Wiyaegü 59:2 - Tupanaarü Ore

² ¡Nüxna choxü̃ ínanguxuchixẽxẽ i ngẽma chixexü̃ ügüxü̃! ¡Rü choxü̃ ínapoxü̃ nüxna i ngẽma máetagüxü̃!

Wiyaegü 59:2 Referans Kwoze

Wiyaegü 139:19

¡Pa Tupanax, nüxna nayaxu i norü maxü̃ i ngẽma chixexü̃ ügüxü̃! ¡Rü choxna yaxĩgachixẽxẽ i ngẽma máetagüxü̃ i chixexü̃maxã cuchigagu idexagüxü̃ rü natüca̱xma cumaxã nuexü̃!

Wiyaegü 26:9

Rü tama chanaxwa̱xe i choxü̃ quima̱x wüxigu namaxã i ngẽma pecaduã̱xgüxü̃. Rü tama chanaxwa̱xe i ngẽma máetagüxü̃rüxü̃ chomaxã quixĩ.

Wiyaegü 55:23

Cumax, Pa Chorü Tupanax, rü tá icuyanaxoxẽxẽ i ngẽma chixexü̃ ügüxü̃ rü yumaxã tá cunapoxcue, rü naxmaxü̃gu tá cunawocu. Rü ngẽma duü̃xü̃gü i máxwa̱xegüxü̃ rü idorata̱a̱xgüxü̃ rü taxũtáma ngãxü̃ i norü maxü̃wa nangugü nax namaxẽxü̃. Natürü i choma rü cuxü̃́ chayaxõ.

Wiyaegü 27:2

Rü ngẽma chixexü̃gü i chorü uanügü rü cha̱u̱xca̱x nibuxmü nax choxü̃ yama̱xgüxü̃ca̱x. Natürü nüxchiama tá guxchaxü̃gu nayi.

Wiyaegü 7:2

Rü ngẽxguma tama choxü̃ ícupoxü̃gu rü chorü uanügü rü ñoma leóü̃gü i chaugu wagüexü̃rüxü̃ tá nixĩgü. Rü tataxuma ya texé ya nüxna choxü̃ ípoxü̃xẽ.

Wiyaegü 94:16

¿Rü texé tá choxü̃ ítapoxü̃ nüxna i ngẽma chixexü̃gu maxẽxü̃ rü ngẽma chixexü̃arü üruü̃gü?