Wiyaegü 53:6 - Tupanaarü Ore

⁶ Chierüx yima ma̱xpǘne ya Chióü̃wa ne naxũxgu ya Tupana ya Iraétanüxü̃arü poxü̃ruxü̃. Rü ngẽxguma Tupana nanawoeguxẽẽgu i norü duü̃xü̃gü, rü Acóbutaagü rü tá nataãẽgü rü guxü̃ma i Iraétanüxü̃ rü nataãẽgü.

Wiyaegü 53:6 Referans Kwoze

Wiyaegü 14:7

Chierüx Tupana ya ma̱xpǘne ya Chióü̃wa ngẽxmacü nua ũxgu nax norü uanügüme̱xẽwa ínanguxü̃xẽẽãxü̃ca̱x i norü duü̃xü̃gü i Iraétanüxü̃. Rü ngẽxguma nüma ya Cori ya Tupana ínanguxü̃xẽẽgu rü guxü̃ma i Acóbutaagü i Iraétanüxü̃ rü tá nataãxẽgü.

Yeremía 30:18

Rü Cori ya Tupana rü ñanagürü: —Choma rü tá nüxü̃ charüngü̃xẽẽxü̃ i guxü̃ma i Acóbutanüxü̃. Rü tá choxü̃́ nangechaxü̃tümüxü̃ i ngẽma nachixü̃ane. Rü yima norü ĩanegü i ñu̱xma nachitaxü̃xica íyaxügüne rü tá wena nachicawa tátama nimexẽẽgü. Rü yima ãẽ̱xgacüpatagü rü tá nachicagüwa tátama nimexẽẽgü.

Ichaía 12:6

¡Rü perü taãẽmaxã tagaãcü wáita pixüe, Pa Chióü̃cüã̱xgü! Erü Iraétanüxü̃arü Tupana rü nata rü naxüüne, rü petanüwa nangẽxma guxü̃ma i norü poramaxã —ñaperügügü tá.

Ichaía 14:32

¿Rü ta̱xacü rü oremaxã tá penangãxü̃ i ngẽma Firitéugüarü orearü ngeruü̃gü? ¡Rü namaxã nüxü̃ pixu nax Cori ya Tupana yixĩxü̃ i naxüxü̃ ya Chióü̃, rü nagu tá tayarücu̱xgü ya yíxema norü duü̃xẽgü ya ngúxü̃ ingegüxe! —ñanagürü.

Wiyaegü 85:1

Pa Corix, toma nax curü duü̃xü̃gü i Acóbutanüxü̃ nax tixĩgüxü̃ rü cuma rü poraãcü tomaxã cumecüma rü wenaxarü toxü̃ cutaãẽxẽxẽ.

Neemía 12:43

Rü yema ngunexü̃gu rü muxü̃ma ga ãmare Tupanaca̱x ínagugü. Rü poraãcü nataãẽgü ga duü̃xü̃gü yerü Tupana nixĩ ga nataãẽxẽẽgüxü̃. Rü ngexü̃gü rü buxü̃gü rü ta poraãcü nataãẽgü. Rü yema taãxẽ ga Yerucharéü̃wa naxügüxü̃ rü yáxü̃guma nüxü̃ taxĩnü.

Amúx 9:14

Rü choma rü tá wena nachixü̃aneca̱x chanawoeguxẽxẽ i ngẽma chorü duü̃xü̃gü i Iraétanüxü̃. Rü nümagü rü tá nayamexẽxẽ ya yima norü ĩanegü ga nagu nüxü̃́ napogüene rü yimawa tá namaxẽ. Rü tá norü úbanecü naxügü rü ngẽma úbatüxü̃ i bínuwa tá naxaxegü. Rü nanetümaxã tá natoegü rü ngẽmaarü o tá nangõ̱xgü.

Joel 3:1

Rü nüma ya Cori ya Tupana rü ñanagürü: —Rü ngẽxguma tá ínanguxgu i ngẽma ngunexü̃ rü tá chanawoeguxẽxẽ i ngẽma Yerucharéü̃cüã̱xgü rü Yudáanecüã̱xgü ga togü ga nachixü̃anegügu woonexü̃.

Yeremía 31:23

Rü Cori ya Guxãétüwa Ngẽxmacü ya Iraétanüxü̃arü Tupana rü ñanagürü: —Ngẽxguma chanawoeguxẽẽgu i ngẽma Yudátanüxü̃ nawa i ngẽma nachixü̃ane i ñu̱xma nawa muruü̃gü yaxĩgüxü̃, rü ngẽxguma wenaxarü ñaa naanewa rü norü ĩanegüwa nangẽxmagügu, rü ñanagürügü tá: “Pa Ma̱xpǘne ya Üünene ya Chióü̃x, ¡Tupana cuxü̃ rüngü̃xẽxẽ, erü cuwa nixĩ ya Tupana mea norü duü̃xü̃gümaxã inacuáxü̃!” ñanagürügü tá.

Wiyaegü 50:2

Rü nüma ya Tupana rü yima mexẽchine ya napata ya Chióü̃wa ngẽxmanewa norü üünemaxã nanangóonexẽxẽ.

Yox 42:10

Rü yexguma Yox namücügüca̱x yumüxẽguwena rü Tupana Yoxü̃ narüngü̃xẽxẽ. Rü yema noxri nüxü̃́ yexmaxü̃arü yexera nüxna nanaxã ga norü yemaxü̃gü.

Édra 3:11

Rü ñuxre ga nümagü rü nawiyaegü rü Tupanaxü̃ nicua̱xüü̃gü. Rü yema togü rü nanangãxü̃gü rü ñanagürügü: —¡Nüxna moxẽ pexã ya Cori ya Tupana erü nüma rü tamaxã namecüma rü ngẽma norü ngechaü̃ i taxca̱x rü taguma nagu̱x! —ñanagürügü. Rü guxü̃ma ga duü̃xü̃gü rü nataãẽgü, rü tagaãcü Cori ya Tupanaxü̃ nicua̱xüü̃gü, yerü marü inaxügü nax wena namexẽẽxü̃ ga Cori ya Tupanapata ga taxü̃ne.

Lebítanüxü̃arü puracüchiga 26:17

Rü choma rü tá pemaxã charüxuanü, rü perü uanügü rü tá pexü̃ narüporamae, rü tá pemaxã inacua̱x i ngẽma pexchi aiexü̃. Rü pema rü tá naxcha̱xwa pibuxmü woo taxuxü̃ma pewe ngẽgügu.

Lebítanüxü̃arü puracüchiga 26:36

Rü ñuxre i pema i perü uanügüanewa maxẽãcü ngẽxmagüxe, rü tá muü̃ pexca̱x íchanguxẽxẽ. Rü ngẽxguma wüxi i naixatü rünguxgu rü nagacha̱xwa tá pibuxmü, ñoma taramaxã pewe nangẽgüxü̃rüxü̃. Rü tá ipeyayi woo taxuxü̃ma pewe ngẽgügu.

Ucu̱xẽgüchiga 28:1

Ngẽma chixexü̃ üxü̃, rü niña ega woo taxúema nawe ingẽchigügu. Natürü ngẽma aixcüma mexü̃gu maxü̃xü̃ rü ñoma wüxi ya leóü̃rüxü̃ taxuca̱xma namuü̃.