Wiyaegü 59:16 - Tupanaarü Ore

¹⁶ Natürü i chomax rü pa̱xmama tá cuxca̱x chawiyae. Rü ngẽma chorü wiyaewa rü tá nüxü̃ chixu nax cuporaxü̃ rü cuxü̃́ tangechaü̃tümüxü̃güxü̃. Erü cuma rü chorü dauruxü̃ quixĩ rü cuxü̃tagu nixĩ i chaugü charücúxü̃ i ngẽxguma ãũcümaxü̃wa changexmagu.

Wiyaegü 59:16 Referans Kwoze

Wiyaegü 21:13

¡Rü ẽcü inawe̱x i curü pora, Pa Cori Pa Tupanax! Rü toma rü wiyaegümaxã tá cuxü̃ ticua̱xüxü̃gü rü tá tanaxüchiga i curü pora.

Efesios 3:20

Rü ñu̱xma rü name nax nüxü̃ icua̱xüü̃güxü̃ ya Tupana. Erü nüma rü nüxü̃́ nangẽxma i pora nax tüxna naxããxü̃ i ngẽma naxca̱x íicaxü̃arü yexeraxüchi rü ngẽma nagu rüxĩnüexü̃arü yexeraxüchi. Rü ngẽma norü pora i tawa ngẽxmaxü̃maxã nixĩ i naxüaxü̃ i guxü̃ma i ngẽma.

Romanos 15:9

Rü yexgumarüxü̃ ta ga Cristu rü núma naxũ naxca̱x i ngẽma duü̃xü̃gü i tama Yudíugü ixĩgüxü̃ nax nümagü rü ta Tupanaxü̃ yacua̱xüü̃güxü̃ca̱x naxca̱x nax nüxü̃́ nangechaü̃tümüxü̃güxü̃. Rü yemachiga nixĩ ga yema Tupanaarü ore ga Dabí ümatüxü̃ ga ñaxü̃: “Rü ngẽmaca̱x guxü̃ i nachixü̃anecüã̱x i duü̃xü̃güpe̱xewa tá cuxü̃ chicua̱xüxü̃. Rü chorü wiyaemaxã rü tá cuégaxü̃ chicua̱xüxü̃”, ñaxü̃.

Wiyaegü 30:5

Erü ngẽma norü nu rü paxaãchimare nixĩ, natürü ngẽma norü ngü̃xẽxẽ rü taguma inayagu̱x. Rü woo chütacü ixauxegu, natürü moxü̃ãcü rü taãẽãcü tingunexü̃gü.

Wiyaegü 143:8

¡Rü pa̱xmama choxü̃ nawe̱x nax poraãcü choxü̃ cungechaxü̃xü̃! Erü cuxü̃́ nixĩ i chayaxõxü̃. ¡Rü choxü̃ nüxü̃ nacua̱xẽxẽ nax ñuxãcü cunaxwa̱xexü̃ nax cupe̱xewa chamaxü̃xü̃! Erü cumaxã nixĩ i nüxü̃ chixuxü̃ i ngẽma chorü ngúchaü̃.

Wiyaegü 138:7

Rü ngẽxguma ãũcümaxü̃wa changexmagu, rü cuma rü choxü̃ ícupoxü̃ nax tama choxü̃ yama̱xgüxü̃ca̱x. Rü icunawe̱x i curü pora rü choxü̃ ícunguxuchixẽxẽ naxme̱xwa i chorü uanügü i chomaxã nuexü̃.

2 Corintios 1:10

Rü Tupana rü toxü̃ ínanguxü̃xẽxẽ nawa ga yema guxchaxü̃ ga yuwa toxü̃ gagüchaü̃xü̃. Rü ngẽxgumarüxü̃ tá ta toxü̃ ínanguxü̃xẽxẽ nawa i ñaa taxü̃ i guxchaxü̃ i ñu̱xma toxü̃́ ngẽxmaxü̃. Rü aixcüma tayaxõgü nax nüma rü guxü̃gutáma ngẽmaãcü toxü̃ nangü̃xẽẽxü̃.

Wiyaegü 101:1

Pa Cori Pa Tupanax, chorü wiyaemaxã cuxü̃ chicua̱xüxü̃ naxca̱x nax toxü̃ cungechaxü̃xü̃ rü tomaxã mea icucuáxü̃.

Popera ga Yudíugü ga yaxõgüxü̃ca̱x ümatüxü̃ 5:7

Rü yexguma Cristu ñoma ga naanewa maxü̃gu, rü poraãcü nayumüxẽ rü tagaãcü rü naxauxãcü Tupanana naca nax nüxü̃ nangü̃xẽẽxü̃ca̱x nax naga naxĩnüxü̃ca̱x, yerü Tupana rü naporachire̱x nax nawa ínanguxuchixẽẽãxü̃ca̱x ga yema yu. Rü Tupana rü Cristuxü̃ naxĩnü yerü Tupanaga naxĩnü.

Wiyaegü 145:11

Rü tá nüxü̃ nixugügü nax cuma rü aixcüma ãẽ̱xgacü ya üünecü quixĩxü̃ rü aixcüma namexẽchixü̃ i ngẽma curü puracü i curü poramaxã cuxüxü̃.

Wiyaegü 36:5

Natürü i ngẽma curü ngechaü̃, Pa Cori Pa Tupanax, rü daxũguxü̃ i naanewa nangu. Rü ngẽma nax quixaixcümaxü̃ rü ya̱u̱xtüweanexü̃arü yexerawa nangu.

Wiyaegü 31:7

Rü choma rü chataãẽxüchi erü choxü̃ cungechaü̃ rü chomaxã cumecüma. Erü cuma nüxü̃ cudau nax chanaxĩ̱xãchiãẽxü̃ rü nüxü̃ cucua̱x nax ngechaü̃ chingexü̃.

Wiyaegü 4:1

Pa Chorü Poxü̃ruxü̃, Pa Tupanax, ¡choxü̃ nangãxü̃ ega cuxna chacaxgu! Rü ngẽxguma ngúxü̃ chingexgu, rü cuma nixĩ i choxü̃ cutaãẽxẽẽxü̃. Rü cuxü̃́ changechaü̃tümüxü̃ rü ¡choxü̃́ nüxü̃ naxĩnü i chorü yumüxẽ!

Yox 37:23

Rü tama nüxü̃ tacua̱x i norü ĩnü ya yimá Guxü̃étüwa Ngẽxmacü ya Tupana. Erü nüma rü guxü̃arü yexera naporaxüchi rü nixaixcüma. Rü norü ĩnü rü meama niwe̱x, rü taguma chixri texémaxã inacua̱x.

Yeremía 30:7

Rü marü ningaica i ngẽma ngunexü̃ i ãũcümaxü̃chixü̃ i taguma nüxü̃ idauxü̃. Rü ngẽma ngunexü̃gu rü poraãcü tá ngúxü̃ ningẽgü i Iraétanüxü̃ i Acóbutanüxü̃ ixĩgüxü̃. Natürü i choma rü tá ngẽma ngúxü̃wa íchananguxü̃xẽxẽ.

Wiyaegü 89:1

Pa Corix, guxü̃gutáma chorü wiyaewa nüxü̃ chixu nax cuma rü cumecümaxü̃chixü̃. Rü guxü̃gutáma duü̃xü̃gümaxã nüxü̃ chixu nax cuma rü aixcümacü quixĩxü̃.

Wiyaegü 88:13

Natürü i chomax, Pa Corix, rü cuxna nixĩ i chaca̱xaxü̃, rü guxü̃guma i pa̱xmama rü cumaxã nixĩ i chayumüxẽxü̃

Wiyaegü 77:2

Rü ngẽma ngunexü̃ i guxchaxü̃wa changexmagu rü Tupanaca̱x chadau. Rü taguma nüxü̃ charüchau nax chaxunagüme̱xẽãcüma chütacü chayumüxẽxü̃. Natürü woo ngẽmaãcü chayumüxẽgu rü taguma chataãxẽ.

Wiyaegü 46:1

Nüma ya Tupana rü tórü poxü̃ruxü̃ nixĩ rü tórü poraxẽẽruxü̃ nixĩ. Rü nüma rü tüxü̃ narüngü̃xẽxẽ ega guxchaxü̃ taxca̱x ínguxgux.

1 Chamué 17:37

Rü gumá Cori ya Tupana ga leóü̃na rü osu i düraxü̃na choxü̃ ípoxü̃cü, rü yimátátama nixĩ i ñaa Firitéume̱xẽwa choxü̃ ípoxü̃cü —ñanagürü. Rü yexguma ga Chaú nanangãxü̃ rü ñanagürü: —¡Ẽcü ngéma naxũ rü Cori ya Tupana cuxü̃ íxümücü! —ñanagürü.

Wiyaegü 5:3

Rü ẽxü̃wa noxri yangóonegu rü tá nüxü̃ cuxĩnü i chorü yumüxẽ. Rü pa̱xmama tá cumaxã nüxü̃ chixu i ngẽma cuxna naxca̱x chaca̱xaxü̃. Rü íchanangu̱xẽxẽ nax choxü̃ cungãxü̃xü̃.

Wiyaegü 106:8

Natürü nüma ga Tupana rü Equítuanecüã̱xarü ãẽ̱xgacüme̱xẽwa ínananguxü̃xẽẽama yerü taxucürüwama inayanaxoxẽxẽ ga norü uneta ga marü Abraáü̃maxã nüxü̃ yaxuxü̃.

Wiyaegü 86:13

Rü nataxüchi i curü ngechaü̃ i cha̱u̱xca̱x. Rü marü choxna cuyaxũgachixẽxẽ i ngẽma yu nax tama naxmaxü̃gu chixücuchixü̃ca̱x.

Ínachoxü̃xü̃chiga 15:6

Pa Cori ya Tupanax, cuma nixĩ i curü tügünechacüxü ya poranemaxã cunada̱i̱xü̃ i torü uanügü.

Yox 15:23

Rü ngẽma naxü̃ne rü ngurucugüwemü tá nixĩ. Rü nüma rü nüxü̃ nacua̱x nax taxucürüwa iyanaxoxü̃ nax nayuxü̃.