Wiyaegü 67:3 - Tupanaarü Ore

³ Pa Tupanax, rü name nixĩ nax guxü̃ma i duü̃xü̃gü i guxü̃ i nachixü̃anegüwa ngẽxmagüxü̃ cuxü̃ nicua̱xüü̃gü.

Wiyaegü 67:3 Referans Kwoze

Wiyaegü 74:21

¡Rü taxṹ i cunangexrüxü̃ i ngẽxguma ngẽma duü̃xü̃gü i poraexü̃ chixri namaxã chopetügu i ngẽma ngearü ngẽmaxü̃ã̱xgüxü̃! ¡Ẽcü nüxü̃́ natauxchaxẽxẽ nax cuxü̃ yacua̱xüü̃güxü̃ca̱x i ngẽma ngearü diẽruã̱xgüxü̃ rü ngẽma ngearü ngẽmaxü̃ã̱xgüxü̃!

Wiyaegü 67:5

Pa Tupanax, name nixĩ nax guxü̃ma i duü̃xü̃gü i guxü̃ma i nachixü̃anecüã̱x cuxü̃ yacua̱xüü̃güxü̃.

Wiyaegü 142:7

¡Rü choxü̃ ínanguxuchixẽxẽ nawa i ñaa chorü guxchaxü̃gü nax ngẽmaãcü cuxü̃ chicua̱xüü̃xü̃ca̱x! Rü ñu̱xũchi i ngẽma duü̃xü̃gü i aixcüma mexü̃gu rüxĩnüexü̃ rü tá choxü̃ ínachomaeguãchi i ngẽxguma chomaxã cumecümagu.

Wiyaegü 119:175

Rü ñu̱xma nax chamaxü̃xü̃ rü chanaxwa̱xe i cuxü̃ chicua̱xüxü̃ nax ngẽmaãcü curü mugümaxã choxü̃ curüngü̃xẽẽxü̃ca̱x.

Wiyaegü 45:17

Rü choma rü tá nüxü̃ nüxü̃ chacua̱xẽxẽ i cuéga nax ngẽmaãcü guxü̃ma i ngẽma ngexwaca ingóetanüxü̃ i duü̃xü̃gü rü nüxü̃ nacua̱xgüxü̃ca̱x i cuéga. Rü ñu̱xũchi guxü̃ma i nachixü̃anecüã̱xgü rü guxü̃gutáma cuxna nacua̱xãchie rü cuxü̃ natachigagü.

Ichaía 49:6

Rü nüma ya Tupana rü ñanagürü: —Choma rü cuxü̃ chamu nax cunanutaque̱xexü̃ca̱x i Acóbuarü duü̃xü̃gü rü nachixü̃aneca̱x cunawoeguxẽẽxü̃ca̱x i ngẽma Iraétanüxü̃. Rü naétü cuxü̃ chamu nax wüxi i omü quixĩxü̃ca̱x naxca̱x i guxü̃ma i nachixü̃anegü. Rü cuxü̃ chamu nax nüxü̃ nüxü̃ cucua̱xẽẽxü̃ca̱x i chorü ore i maxü̃ nüxna ãxü̃ i guxü̃ma i nachixü̃anecüã̱x woo ngẽma yáxü̃wa ngẽxmagüxü̃ —ñanagürü.

Miquéa 5:3

Rü ñu̱xma ya Cori ya Tupana rü norü duü̃xü̃güna nixũgachi nax norü uanügü namaxã icuáxü̃ca̱x ñu̱xmatáta naxíxraxacü i ngẽma nge i wüxi ya ngĩne tá ngĩxü̃́ ngẽxmacü. Rü ngẽxguma tá nixĩ i ngẽma Iraétanüxü̃ i to i nachixü̃anegügu woonexü̃ rü tá nachixü̃aneca̱x nawoeguxü̃ nax wüxiwa nangẽxmagüxü̃ca̱x namaxã i natanüxü̃ ga nachixü̃anewatama yaxǘgüxü̃.