Wiyaegü 67:6 - Tupanaarü Ore

⁶ Rü ngẽma waixü̃müwa tá mea nayae i tonetügü rü tá namu i norü o. Erü tórü Tupana rü tá tüxü̃ narüngü̃xẽxẽ.

Wiyaegü 67:6 Referans Kwoze

Yeremía 31:33

Rü ñaa tá nixĩ i ngẽma ngexwaca̱xü̃xü̃ i chorü uneta i Iraétanüxü̃maxã chaxüxü̃: “Naãxẽwa tá chanangexmaxẽxẽ i ngẽma chorü mu, rü ngéma tá nangẽxma nax tama nüxü̃ iyanangümaexü̃ca̱x. Rü choma tá nixĩ i norü Tupana chixĩxü̃, rü nümagü rü tá chorü duü̃xü̃gü nixĩgü”. Rü chomatama ya Cori ya Tupana nixĩ i nüxü̃ chixuxü̃ i ngẽma.

Ínachoxü̃xü̃chiga 3:15

Rü ñanagürü ta ga Tupana Moichéxü̃: —¡Rü namaxã nüxü̃ ixu i ngẽma Iraétanüxü̃, rü ñacugürü tá: “Nüma ya Cori ya Tupana ya perü o̱xigüarü Tupana ya Abraáü̃arü rü Ichaáarü rü Acóbuarü Tupana, rü guma nixĩ ga petanüwa choxü̃ mucü”, ñacugürü tá nüxü̃! Rü Cori ya Tupana nixĩ i chauéga i tagutáma iyagúxü̃. Rü ngẽma chauégamaxã tá nixĩ i guxü̃gutáma duü̃xü̃gü choxü̃ cuáxü̃.

Naanearü ügüchiga 17:7

Rü ngẽma ñu̱xma tá cumaxã rü cutaagümaxã chaxueguxü̃ rü ñaa nixĩ: Rü choma rü guxü̃gutáma curü Tupana chixĩ rü cutaagüarü Tupana chixĩ.

Yeremía 31:1

Rü nüma ya Cori ya Tupana rü ñanagürü: —Ngẽxguma ngẽma ngunexü̃wa nanguxgu rü choma rü guxü̃táma i Iraétanüxü̃arü Tupana tá chixĩ, rü nümagü rü tá chorü duü̃xü̃gü nixĩgü —ñanagürü.

Ichaía 1:19

Rü ngẽxguma chi penaxwa̱xegu nax chauga pexĩnüexü̃, rü tá penangõ̱x i ngẽma rümemaegüxü̃ i nanetüarü o i ñoma i naanewa yaexü̃.

Wiyaegü 48:14

Erü nüma ya Tupana rü guxü̃gutáma tórü Tupana nixĩ. Rü nüma rü guxü̃gutáma mea tamaxã inacua̱x.

Lebítanüxü̃arü puracüchiga 25:19

Rü penetügü rü tá meama nixo, rü pemax rü taxuxü̃táma i ta̱xacü pexü̃ nachixewe nawa i ngẽma perü naane. Rü tá penangõ̱x i penetügüarü o ñu̱xmata pengãxpütüwegü.