Wiyaegü 61:1 - Tupanaarü Ore

¹ Pa Chorü Tupanax ¡nüxü̃ naxĩnü nax cuxca̱x aita chaxüxü̃! ¡Rü choxü̃́ nüxü̃ naxĩnü i chorü yumüxẽ rü choxü̃ nangãxü̃!

Wiyaegü 61:1 Referans Kwoze

Filipenses 4:6

¡Rü taxuca̱xma penaxĩ̱xãchiãẽgü! ¡Rü perü yumüxẽwa Tupanamaxã nüxü̃ pixu i guxü̃ma i ngẽma pexü̃ ngupetüxü̃! ¡Rü naxca̱x ípeca rü moxẽ nüxna pexã!

Wiyaegü 4:1

Pa Chorü Poxü̃ruxü̃, Pa Tupanax, ¡choxü̃ nangãxü̃ ega cuxna chacaxgu! Rü ngẽxguma ngúxü̃ chingexgu, rü cuma nixĩ i choxü̃ cutaãẽxẽẽxü̃. Rü cuxü̃́ changechaü̃tümüxü̃ rü ¡choxü̃́ nüxü̃ naxĩnü i chorü yumüxẽ!

Wiyaegü 86:6

Pa Corix ¡choxü̃́ nüxü̃ naxĩnü i chorü yumüxẽ! ¡Rü choxü̃ nangãxü̃ rü choxna naxã i ngẽma cuxna naxca̱x chacaxü̃!

Wiyaegü 130:2

¡Rü choxü̃́ nüxü̃ naxĩnü i chorü yumüxẽ, Pa Cori Pa Tupanax, rü choxü̃ nangãxü̃ namaxã i ngẽma tagaãcü naxca̱x íchaca̱xaxü̃!

Wiyaegü 54:1

Pa Tupanax ¡cumatama choxü̃ ínanguxuchixẽxẽ naxme̱xwa i chorü uanügü! ¡Rü choxü̃ ínapoxü̃ namaxã i curü pora!

Wiyaegü 17:1

Pa Corix ¡choxü̃́ nüxü̃ naxĩnü i ngẽma cuxna naxca̱x chacaxü̃, erü wüxi i mexü̃ nixĩ! ¡Rü choxü̃́ nüxü̃ naxĩnü i ngẽxguma tagaãcü curü ngü̃xẽxẽca̱x cuxna chacaxgu! ¡Rü choxü̃́ nüxü̃ naxĩnü i chorü yumüxẽ! Erü choma rü tama wüxi i dorata̱xáxü̃ chixĩ.

Wiyaegü 64:1

Pa Cori Pa Tupanax ¡choxü̃́ nüxü̃ naxĩnü nax curü ngü̃xẽxẽca̱x íchaca̱xaxü̃! ¡Rü choxna nadau na̱xcha̱xwa i ngẽma uanügü i choxü̃ ima̱xgüchaü̃xü̃!

Wiyaegü 28:2

¡Rü choxü̃ naxĩnü i ngẽxguma cupata íngexmaxü̃gu chawéxme̱xãcüma curü ngü̃xẽẽca̱x íchacaxgu!

Wiyaegü 6:1

Pa Corix ¡taxṹ i choxü̃ cuxüáxü̃ ega cunuxgu! Rü ega cunuxgu rü ¡taxṹ i choxü̃ cupoxcuxü̃!