Wiyaegü 59:12 - Tupanaarü Ore

¹² Rü ngẽma duü̃xü̃gü i chixexü̃gu maxẽxü̃ rü norü ore i chixexü̃gagu, rü naberaarü dexagügagu, rü ngẽma nügü nax yacua̱xüü̃gügagu ¡rü napoxcue! ¡Rü norü ore i chixexü̃gagu rü norü doragügagu napoxcue!

Wiyaegü 59:12 Referans Kwoze

Ucu̱xẽgüchiga 12:13

Ngẽma duü̃xü̃ i chixexü̃gu maxü̃xü̃ rü norü doragutama nangu, natürü yimá yatü ya mexü̃gu rüxĩnücü, rü ngẽxguma guxchaxü̃ naxca̱x ínguxgu, rü na̱xcha̱xwa nixũgachi.

Ucu̱xẽgüchiga 18:7

Rü ngẽma tama naãẽxü̃ cuáxü̃, rü norü dexagütama nixĩ i chixexü̃gu nanguxẽẽxü̃, rü ngẽma naã̱xwa ixũxũxü̃ i dexamaxãtama ñoma nügü nawẽxnaxãxü̃rüxü̃ nixĩ.

Wiyaegü 10:7

Rü naã̱xwa ínaxũxũ i chixexü̃ i dexa, rü doraxü̃ nixu, rü naguxchigawa̱xe. Rü ngẽxguma yadexaxgu rü mexü̃ i oregu nayacu̱x i ngẽma chixexü̃ i nagu naxĩnüxü̃, rü ngẽmaãcü tüxü̃ nawomüxẽxẽ ya duẽxẽgü.

Ochéa 4:2

Rü tamuxũchi ya natüca̱xma Tupanaégagu ixunetaxe rü nataxüchi i dora, rü máeta, rü ngĩ̱x, rü namu i nai i ngexü̃maxã ipegüxü̃, rü nügü daixü̃, rü máetagüechaxü̃.

Wiyaegü 10:2

Erü ngẽma chixexü̃gu maxü̃xü̃ rü nügü írütaxü̃ rü norü numaxã tüxü̃ nachixewe ya yíxema taxucürüwa tügü ípoxü̃xẽ. Natürü nüma i ngẽma chixexü̃gu maxü̃xü̃ tátama nagu nangu ya yima yüta ya toguxeca̱x naxüxü̃ne.

Ore i mexü̃ ga Luca ümatüxü̃ 23:5

Natürü nümagü rü yexeraãcü Ngechuchuxü̃ nixugüeama, rü ñanagürügü: —Nüma rü guxü̃ma i Yudéaanewa rü norü ngu̱xẽẽtaemaxã nananuexẽxẽ i duü̃xü̃gü. Rü Gariréaanewa inanaxügü ga yemaacü nax duü̃xü̃güxü̃ nangúexẽẽxü̃, rü ngẽmaãcü nanaxü ñu̱xmata núma Yudéaanewa nangu —ñanagürügü.

Ore i mexü̃ ga Matéu ümatüxü̃ 27:63

Rü ñanagürügü nüxü̃: —Pa Corix, nüxna tacua̱xãchie ga yema yatü ga Ngechuchu ga idorata̱xáxü̃ rü yexguma namaxü̃gu rü ñanagürü tomaxã: “Ngẽxguma chayu̱xgu rü tomaepü̱x i ngunexü̃guwena rü wena táxarü ícharüda”, ñanagürü tomaxã.

Ore i mexü̃ ga Matéu ümatüxü̃ 27:25

Rü guxü̃ma ga yema duü̃xü̃gü nanangãxü̃gü, rü ñanagürügü: —Togagu rü toxocügügagu tá nixĩ i nayuxü̃ —ñanagürügü.

Chofonía 3:11

Rü ngẽma ngunexü̃gu, Pa Chorü Duü̃xü̃güx, rü taxũtáma naxca̱x pexãnee ga yema chixexü̃ ga noxri chope̱xewa pexügüxü̃ ga yexguma tama chauga pexĩnüegu. Erü choma rü tá Yerucharéü̃na chayaxĩgachitanüxẽxẽ i ngẽma nügü icua̱xüü̃güxü̃ rü nügü írütagüxü̃. Rü ngẽmaãcü tagutáma yima chorü ma̱xpǘne ya üünenewa nangẽxmagü i ngẽma ãẽ̱xgacügü i nügü írütagüxü̃.

Ucu̱xẽgüchiga 11:6

Ngẽma nacüma i mexü̃ rü ínananguxü̃xẽxẽ i ngẽma duü̃xü̃gü i mexü̃gu maxẽxü̃, natürü ngẽma nacüma nax togüarü ngẽmaxü̃gü tüxü̃́ ngúchaü̃xü̃, rü poxcuwa tüxü̃ naga.

Ucu̱xẽgüchiga 6:2

Rü ngẽxguma ngẽma cuxü̱xgu rü cugütama quitoxyepe̱xe, rü curü oregagutama nagu cungu i ngẽma guxchaxü̃.

Wiyaegü 79:12

Rü ngẽma nachixü̃anegü i cumaxã guxchigagüxü̃, Pa Cori Pa Tupanax ¡rü 7 e̱xpü̱xcüna napoxcue!

Yox 12:24

Rü ngẽma nachixü̃anemaxã icua̱xgüxü̃ rü nüxna nayaxu i norü cua̱x. Rü chianexü̃wa nu ne nanaxũxẽẽmare. Rü ngẽxguma ngextá naxũxgu rü nanadaueme̱xẽane ñoma naxca̱x naxẽanexü̃rüxü̃. Rü nichü̱xacüxü ñoma wüxi i ngãxü̃xü̃rüxü̃ —ñanagürü ga Yox.

Auxexü̃chiga 3:62

Rü cuma rü nüxü̃ cucua̱x nax guxü̃ma i oragügu chixri chauxchiga yadexagüechaxü̃ i chorü uanügü.

Echequié 12:16

Natürü tá íchayaxüxẽxẽ i ñuxre i Yerucharéü̃arü duü̃xü̃gü nax tama daigu nayuexü̃ca̱x, rü tama taiyamaxã, rü tama da̱xaweanegümaxã nayuexü̃ca̱x nax ngẽmaãcü ngẽma nachixü̃anegü i nawa nagagüxü̃wa nüxü̃ yacua̱xãchiexü̃ca̱x nax ngẽma norü chixexü̃gügagu yixĩxü̃ i napoxcuexü̃ rü ngẽmaãcü nüxü̃ nacua̱xgüxü̃ca̱x nax choma chixĩxü̃ ya Cori ya Tupana —ñanagürü.