Wiyaegü 6:10 - Tupanaarü Ore

¹⁰ Rü guxü̃ma i ngẽma chorü uanügü rü tá naba̱i̱xãchie rü namuü̃e. Rü cugüruxü̃ tá nixĩgü. Rü ngürüãchi norü ãnemaxã tá nibuxmü.

Wiyaegü 6:10 Referans Kwoze

Maraquía 3:18

Rü ngẽxguma i pemax rü tá nüxü̃ picua̱xãchitanü nax tama nawüxiguxü̃ i ngẽma mexü̃ ügüxü̃ namaxã i ngẽma chixexü̃ ügüxü̃. Rü ngẽxgumarüxü̃ ta i ngẽma choxü̃ icua̱xüü̃güxü̃ rü tama namaxã nawüxigu i ngẽma tama choxü̃ icua̱xüü̃güxü̃ —ñanagürü ya Tupana.

Yeremía 20:11

Natürü i cumax, Pa Corix, Pa Tupanax, rü chauxü̃tawa cungexma ñoma wüxi i churara i poraxüchixü̃rüxü̃. Rü ngẽmaca̱x i ngẽma chowe ingẽxü̃tanüxü̃ rü cuxme̱xgu tá nayi, rü tagutáma choxü̃ narüporamaegü. Rü ngẽma nagu naxĩnüxü̃ rü chixri tá nüxü̃́ ínanguxuchi rü tá naxãnee. Rü ngẽma chixexü̃ i naxügüxü̃ rü tagutáma nüxna inarüxo.

Wiyaegü 86:17

¡Rü choxü̃ rüngü̃xẽxẽ! ¡Rü choxna naxã i wüxi i cua̱xruxü̃ nax ngẽmawa nangóxü̃ca̱x nax chomaxã cumecümaxü̃ rü ngẽma chauxchi aiexü̃ naxãneexü̃ca̱x i ngẽxguma nüxü̃ nadaugügu! Erü cumax, Pa Corix, rü guxü̃guma choxü̃ curüngü̃xẽxẽ rü choxü̃ cutaãẽxẽxẽ.

Ichaía 26:11

Rü cumax, Pa Corix, rü marü naxca̱x icunamexẽxẽ i ngẽma norü poxcu, natürü i nümagü rü tama nüxü̃ nacua̱xgüéga. Natürü ngẽxguma nüxü̃ nadaugügu i ngẽma curü ngechaü̃ i taxü̃ naxca̱x i curü duü̃xü̃gü i mea maxẽxü̃, rü tá naxãnee. ¡Chierüx cuma rü curü nuarü üxüemamaxã cunadaixgu i ngẽma curü uanügü!

Ucu̱xẽgüchiga 29:1

Texé ya tama nayaxúxe i ucu̱xẽ, rü paxa tá guxchaxü̃ tümaca̱x ínangu, rü taxúetama tümaétüwa tachogü.

Wiyaegü 132:18

Rü norü uanügü rü poraãcü tá chanaxãneexẽxẽ. Natürü i nüma ya ãẽ̱xgacü rü tá chanataxẽxẽ rü tá nüxna chanaxã i taxü̃ i pora —ñanagürü ga Cori ya Tupana.

Wiyaegü 112:10

Rü ngẽma chixexü̃ ügüxü̃ rü nanue ega nüxü̃ nadaugügu. Rü norü numaxã nixü̃́xchapütagü. Natürü ngẽma norü ĩnü i ngẽma chixexü̃arü üruü̃gü rü tá nagu nayarüchixe.

Wiyaegü 73:19

Rü ngürüãchimare tá narüxo. Rü norü muü̃maxã tá nayue. Rü ngẽxguma ícurüdaxgu, Pa Corix, ñoma wüxíe pewa írüdaxü̃rüxü̃, rü cuma rü tá nüxü̃ cuxo erü tama aixcüma mea cupe̱xewa namaxẽ.

Wiyaegü 71:24

Rü chorü conümaxã rü guxü̃ i ngunexü̃gu tá nüxü̃ chixu nax cuma rü ixaixcümacü quixĩxü̃. Erü ngẽma duü̃xü̃gü i naxwa̱xegüxü̃ nax choxü̃ yama̱xgüxü̃, rü ñu̱xma rü poraãcü ãne ningegü.

Wiyaegü 71:13

¡Rü naxãneexẽxẽ rü nadai i ngẽma chorü uanügü i choxü̃ imaxgüchaxü̃xü̃! ¡Rü duü̃xü̃güarü cugüruxü̃ yaxĩgüxẽxẽ i ngẽma naxwa̱xegüxü̃ nax chixexü̃gu changuxü̃!

Wiyaegü 35:26

Rü ñu̱xma chanaxwa̱xe i ãne ningegü i ngẽma duü̃xü̃gü i taãẽgüxü̃ naxca̱x nax chixexü̃gu changuxü̃. Rü chanaxwa̱xe i guxü̃wama ãne ningegü i ngẽma nügü ixugüexü̃ nax choxü̃ nayexeragüxü̃.

Wiyaegü 25:3

Rü yíxema cuxü̃́ yaxṍxe rü tagutáma ãne tinge. Natürü ngẽma tama cuga ĩnüexü̃ rü natüca̱xma cumaxã nuexü̃, rü ãne tá ningegü.

Wiyaegü 7:6

Pa Corix ¡curü numaxã inachi rü chauétüwa nachogü, rü nadai i ngẽma chorü uanügü i choxü̃ ima̱xgüchaü̃xü̃! ¡Rü napoxcue i ngẽma duü̃xü̃gü i chixexü̃ ügüxü̃! ¡Rü chauétüwa nachogü!

1 Tesalonicenses 5:3

Rü ngẽxguma duü̃xü̃gü nagu írüxĩnüegu nax guxü̃ma mexü̃ rü taxuxü̃ma nüxü̃ üpetüxü̃, rü ngẽma ngunexü̃gu rü ngürüãchi tá ínangu i taxü̃ i guxchaxü̃gü. Rü ñoma wüxi i ngecü i ãxacücü rü ngürüãchi ngĩxacümaxã ngu̱xnecacürüxü̃ tá nixĩ nax taxúema naxcha̱xwa iñaxü̃ i ngẽma.

Wiyaegü 5:10

Rü ngẽmaca̱x, Pa Tupanax, ¡napoxcue i ngẽma duü̃xü̃gü! ¡Rü ngẽma chixexü̃ i nümatama nagu naxĩnüexü̃gu nayixẽxẽ! ¡Rü norü muxü̃ i máetaxü̃gagu nüxü̃ naxo, erü cumaxã nixĩ i nanuexü̃!

Wiyaegü 2:5

Rü ñu̱xũchi norü numaxã ínanaba̱i̱xgü rü nugaãcü nayangagü rü ñanagürü nüxü̃:

Yox 6:29

Rü chanaxwa̱xe i iperüchianegü namaxã i ngẽma ore i chauchiga nüxü̃ pixuxü̃. ¡Rü taxṹ i pidorata̱xa̱güxü̃! ¡Rü penayaxu i ngẽma ore i nüxü̃ chixuxü̃ nax aixcüma yixĩxü̃!

Norü taxre ga popera ga ãẽ̱xgacügüchiga 20:5

—¡Wena íyadau ya Echequía ya chorü duü̃xü̃güarü ãẽ̱xgacü ixĩcü! ¡Rü namaxã nüxü̃ ixu: “Choma ya nũxcümaü̃cü ga curü o̱xi ga Dabíarü Tupana rü marü cuxü̃́ nüxü̃ chaxĩnü i curü yumüxẽ, rü nüxü̃ chadau i cu̱xgüxü̃etü nax cuxaxuxü̃! Rü choma rü tá cuxca̱x chayataanexẽxẽ rü tomaepü̱x i ngunexü̃guwena rü tá marü ícurüda rü tá chopata ya taxü̃newa cuxũ.

Wiyaegü 55:20

Rü nanadai i namücügü rü tama nayanguxẽxẽ i ngẽma unetagü i namücümaxã nüxü̃ yaxuxü̃.