxã tá cuxü̃ chicua̱xüxü̃ rü guxü̃gutáma moxẽ cuxna chaxã.

Wiyaegü 30:2

Pa Cori Pa Chorü Tupanax, choma rü cuxna naxca̱x chaca i curü ngü̃xẽxẽ, rü cuma rü choxü̃ cungãxü̃ rü cha̱u̱xca̱x cuyataanexẽxẽ.

Wiyaegü 26:1

Pa Cori Pa Tupanax ¡choxü̃ nadau nax taxuxü̃ma i pecadu chaxüxü̃! Rü chorü maxü̃wa rü nataxuma i chixexü̃. Rü aixcüma cuxü̃́ chayaxõ, Pa Cori Pa Tupanax.

Wiyaegü 18:28

Rü cumax, Pa Cori Pa Tupanax, rü cha̱u̱xca̱x cunangóonexẽxẽ. Rü ngẽxguma ẽanexü̃wa changexmagu rü choxü̃ quibáixmaxü̃.

Wiyaegü 18:2

Rü cuma nixĩ ya nuta ya taxüchicü ya chorü poxü̃ruxü̃ quixĩxü̃. Rü cuma nixĩ i chorü dauruxü̃ quixĩxü̃. Rü cuma nixĩ i choxü̃ cunapuxü̃ nüxna i chorü uanügü. Rü cuma nixĩ i chorü tüpe̱xeruxü̃ quixĩxü̃. Rü cuma nixĩ i curü poramaxã choxü̃ cumaxẽẽxü̃. Rü cuma nixĩ i chorü cu̱xchicaxü̃ i ma̱xpǘnewa nagu changaxixü̃ quixĩxü̃.

Wiyaegü 13:5

Rü choma rü chayaxõ nax aixcüma choxü̃ cungechaü̃xü̃, rü chataãxẽ erü cuma rü choxü̃ cumaxẽxẽ.

Wiyaegü 13:3

Pa Cori Pa Chorü Tupanax ¡choxü̃ nadawenü rü choxü̃ nangãxü̃ rü cua̱x choxna naxã! Erü tama chanaxwa̱xe nax nagu changuxü̃ i ngẽma yu.

Wiyaegü 11:1

Choma rü Cori ya Tupaname̱xẽwa chaugü changexmaxẽxẽ nax choxü̃ ínapoxü̃xü̃ca̱x nüxna i chorü uanügü. ¿Rü tü̱xcüü̃ choxü̃ ñapegürü: —¡Ma̱xpǘneanewa naña nax ngéma werigürüxü̃ cugü quicúxü̃ca̱x! —ñaperügü choxü̃?

Wiyaegü 3:7

Pa Corix, Pa Chorü Tupanax, ¡chauétüwa ínayuxu rü choxü̃ ínapoxü̃ nüxna i chorü uanügü! ¡Rü nachiwe idagü rü nabüü̃püta i ngẽma chorü uanügü i chauxchi aiexü̃!

Yochué 14:8

Natürü ga yema togü ga chomücügü rü nüxü̃ nixu nax naxãũcümaxü̃, rü yemaacü duü̃xü̃güxü̃ namuü̃exẽxẽ, rü yemaca̱x ínayaxoetanüãchi ga nagu nax nachocuxü̃ ga ñaa naane. Natürü ga choma rü tama nüxü̃ icharüngüma ga Tupanaarü uneta rü nagu charüxĩnüecha.

Nüxíraxü̃xü̃ ga popera ga Pedru ümatüxü̃ 1:21

Rü ñu̱xma rü Cristugagu nixĩ i nüxü̃́ peyaxõgüxü̃ ya Tupana ga yuwa Cristuxü̃ írüdaxẽẽcü rü daxũwa nagacü. Rü ngẽmaca̱x nixĩ i ñu̱xma i Tupanaaxü̃́ peyaxõgüxü̃ rü ípenangu̱xẽẽgüxü̃ nax daxũwa pexü̃ nagagüxü̃ca̱x.

Wiyaegü 25:2

Pa Chorü Tupanax, cuxü̃́ chayaxõ. ¡Rü taxṹ i cunaxüchicaxü̃ i chorü uanügü nax ãne choxü̃ yangexẽxẽgüxü̃ca̱x rü choxü̃ nacugüexü̃ca̱x!