Wiyaegü 53:5 - Tupanaarü Ore

⁵ Rü ngẽma duü̃xü̃gü rü muü̃maxã nidu̱xrue woo nataxuguma i ta̱xacüca̱x namuü̃exü̃. Yerü Tupana rü marü nanawoone ga naxchina̱xãgü ga yema curü uanügü ga cuxca̱x íyaxüãchixü̃. Rü cuma rü cunaxãneexẽxẽ ga yema uanügü, yerü Tupana rü marü nüxü̃ naxo.

Wiyaegü 53:5 Referans Kwoze

Ucu̱xẽgüchiga 28:1

Ngẽma chixexü̃ üxü̃, rü niña ega woo taxúema nawe ingẽchigügu. Natürü ngẽma aixcüma mexü̃gu maxü̃xü̃ rü ñoma wüxi ya leóü̃rüxü̃ taxuca̱xma namuü̃.

Lebítanüxü̃arü puracüchiga 26:36

Rü ñuxre i pema i perü uanügüanewa maxẽãcü ngẽxmagüxe, rü tá muü̃ pexca̱x íchanguxẽxẽ. Rü ngẽxguma wüxi i naixatü rünguxgu rü nagacha̱xwa tá pibuxmü, ñoma taramaxã pewe nangẽgüxü̃rüxü̃. Rü tá ipeyayi woo taxuxü̃ma pewe ngẽgügu.

Lebítanüxü̃arü puracüchiga 26:17

Rü choma rü tá pemaxã charüxuanü, rü perü uanügü rü tá pexü̃ narüporamae, rü tá pemaxã inacua̱x i ngẽma pexchi aiexü̃. Rü pema rü tá naxcha̱xwa pibuxmü woo taxuxü̃ma pewe ngẽgügu.

Echequié 6:5

Rü naxü̃negü i ngẽma Iraétanüxü̃ i yuexü̃ rü ngẽma naxchicüna̱xãgüpe̱xewa tá chayawogü. Rü yimá naxchina̱xãgü rü norü ãmarearü guruü̃gücüwagu tá chanawoone.

Yeremía 6:30

Rü ngẽmaca̱x “diẽrumüarü ãũãchixü̃gu”, tanaxüéga i ngẽma duü̃xü̃gü. Erü cumax, Pa Corix, rü marü nüxü̃ cuxo —ñachagürü.

Wiyaegü 141:7

Rü yima naxchina̱xãgü i ngẽma chixexü̃ ügüxü̃ rü naxmaxü̃xü̃tagu tá nawoone ñoma mairaxü̃ i aixmüanexü̃ ngẽxma woonexü̃rüxü̃.

1 Chamué 14:15

Rü guxü̃ma ga yema Firitéugüarü churaragü ga ínapegüxü̃wa yexmagüxü̃ rü yema napechinüwa yexmagüxü̃ rü poraãcü namuü̃e. Rü yexgumarüxü̃ ta poraãcü namuü̃e ga yema tomaepü̱x ga churaragüchimü ga tóxnamana ĩxü̃ rü yema churaragü ga daiwa ĩxü̃. Rü yexgumayane rü naxĩã̱xãchiane rü yemaca̱x yexeraãcü namuü̃e.

Wiyaegü 40:14

Rü ngẽxgumarüxü̃ ta, Pa Corix, rü chanaxwa̱xe i cunaxãneexẽxẽ i guxü̃ma i ngẽma choxü̃ ima̱xgüchaü̃xü̃. Rü name nax norü ãnemaxã cuyabuxmüxẽẽxü̃ i ngẽma choxü̃ cugüexü̃.

Wiyaegü 35:26

Rü ñu̱xma chanaxwa̱xe i ãne ningegü i ngẽma duü̃xü̃gü i taãẽgüxü̃ naxca̱x nax chixexü̃gu changuxü̃. Rü chanaxwa̱xe i guxü̃wama ãne ningegü i ngẽma nügü ixugüexü̃ nax choxü̃ nayexeragüxü̃.

Wiyaegü 35:4

¡Rü yabuxmüxẽxẽ i ngẽma choxü̃ ima̱xgüchaü̃xü̃! ¡Rü yabuxmüxẽxẽ rü naxãneexẽxẽ i ngẽma choxü̃ chixexẽẽgüchaü̃xü̃!

Wiyaegü 14:5

Rü ngẽma chixexü̃ ügüxü̃ rü muü̃maxã tá nidu̱xruxe. Natürü Tupana rü tümaxü̃tawa nangẽxma ya yíxema naga ĩnüexe.

Wiyaegü 2:4

Natürü nüma ya Cori ya Tupana ya daxũguxü̃ i naanewa ãẽ̱xgacü ixĩcü rü nüxü̃ nacugümare.

Auxexü̃chiga 2:6

Rü nüma ga Cori ya Tupana rü ñoma wüxi ga ngĩ́ta̱xaxü̃rüxü̃ nanachixexẽxẽ ga napata ga üünene. Rü nanachixexẽxẽ ga yema nachica ga duü̃xü̃gü nawa ngutaque̱xegüxü̃. Rü nüma rü Chióü̃cüã̱xgüxü̃ nüxü̃ narüngü̃maexẽxẽ ga norü petachigagü rü ñu̱xũchi ngü̃xchigaarü ngunexü̃gü. Rü norü numaxã nüxü̃ naxo ga yema Yudáanearü ãẽ̱xgacü rü gumá chacherdóte.

Yox 15:21

Rü nüxü̃ naxĩnü i nagagü i inaba̱i̱xgüxü̃. Rü ngẽxguma nagu naxĩnügu nax taxuxü̃ma i ãũcümaxü̃ nüxü̃́ ngẽxmaxü̃ rü ngĩ́ta̱xagüxü̃ naxca̱x ínayaxüãchi.

Yeremía 49:15

Pa Edóü̃x, cuma tá nixĩ i guxü̃ i nachixü̃anegütanüwa cuturaxü̃. Rü tá cuxü̃ nacugüe rü tá cuxchi naxaie i duü̃xü̃gü.