Wiyaegü 6:8 - Tupanaarü Ore

⁸ ¡Rü choxna pixĩgachix, Pa Chixexü̃arü Üruxü̃güx! Erü nüma ya Cori ya Tupana rü marü nüxü̃ naxĩnü i chorü axu.

Wiyaegü 6:8 Referans Kwoze

Ore i mexü̃ ga Luca ümatüxü̃ 13:27

Natürü nüma rü tá pexü̃ nangãxü̃ rü ñanagürü tá: “Marü pemaxã nüxü̃ chixu rü tama pexü̃ chacua̱x nax ngextácüã̱xgü pixĩgüxü̃. ¡Rü ípixĩ i nua chauxü̃tawa i guxãma i pemax, Pa Chixexü̃gu Maxẽxü̃x!” ñanagürü tá.

Wiyaegü 145:18

Rü nüma ya Cori ya Tupana rü tüxna nangaicama ya yíxema aixcüma naga taxĩnüeãcüma norü ngü̃xẽẽca̱x ícagüxe.

Wiyaegü 119:115

¡Rü choxna pixĩgachi, Pa Chixexü̃arü Üruxü̃güx! Erü choma rü chayanguxẽẽchaü̃ i chorü Tupanaarü mugü.

Ore i mexü̃ ga Matéu ümatüxü̃ 7:23

Natürü ngẽxguma i choma rü tá ñachagürü nüxü̃: ‘Taguma pexü̃ chacua̱x nax chorü duü̃xü̃gü pixĩgüxü̃. ¡Rü choxna pixĩgachi i pema i chixexü̃arü üruü̃gü!’ ñachagürü tá.

Wiyaegü 3:4

Rü Cori ya Tupanaca̱x aita chaxü nax choxü̃ nangü̃xẽẽxü̃ca̱x. Rü nüma rü yima norü ma̱xpǘne ya üünenewa choxü̃ nangãxü̃.

Popera ga Yudíugü ga yaxõgüxü̃ca̱x ümatüxü̃ 5:7

Rü yexguma Cristu ñoma ga naanewa maxü̃gu, rü poraãcü nayumüxẽ rü tagaãcü rü naxauxãcü Tupanana naca nax nüxü̃ nangü̃xẽẽxü̃ca̱x nax naga naxĩnüxü̃ca̱x, yerü Tupana rü naporachire̱x nax nawa ínanguxuchixẽẽãxü̃ca̱x ga yema yu. Rü Tupana rü Cristuxü̃ naxĩnü yerü Tupanaga naxĩnü.

Ore i mexü̃ ga Matéu ümatüxü̃ 25:41

Rü ñu̱xũchi i Ãẽ̱xgacü, rü ñanagürü tá nüxü̃ i ngẽma to̱xwewa ngẽxmagüxü̃: “¡Choxna pixĩgachi i pema i perü chixexü̃ca̱x poxcuexe! ¡Rü ngéma pexĩ nawa ya yimá üxü ya taguma ixoxü̃ne ya Tupana ímexẽẽ́ne naxca̱x i ngo̱xo i Chataná rü norü duü̃xü̃gü!

Wiyaegü 139:19

¡Pa Tupanax, nüxna nayaxu i norü maxü̃ i ngẽma chixexü̃ ügüxü̃! ¡Rü choxna yaxĩgachixẽxẽ i ngẽma máetagüxü̃ i chixexü̃maxã cuchigagu idexagüxü̃ rü natüca̱xma cumaxã nuexü̃!

Ichaía 30:19

Pa Duü̃xü̃gü i Chióü̃cüã̱x i Yerucharéü̃wa Maxẽxü̃x, rü taxũtáma pexauxe. Erü nüma ya Cori ya Tupana rü ngẽxguma nüxü̃ naxĩnügu i pega nax ngü̃xẽẽca̱x nüxna pecaxü̃ rü tá nüxü̃́ pengechaü̃tümüxü̃gü. Rü ngẽxguma pexü̃ naxĩnügu rü paxa tá pexü̃ nangãxü̃ga.

Ichaía 38:5

—¡Wena íyadau ya Echequía! ¡Rü namaxã nüxü̃ ixu i chorü ore i ñaxü̃: “Yimá Cori ya Tupana ga curü o̱xi ga Dabíarü Tupana rü ñanagürü: ‘Marü cuxü̃́ nüxü̃ chaxĩnü i curü yumüxẽ, rü nüxü̃ chadau i cu̱xgüxü̃etü nax cuxaxuxü̃! Rü cuxü̃́ tá 15 ya taunecü chaxünagü nax cumaxü̃xü̃.

Ichaía 38:3

—Pa Corix, Pa Tupanax, rü cuxü̃ chaca̱a̱xü̃ nax nüxna cucua̱xãchixü̃ca̱x nax ñuxãcü cuxca̱x chapuracüxü̃ rü guxü̃guma chanaxüxü̃ ga yema cuma namaxã cutaãẽxü̃ —ñanagürü. Rü yema ñaxguwena rü poraãcü naxaxu.

Wiyaegü 56:8

Rü cuma rü meama nüxü̃ cucua̱x i ñuxree̱xpü̱xcüna naxcha̱xwa chiña. Rü marü nuxü̃ cudau i ñuxree̱xpü̱xcüna ngúxü̃ chingexü̃ rü chaxaxuxü̃. Rü curü poperagu marü cunaxümatü i guxü̃ma i ngẽma choxü̃ üpetüxü̃.

Yox 17:7

Rü ñaa ngúxü̃ i chingexü̃maxã rü chixogüxetü. Rü chauxune rü naxchina̱xãmare nixĩ.

Wiyaegü 31:10

Rü ngẽma nax ngúxü̃ chingexü̃ rü poraãcü changechaü̃ rü chaxauxecha. Rü ngẽma nax changechaü̃xü̃gagu rü chorü pora rü choxna nixũgachi rü chauxchina̱xãgü rü nituraetanü.

Auxexü̃chiga 3:56

Rü cuma rü choxü̃ cuxĩnü i ngẽxguma cuxna chacaxgu rü choxü̃́ cunayaxu i chorü yumüxẽ.