Wiyaegü 5:9 - Tupanaarü Ore

⁹ Erü ngẽma chorü uanügü rü taguma ñuxgu aixcümaxü̃ nixugü. Rü chixexü̃guxicatama narüxĩnüe. Rü ngẽma naã̱x rü ñoma wüxi i yuetamaxü̃ i ngenaxü̃rüxü̃ nixĩ. Rü yimá norü conü rü nidorata̱a̱x.

Wiyaegü 5:9 Referans Kwoze

Romanos 3:13

Rü tümaã̱x rü ñoma yuetamaxü̃ ingenaxü̃rüxü̃ nixĩ nax nawa ínaxũxũxü̃ i chixexü̃. Rü tümaarü conümaxã rü poraãcü tidorae. Rü ngẽma tümaarü dexa rü ñoma ãxtapeguchatarüxü̃ nixĩ nax togüxü̃ nachixexẽẽxü̃.

Wiyaegü 62:4

Rü ngẽma duü̃xü̃gü i chixexü̃ rü ngẽma nagu naxĩnüexü̃xicatama nixĩ nax choxü̃ ínata̱xüchigüxü̃. Rü ngẽma namaxã nataãẽgüxü̃ nixĩ i norü dora. Rü naã̱xmaxã choxü̃ nicua̱xüü̃gü, natürü norü ĩnüwa rü chomaxã naguxchigagü.

Miquéa 6:12

Rü ngẽma diẽruã̱xgüxü̃ i daa ĩanegu ãpatagüxü̃ rü poraãcü duẽxẽgüxü̃́ nangĩ́e. Rü guxü̃ma i daa ĩanewa maxẽxü̃ rü dorata̱xaxgüxü̃ rü womüxẽẽwa̱xegüxü̃ nixĩgü.

Ucu̱xẽgüchiga 29:5

Yíxema guxü̃guma tümamücüxü̃ icua̱xüxü̃netaxe rü ngẽmaãcü tümamücüxü̃ titoxyepe̱xe, rü guxchaxü̃ naxca̱x taxü.

Wiyaegü 51:6

Cuma rü nüxü̃ cungechaü̃ i ngẽma duü̃xü̃ i aixcüma nüxü̃ ixuxü̃ i norü pecadugü. Rü chauãẽwa cunanguxẽxẽ i cua̱x.

Ore i mexü̃ ga Luca ümatüxü̃ 11:44

Rü wüxi i ngechaü̃ nixĩ i pexca̱x, erü taxuwama peme. Rü ñoma yuetamaü̃gü i tama nüxü̃ idauxü̃ i duü̃xü̃gü naechitamare naétüwa chopetüxü̃rüxü̃ pixĩgü —ñanagürü ga Ngechuchu.

Wiyaegü 52:2

Rü yimá curü conü rü naxãũcüma ñoma wüxi i cüxchi i te̱xechixü̃rüxü̃. Erü yimá curü conü rü nidorata̱x rü chixexü̃ i orexü̃ nixu.

Yeremía 17:9

Rü nataxuma i ta̱xacü i duü̃xü̃ãẽrüxü̃ idorata̱xáxü̃ rü chixexü̃gu rüxĩnüxü̃. ¿Rü texé tá nüxü̃ cuáxü̃ i ngẽma nagu naxĩnüxü̃?

Yeremía 4:14

Pa Yerucharéü̃cüã̱xgü, ¡nüxü̃ perüxoe i ngẽma chixexü̃ i nagu pemaxẽxü̃! Rü ngẽxgumaxicatama tá nixĩ i nüxna ípenguxü̃xü̃ i ngẽma ãũcümaxü̃ i pexca̱x ínguxchaü̃xü̃. ¿Rü ñuxguxüra tá ta nixĩ i pegüna peyaxũgachixẽẽxü̃ i ngẽma chixexü̃ i ĩnügü i peãẽwa ngẽxmagüxü̃?

Wiyaegü 64:6

Rü nagu narüxĩnüe nax chixexü̃ naxügüxü̃, rü ñanagürügü: —Meama nagu tarüxĩnüe nax ñuxãcü tá tanaxü i ngẽma taxüxchaü̃xü̃ —ñanagürügü. Rü ngẽma nagü naxĩnüexü̃ i ngéma duü̃xü̃gü rü taxuwama name.

Wiyaegü 62:9

¿Rü ta̱xacüwa name i ngẽma nax nadiẽruã̱xgüxü̃ i duü̃xü̃gü rü ngẽma nax nangearü diẽruã̱xgüxü̃? Rü nümagü rü ngẽxguma chi wüxigu yáruü̃wa nangugügu, rü ñoma buanecürüxü̃ tama nayá.

1 Tesalonicenses 2:5

Rü pema nüxü̃ pecua̱x rü taguma pepe̱xewa pexü̃ ticua̱xüü̃gü nax toga pexĩnüexü̃ca̱x, rü taguma pexü̃ tawomüxẽẽgü nax ngĩxü̃ tayauxgüxü̃ca̱x ga perü diẽru. Rü Tupana nixĩ ya toxü̃ daucü nax aixcüma yixĩxü̃ i ngẽma nüxü̃ chixuxü̃.

Ore i mexü̃ ga Luca ümatüxü̃ 11:39

Natürü nüma ga Cori ga Ngechuchu rü ñanagürü nüxü̃: —Pema i Parichéugü rü ñoma pochíyu rü poratu i düxétüwaxicatama iyaxuxü̃rüxü̃ pixĩgü. Natürü perü ĩnüwa rü ngĩ̱xgu rü chixexü̃gu perüxĩnüe.

Édra 8:21

Rü yemawena rü chanaxunagü nax aureãcü tayumüxẽgüxü̃ natü ga Aabácutüwa nax Tupanamaxã nüxü̃ tixugüxü̃ca̱x ga torü chixexü̃gü, rü Tupanana naxca̱x taca̱xaxü̃ca̱x nax mea toxü̃ naxüpetüxü̃ca̱x i namawa, rü toxna rü toxocügüna nadauxü̃ca̱x wüxigu namaxã i guxü̃ma i torü ngẽmaxü̃gü i namaxã itaxĩxü̃.

Wiyaegü 27:11

Pa Corix ¡choxü̃ nawe̱x i cumaxü̃ rü chorü uanügücha̱xwa choxü̃ nüxü̃ nacua̱xẽxẽ i ngẽma nama i mexü̃ nax nagu chixũxü̃ca̱x!

Wiyaegü 69:19

Cuma rü meama nüxü̃ cucua̱x nax ñuxãcü chomaxã naguxchigagüxü̃ rü ãne choxü̃ yangexẽẽgüxü̃ rü choxü̃ nacugüexü̃. Rü cuma nüxü̃ cucua̱x nax texégü tixĩgüxü̃ ya yíxema chomaxã rüxuanügüxe.

Ichaía 26:7

Yíxema aixcüma Tupanape̱xewa mea maxẽ, rü tümacüma rü nawe̱xgu. Rü cumax, Pa Cori Pa Tupanax, rü tüxü̃ curüngü̃xẽxẽ nax yawéxü̃ca̱x i tümacüma.