Wiyaegü 59:3 - Tupanaarü Ore

³ Erü nangẽxma i yatügü i máxwa̱xegüxü̃ i naxca̱x daugüxü̃ nax ñuxãcü tá choxü̃ yama̱xgüxü̃. Ngẽma duü̃xü̃gü i tama ngechaxü̃wa̱xegüxü̃ rü nagu narüxĩnüe nax ñuxãcü tá choxü̃ yama̱xgüxü̃ woo taxuxü̃ma i chixexü̃ chaxü̱xgu rü bai i ta̱xacürü pecadu chaxü̱xgu.

Wiyaegü 59:3 Referans Kwoze

Wiyaegü 56:6

Rü nümagü rü nügümaxã nangutaque̱xegü nax nagu naxĩnüexü̃ nax ñuxãcü tá choxü̃ yama̱xgüxü̃. Rü choxü̃ ínicu̱xéxü̃gü. Rü ngexta íchaxũxü̃wa choxü̃ nangugügü nax choxü̃ yama̱xgüxü̃ca̱x.

Wiyaegü 69:4

Rü ngẽma natüca̱xma chauxchi aiexü̃ rü chauyaexü̃ narümumae. Rü nimuetanü i ngẽma chomaxã rüxuanüã̱xgüxü̃ i choxü̃ ima̱xgüchaü̃xü̃. Rü nüma nüxü̃ nixugüe nax changĩ́xü̃ woo taxuca̱xma changi̱xgu. ¿Rü ta̱xacü chi chataeguxẽxẽxü̃ ega tama changi̱xgu?

1 Chamué 24:11

¡Rü dücax, mea nuxã nadawenü, Pa Ãẽ̱xgacüx, i ñaa cho̱xme̱xwa ngẽxmaxü̃! ¿Tama ẽ̱xna curü gáuxü̃chirutüchi yixĩxü̃ i ñaa? Rü ngẽmawa nüxü̃ cucua̱x nax marü chi cuxü̃ nax chimáxü̃. Rü ngẽmawa nüxü̃ cucua̱x, Pa Ãẽ̱xgacüx, nax taxuxü̃ma i chixexü̃ cumaxã chaxüxchaü̃xü̃, rü tama chanaxwa̱xexü̃ nax chacuechitaexü̃ rü bai i ñuxgu ta̱xacürü chixexü̃ cumaxã chaxüxü̃. Natürü i cumax, Pa Ãẽ̱xgacüx, rü chowe quingechigü nax choxü̃ quimáxü̃ca̱x.

Ucu̱xẽgüchiga 12:6

Rü ngẽma norü ore i ngẽma duü̃xü̃ i chixexü̃gu maxü̃xü̃ rü yuwa nanaga, natürü ngẽma norü ore ya yimá yatü ya mexü̃gu rüxĩnücü rü maxü̃wa nanaga.

Ore i mexü̃ ga Cuáü̃ ümatüxü̃ 15:25

Natürü ngẽma nangupetü nax yanguxü̃ca̱x i ngẽma ore i norü mugüpanegu ümatüxü̃ i ñaxü̃: “Chauxchi naxaie woo taxuxü̃ma i chixexü̃ chaxüxgu”, ñaxü̃.

Miquéa 7:2

Rü ñoma i naanewa rü marü nataxuma i duü̃xü̃gü i mexü̃gu rüxĩnüexü̃ rü Tupanamaxã ixaixcümagüxü̃. Rü wüxichigü rü naxca̱x nadau nax ñuxãcü guxchaxü̃ togueca̱x naxüxü̃. Rü ngẽxguma guxchaxü̃ ngẽxmagu, rü guxü̃ma rü ínamemare nax nügü nada̱i̱xü̃.

Ngechuchuarü ngúexü̃gü ga yamugüxü̃arü puracüchiga 23:21

¡Natürü taxũtáma nüxü̃́ cuyaxõ! Erü 40 arü yexera i yatügü rü marü nügümaxã inaxunetagü, rü ñanagürügü: “Tachixexü̃gugü tá ega ta̱xacü ingõ̱xgügu rüe̱xna ixaxegügu naxü̃pa nax yamáxü̃ i Pauru”, ñanagürügü. Rü ñu̱xma rü marü ínamemaregü nax namagu nana̱i̱xgüaxü̃, rü curü orexicatama nixĩ i ñu̱xma ínangu̱xuxẽẽgüxü̃ —ñanagürü.

Wiyaegü 38:12

Rü ngẽma choxü̃ ima̱xgüchaü̃xü̃ rü chope̱xegu nananu i norü yütagü. Rü ngẽma choxü̃ chixexẽẽgüchaü̃xü̃ rü nügümaxã nagu narüxĩnüe nax ñuxãcü tá chixexü̃gu choxü̃ nanguxẽẽgüxü̃. Rü guxü̃ i oragu rü chauchiga doraxü̃ nixugü.

Wiyaegü 2:2

Rü ñoma i naanecüã̱x i nachixü̃anegüarü ãẽ̱xgacügü rü Tupanamaxã rü yimá ãẽ̱xgacü ya nüma yangucuchixẽẽcümaxã nanue, rü wüxigu nagu narüxĩnüe nax ñuxãcü yimáxü̃ ínata̱xüchigüxü̃.

1 Chamué 26:18

¿Natürü tü̱xcüü̃ chowe quingechigü Pa Ãẽ̱xgacüx, i choma nax curü duü̃xü̃ chixĩxü̃? ¿Rü ta̱xacü chaxü? ¿Rü ta̱xacürü chixexü̃ cumaxã chaxü?

1 Chamué 24:17

Rü ñu̱xũchi ñanagürü: —Ngẽma cuma nüxü̃ quixuxü̃ nixĩ i aixcüma ixĩxü̃. Erü cuma rü mexü̃ choxü̃ cudauxẽxẽ woo nax chixexü̃ cumaxã chaxüxü̃ i chomax.

1 Chamué 19:1

Rü nüma ga Chaú rü nane ga Yonatáü̃xü̃ rü guxü̃ma ga norü churaragüxü̃ namu ga Dabíxü̃ nax yama̱xgüxü̃ca̱x. Natürü nüma ga Yonatáü̃ rü poraãcü Dabíxü̃ nangechaü̃.

Ucu̱xẽgüchiga 24:15

¡Taxṹ i nagu curüxĩnüxü̃ nax tüxü̃ quitoxyepe̱xexü̃ ya yíxema mexü̃gu maxü̃́xẽ! Rü tama name nax guxchaxü̃ nawa cuxüxü̃ ya tümapata.