Wiyaegü 59:9 - Tupanaarü Ore

⁹ Cumax, Pa Chorü Tupanax, rü chorü poraxẽẽruxü̃ quixĩxü̃, rü cuxü̃ nixĩ íchanangu̱xẽẽxü̃ nax choxna cudauxü̃, erü cumax, Pa Tupanax, nixĩ i chorü poxü̃ruxü̃ quixĩxü̃.

Wiyaegü 59:9 Referans Kwoze

Wiyaegü 9:9

Rü nüma ya Cori ya Tupana rü tüxü̃ ínapoxü̃ ya yíxema togü chixri tümamaxã icuáxe. Rü ngẽxguma ngúxü̃ tingexgu rü tüxü̃ narüngü̃xẽxẽ.

Wiyaegü 62:2

Rü nüma nixĩ i chorü poxü̃ruxü̃ i choxna nadauxü̃. Rü nüma nixĩ i chorü dauruxü̃ yixĩxü̃, rü ngẽmaca̱x tagutáma choxü̃ narüporamae i chorü uanügü.

Wiyaegü 59:17

Rü ngẽmaãcü tá cuxca̱x chawiyae, Pa Tupanax, erü cuma nixĩ i chorü poraxẽẽruxü̃ quixĩxü̃, rü cuma nixĩ i choxna cudauxü̃. Rü cuma nixĩ i chorü Tupana i choxü̃ cungechaxü̃xü̃.

Wiyaegü 27:14

¡Ẽcü nüxü̃́ yaxõ ya Cori! ¡Rü cugü naporaxẽxẽ rü taxṹ i nüxü̃ curüxoxü̃ nax cuyaxõxü̃! Rü cumaxã nüxü̃ chixu rü ¡nagu yaxõ ya Cori ya Tupana!

Abacú 3:19

Erü nüma ya Cori ya Tupana rü pora choxna naxã, rü ñoma wüxi i cowü i poraxü̃rüxü̃ choxü̃ naporaxẽxẽ. Rü wüxi ya ma̱xpǘneétüwa tá choxü̃ naga rü ngéma tá choxna nadau nax taxuxü̃ma choxü̃ naxüpetüxü̃ca̱x.

Ichaía 40:31

Natürü yíxema aixcüma Cori ya Tupanaaxü̃́ yaxṍxe rü guxü̃gutáma tüxü̃́ ningexwaca̱xü̃chigü i tümaarü pora. Rü ñoma ĩyügürüxü̃ rü tá taporaama. Rü woo ngẽxguma poraãcü itañaãchigu rü taxũtáma nagu̱x i tümaarü pora. Rü woo ngẽxguma yáxü̃wa taxũxgu, rü taxũtáma tipa.

Ichaía 12:2

Rü Tupana nixĩ ya choxü̃ maxẽẽcü, rü ngẽmaca̱x nüxna charüyoe rü taxuca̱xma tü̱xcüü̃ chamuü̃. Rü nüma ya Cori ya Tupana nixĩ i chorü cu̱xchicaxü̃ rü chorü poraxẽẽruxü̃. Rü nüma nixĩ i chorü maxẽẽruxü̃ —ñacurügü tá.

Wiyaegü 27:1

Nüma ya Cori ya Tupana rü chorü omü rü chorü maxẽxẽruxü̃ nixĩ. ¿Rü texéxü̃ tá nixĩ i chamuü̃xü̃? Rü nüma ya Cori nixĩ i ínapoxü̃ãxü̃ i chorü maxü̃. ¿Rü texéxü̃ tá nixĩ i chamuü̃xü̃?

Ore i mexü̃ ga Matéu ümatüxü̃ 6:13

¡Rü toxna nadau nax tama chixexü̃gu tayixü̃ca̱x! ¡Rü naxme̱xwa toxü̃ ínanguxü̃xẽxẽ i ngẽma chixexü̃arü üruxü̃! Erü cuma rü guxü̃guma torü ãẽ̱xgacü quixĩ, rü guxü̃étüwa cungexma, rü cumecümaxü̃chi. Améü̃’.

Wiyaegü 62:11

Tupana rü wüxi i orexü̃ nixu, rü choma rü marü taxree̱xpü̱xcüna nüxü̃ chaxĩnü i ngẽma ore. Cuma, Pa Corix, rü cupora rü aixcüma toxü̃ cungechaü̃. Rü yíxema mexü̃ ügüxe rü cuma rü tá tüxna cunaxã i ngẽma natanü i tüxna üxü̃. Natürü yíxema chixexü̃ ügüxe rü tá tanayaxu i ngẽma poxcu i tüxna üxü̃.

Wiyaegü 46:7

Rü nüma ya Cori ya Tupana ya Guxãétüwa Ngẽxmacü rü tatanüwa nangẽxma. Rü yimá Acóbuarü Tupana nixĩ ya tórü poxü̃ruxü̃ ixĩcü.

Wiyaegü 46:1

Nüma ya Tupana rü tórü poxü̃ruxü̃ nixĩ rü tórü poraxẽẽruxü̃ nixĩ. Rü nüma rü tüxü̃ narüngü̃xẽxẽ ega guxchaxü̃ taxca̱x ínguxgux.

Wiyaegü 20:1

¡Cori ya Tupana cuxü̃ ĩnü, Pa Ãẽ̱xgacüx, ngẽxguma guxchaxü̃wa cungexmagu! ¡Rü yimá Acóbuarü Tupana cuxü̃ ípoxü̃ nüxna i curü uanü!

Wiyaegü 2:4

Natürü nüma ya Cori ya Tupana ya daxũguxü̃ i naanewa ãẽ̱xgacü ixĩcü rü nüxü̃ nacugümare.