Wiyaegü 61:2 - Tupanaarü Ore

² Rü ñu̱xma nax chorü naanena chayáxü̃guxü̃ rü cuxna chaca nax choxü̃ curüngü̃xẽẽxü̃ca̱x. Rü poraãcü chaxoegaãxẽ, rü ngẽmaca̱x chanaxwa̱xe i wüxi ya tacü ya nutaétügu choxü̃ cumunagü i ngextá taxucürüwa chorü uanügü choxna íngugüxü̃wa.

Wiyaegü 61:2 Referans Kwoze

Wiyaegü 18:2

Rü cuma nixĩ ya nuta ya taxüchicü ya chorü poxü̃ruxü̃ quixĩxü̃. Rü cuma nixĩ i chorü dauruxü̃ quixĩxü̃. Rü cuma nixĩ i choxü̃ cunapuxü̃ nüxna i chorü uanügü. Rü cuma nixĩ i chorü tüpe̱xeruxü̃ quixĩxü̃. Rü cuma nixĩ i curü poramaxã choxü̃ cumaxẽẽxü̃. Rü cuma nixĩ i chorü cu̱xchicaxü̃ i ma̱xpǘnewa nagu changaxixü̃ quixĩxü̃.

Ichaía 32:2

Rü wüxichigü i ngẽma ãẽ̱xgacügü rü ñoma cu̱xchicaxü̃ i buanecücha̱xwa naxchipeta icúxü̃rüxü̃ tá nixĩgü. Rü ñoma ĩpata ya pucü ya taxüchicücha̱xwa natüxü̃gu ngaxínerüxü̃ tá nixĩgü. Rü ñoma natügü i paanexüchixü̃gu iya̱xgüxü̃rüxü̃ tá nixĩgü. Rü ñoma chianexü̃wa ngẽxmacü ya taxüchicü ya nutachipetarüxü̃ tá nixĩgü i ngẽma ãẽ̱xgacügü.

Wiyaegü 62:6

Rü nüma nixĩ i chorü poxü̃ruxü̃ i choxna nadauxü̃. Rü nüma nixĩ i chorü dauruxü̃ yixĩxü̃, rü ngẽmaca̱x tagutáma choxü̃ narüporamae i chorü uanügü.

Wiyaegü 77:3

Rü nüxna chacua̱xãchi ya Tupana rü chaxaxu. Rü Tupanaarü ngü̃xẽẽca̱x chadau, natürü changechaü̃ erü tama paxa ínangu i norü ngü̃xẽxẽ.

Wiyaegü 62:2

Rü nüma nixĩ i chorü poxü̃ruxü̃ i choxna nadauxü̃. Rü nüma nixĩ i chorü dauruxü̃ yixĩxü̃, rü ngẽmaca̱x tagutáma choxü̃ narüporamae i chorü uanügü.

Wiyaegü 18:46

¡Namaxü̃ ya Cori ya Tupana! ¡Rü namecüma ya yimá chorü poxü̃ruxü̃! ¡Rü name i nüxü̃ ticua̱xüü̃gü ya yimá chorü maxẽẽruxü̃ ya Tupanax!

Wenaxarü naxümatü ga Tupanaarü mugü 4:29

Natürü ngẽxguma ngẽma nachixü̃anegüwa pema rü guxü̃ma i perü ngúchaü̃maxã rü guxü̃ma i peãẽmaxã Cori ya perü Tupanaca̱x pewoegugu rü nüxü̃ tá ipeyangaugü.

Wiyaegü 27:5

Rü ngẽxguma guxchaxü̃ cha̱u̱xca̱x ínguxgu rü nüma ya Cori rü napatawa tá choxna nadau. Rü nügümaxã tá choxü̃ natüxchipeta rü choxü̃ ínapoxü̃. Rü wüxi ya nuta ya tacüétügu tá choxü̃ namunagü nax taxuxü̃ma choxü̃ imáxü̃ca̱x.

Wiyaegü 40:2

Rü yema ãxmaxü̃ ga dexááxü̃ ga nagu iyuxü̃wa choxü̃ ínanguxuchixẽxẽ. Rü ãcharaxanexü̃wa choxü̃ nanatúxuchi. Rü wüxi ga nutawa choxü̃ inachixẽxẽ. Rü taixanexü̃waama choxü̃ naga nax íchixũxü̃ca̱x.

Ichaía 54:11

Rü ñanagürü ta: —Pa Yerucharéü̃cüã̱xgüx, ñu̱xma rü peyaxĩ̱xãchiãẽgü rü tataxuma ya texé ya pexü̃ taãẽxẽẽ́xe. Natürü i choma rü nutagü ya achabáchemaxã rü nutagü ya chafírumaxã tá ichanaxügü nax chanaxüxü̃ i perü ĩanearü poxeguxü̃tápü̱x. Rü nutagü ya rubímaxã tá chanaxü i norü dauxü̃taechicagü rü nutagü ya berílumaxã tá chanaxü i norü ĩã̱xgü rü nutagü ya mexẽchicümaxã tá chanaxü i naxtaxpü̱xgü i düxétüwa ngẽxmagüxü̃.

Wiyaegü 55:5

Rü poraãcüxüchi muü̃ choxna nangu rü muü̃maxã chidu̱xrux.

Wiyaegü 143:4

Rü ñu̱xma rü chayaxĩ̱xãchiãẽxü̃chi rü chauãẽwa poraãcü chamuü̃.

Wiyaegü 43:5

¿Rü ñu̱xma rü ta̱xacüca̱x tá nüxü̃ charüxoxü̃? ¿Rü ta̱xacüca̱x tá ichaxoégaãẽxü̃? Erü choma rü marü Tupanaaxü̃́ chayaxõ rü yimáxü̃ tá nixĩ i chicua̱xüxü̃xü̃. Rü nüma nixĩ i chorü Tupana i chorü maxẽẽruxü̃ yixĩxü̃.

Wiyaegü 42:6

Natürü i ñu̱xmax rü poraãcüxüchima íchayaxoõchi. Rü ngẽmaca̱x, Pa Tupanax, poraãcü cuxna chacua̱xãchi nawa i ñaa naane i natü i Yudáü̃ nawa dapetüxü̃ rü yima ma̱xpǘnegü ya Ermóü̃ rü Michá nawa ngẽxmagüne.

Ore i mexü̃ ga Luca ümatüxü̃ 22:44

Rü yema nax poraãcü nanaxĩ̱xãchiãẽxü̃ ga Ngechuchu, rü yemaca̱x yexeraãcü nayumüxẽ, rü nanaxaiyaãchi. Rü ñoma nagü waixü̃müanewa ichuruxü̃rüxü̃ nixĩ ga norü aiyacü.

Wiyaegü 17:1

Pa Corix ¡choxü̃́ nüxü̃ naxĩnü i ngẽma cuxna naxca̱x chacaxü̃, erü wüxi i mexü̃ nixĩ! ¡Rü choxü̃́ nüxü̃ naxĩnü i ngẽxguma tagaãcü curü ngü̃xẽxẽca̱x cuxna chacaxgu! ¡Rü choxü̃́ nüxü̃ naxĩnü i chorü yumüxẽ! Erü choma rü tama wüxi i dorata̱xáxü̃ chixĩ.