Wiyaegü 53:1 - Tupanaarü Ore

¹ Rü ngẽma duü̃xü̃gü i naechita maxẽmarexü̃ rü ñanagürügü: —Nataxuma ya Tupana —ñanagürügü. Rü ngẽma duü̃xü̃gü rü chixexü̃gu narüxĩnüe rü chixexü̃ naxügü. Rü tataxuma ya texé ya mexü̃ üxe, rü bai i wüxi.

Wiyaegü 53:1 Referans Kwoze

Wiyaegü 10:4

Rü ngẽma yatü i chixexü̃ rü nügü nicua̱xüxü̃ rü ñanagürü: —Nataxuma ya Tupana. Rü taxúetama choxna taca nachiga i ngẽma chaxüxü̃ —ñanagürü. Rü ngẽmaguxicatama narüxĩnü.

Romanos 1:28

Rü yema nax tama Tupanaxü̃ nacua̱xgüchaü̃xü̃, rü yemaca̱x ga nüma ga Tupana rü düxwa nanayexrü ga yema duü̃xü̃gü nax norü chixexü̃gu naxĩnüexü̃ca̱x rü naxügüã̱xü̃ca̱x ga yema chixexü̃.

Ore i mexü̃ ga Luca ümatüxü̃ 12:20

Natürü Tupana rü ñanagürü nüxü̃: “Pa Yatüx, cungeãẽmare i cumax erü ñoma i chütaxü̃gu tátama cuyu. Rü ngẽma curü ngẽmaxü̃gü i namaxã cunguxü̃xü̃, rü ¿texéarü tá nixĩ i ngẽxguma?” ñanagürü ga Tupana.

Nüxíraxü̃xü̃ ga popera ga ãẽ̱xgacügüchiga 14:24

Rü guxü̃ma ga yema nachixü̃anewa rü nügürüü̃tama yatüxü̃gü nügümaxã namaxẽ. Rü yemaacü nüxü̃ nicua̱xüü̃gü ga norü tupananetachicüna̱xãgü. Rü yemaacü yema duü̃xü̃gü ga Yudátanüxü̃ rü naxca̱x nadauxü̃taegü ga nacüma ga yema togü ga nachixü̃anegüarü duü̃xü̃gü ga tama Tupanaxü̃ cua̱xgüxü̃ ga nüma ga Cori ya Tupana Iraétanüxü̃pe̱xewa íwoxü̃xü̃.

Nüxíraxü̃xü̃ ga popera ga Pedru ümatüxü̃ 4:3

Ü̃pa ga pemax, rü mucüma ga taunecü nagu pemaxẽ i ngẽma chixexü̃ i ñu̱xma ngẽma duü̃xü̃gü i tama Tupanaxü̃ cua̱xgüxü̃ nagu maxẽxü̃. Rü yexguma ga pema rü pecadugu pemaxẽ, rü penaxü ga pexenearü ngúchaü̃, rü õnagü ga taxü̃ pexügü, rü petagü ga nawa pexãũgatanüxü̃ pexügü, rü pengãxẽ, rü tupananetachicüna̱xãgüxü̃ picua̱xüü̃gü.

Efesios 5:12

Erü ngẽma chixexü̃ i cúãcüma naxügüxü̃ i ngẽma yatügü rü ngexü̃gü, rü woo nachiga idexagümaregu rü wüxi i ãnexüchi nixĩ.

Ore i mexü̃ ga Matéu ümatüxü̃ 5:22

Natürü choma rü pemaxã nüxü̃ chixu rü texé ya tümaenexẽmaxã nuxẽ, rü tá tapoxcu. Rü texé ya chixexü̃ tümaenexẽmaxã ixugüxe, rü ãẽ̱xgacügüpe̱xewa tá tüxü̃ nagagü nax tüxü̃ napoxcuxü̃ca̱x. Rü texé ya tümaenexẽmaxã naxueguxe nax tayamáxchaü̃xü̃, rü tá tapoxcu nagu ya yimá üxü ya taguma ixoxü̃ne.

Wiyaegü 10:13

¿Rü tü̱xcüü̃, Pa Tupanax, cuxü̃ nacugü i ngẽma chixexü̃ i duü̃xü̃ i nagu rüxĩnüxü̃ rü tagutáma nüxna cuca nachiga i ngẽma chixexü̃ i naxüxü̃?

Wiyaegü 10:11

Rü ngẽma yatü i chixexü̃ rü nagu narüxĩnü nax nüma ya Tupana rü marü nüxü̃ yanangümaxü̃ rü nügü yadüxchiwexü̃ nax tama nüxü̃ nadauxü̃ca̱x i ngẽma chixexü̃ i naxüxü̃ i ngẽma duü̃xü̃.

Yox 14:4

Rü taxúema tümamaxã nanguxü̃ nax wüxi i chixexü̃wa tanayaxuxü̃ i ta̱xacü i mexü̃.

Nüxíraxü̃xü̃ ga popera ga ãẽ̱xgacügüchiga 12:26

Natürü ga nüma ga Yeruboáü̃ rü ñaxü̃gu narüxĩnü: —Ngẽxguma taũtáma chaxũãẽgu, rü ngürüãchi ngẽma Dabítanüxü̃ rü tá choxü̃ ínata̱xüchigü nax Iraéanecüã̱xarü ãẽ̱xgacü chixĩxü̃.

Wenaxarü naxümatü ga Tupanaarü mugü 12:31

Rü tama name nax ngẽma duü̃xü̃gü naxüxü̃rüxü̃ penaxü i ngẽxguma Cori ya Tupanaxü̃ picua̱xüü̃gügu. Erü nüma ya Cori ya Tupana rü nüxü̃́ nawa̱xtümüxü̃ i ngẽma chixexü̃ i naxügüxü̃ i ngẽma duü̃xü̃gü i ngẽxguma norü tupananetaxü̃gü yacua̱xüü̃gügu. Rü nümagü rü norü tupananetagüca̱x tüxü̃ nigu ga naxacügü.

Romanos 1:21

Yerü woo nüxü̃ nacua̱xgüchire̱x nax ñuxãcü yixĩxü̃ ga Tupana, natürü tama nanayauxgüchaü̃ nax norü Tupana yixĩxü̃ca̱x, rü bai nax moxẽ nüxna naxãgüxü̃. Natürü yema taxuwama mexü̃guama narüxĩnüe, rü yemaacü naechitamare namaxẽ rü yexeraãcü chixexü̃gu narüxĩnüe.

Echequié 16:51

Natürü yema chixexü̃ ga naxüxü̃ ga Chamária rü norü ĩanexacügü rü tama curü chixexü̃güarü ngãxü̃wa nangu. Rü cumax, Pa Yerucharéü̃x, rü guma ĩanegüarü yexera cunaxü ga taxü̃ ga chixexü̃ ga ãũãchixü̃. Rü ngẽmaca̱x ega nagu nanguxgu i ngẽma cuma cuxüxü̃ i chixexü̃gü rü ngẽma chixexü̃gü ga yima ĩanegü üxü̃ rü ñoma taxuxü̃ma i chixexü̃ naxügüxü̃rüxü̃ nixĩ ya yima ĩanegü.

Echequié 16:47

Rü cumax, Pa Yerucharéü̃x, rü guma ĩanegücümagügu quixũ, rü cunaxü ga yematama nacümagü ga chixexü̃. Natürü tama cuxü̃́ ningu ga yema chixexü̃ ga cuxüxü̃, rü yemaca̱x guma ĩanegüarü yexera chixexü̃ cuxü.

Wiyaegü 92:6

Rü ngẽma tama naãẽxü̃ icuáxü̃xicatama nixĩ i tama nüxü̃ cua̱xgüchaü̃xü̃ nax namexẽchixü̃ i curü puracü.

Wiyaegü 88:1

Pa Corix, Pa Chorü Tupanax, Pa Chorü Maxẽxẽruxü̃x, ngunecü rü chütacü rü cuxna chaca nax choxü̃ curüngü̃xẽẽxü̃ca̱x.