Wiyaegü 53:4 - Tupanaarü Ore

⁴ Rü ngẽma chixexü̃ ügüxü̃ rü nangeãẽgümare rü paxãma nanachixexẽxẽ i chorü duü̃xü̃gü. Rü ngẽma tama Tupanaga ĩnüexü̃ rü chorü duü̃xü̃güxü̃ inarüxoxẽẽgü ñoma paũ ingõ̱xgurüxü̃. Rü ngẽma duü̃xü̃gü rü taguma nayumüxẽgü nax Tupanaarü ngü̃xẽẽca̱x nadaugüxü̃ca̱x.

Wiyaegü 53:4 Referans Kwoze

Yeremía 4:22

Rü nüma ya Cori ya Tupana rü ñanagürü: —Ngẽma chorü duü̃xü̃gü rü tama naãẽxü̃ nicua̱x, rü tama choxü̃ nacua̱xgü. Rü ñoma nanegü i taxuwama imexü̃ rü tama nagu rüxĩnüexü̃rüxü̃ nixĩgü. Rü nüxü̃ nicua̱xüchi nax chixexü̃ naxügüxü̃, natürü tama nüxü̃ nacua̱xgü nax mexü̃ naxügüxü̃ —ñanagürü.

Yeremía 10:25

¡Ẽcü curü numaxã napoxcue i ngẽma duü̃xü̃gü i tama cuxü̃ cua̱xgüchaü̃xü̃ rü tama cuxü̃́ yaxõgüxü̃! Erü ngẽmagü nixĩ i Acóbutanüxü̃xü̃ daixü̃ rü noxtacüma iyanaxoxẽẽgüaxü̃. Rü ngẽmagü nixĩ i nachitaxü̃xica ngéma yaxǘgüxü̃ i ngẽma nachixü̃ane —ñanagürü.

Wiyaegü 27:2

Rü ngẽma chixexü̃gü i chorü uanügü rü cha̱u̱xca̱x nibuxmü nax choxü̃ yama̱xgüxü̃ca̱x. Natürü nüxchiama tá guxchaxü̃gu nayi.

Yema Cuáü̃ nüxü̃ dauxü̃ i yixcüra tá ngupetüxü̃chiga 17:16

Rü ngẽma 10 i naxchata̱xcu̱xre i nüxü̃ cudauxü̃ rü ngẽma ngo̱xo, rü wüxigu tá ngĩchi naxaie i ngẽma nge i naxü̃nemaxã taxexü̃. Rü tá ngĩxna nanapuxü̃ i guxü̃ma i ta̱xacü i ngĩxü̃́ ngẽxmaxü̃, rü ngẽmaãcü ngexchiruãcüma tá ngẽxma irüxã̱ũ̱x. Rü tá nanangõ̱xgü i ngĩmachi, rü üxüwa tá nayagugü i ngẽma íyaxüxü̃.

Ichaía 27:11

Rü ngẽma naixchacüxügü rü ngẽxguma yapagügu rü ngẽma ngexü̃gü rü norü üxüxü̃ nanade nax ngẽmamaxã naxãxü̃xü̃güxü̃ca̱x. Rü ngẽma duü̃xü̃gü rü nataxuma i norü cua̱x rü ngẽmaca̱x ya Tupana ya norü ngo̱xẽẽruxü̃ rü taxũtáma yáxna namaxã naxĩnü rü bai tá i namaxã yaxãũxãchixü̃.

Wiyaegü 94:8

Pa Duü̃xü̃gü i Ngeãxẽmaregüxü̃ rü Tama Peãxẽxü̃ Icuáxe ¿rü ñuxguxüratáta i peãẽxü̃ pecuáxü̃?