Wiyaegü 5:8 - Tupanaarü Ore

⁸ Pa Corix ¡choxna nadau naxcha̱xwa i ngẽma chorü uanügü! ¡Rü curü namawaama choxü̃ naxũxẽxẽ!

Wiyaegü 5:8 Referans Kwoze

Wiyaegü 27:11

Pa Corix ¡choxü̃ nawe̱x i cumaxü̃ rü chorü uanügücha̱xwa choxü̃ nüxü̃ nacua̱xẽxẽ i ngẽma nama i mexü̃ nax nagu chixũxü̃ca̱x!

Wiyaegü 119:10

Rü ngẽmaca̱x i choma rü guxü̃ma i chorü maxü̃maxã cuxca̱x chadau. ¡Rü choxna nadau nax tama nüxna chixũgachixü̃ca̱x i curü mugü!

Wiyaegü 86:11

Pa Corix ¡choxü̃ nawe̱x i ngẽma cumaxü̃ nax aixcüma nagu chixũxü̃ca̱x! Rü chanaxwa̱xe i choxü̃́ cunangúchaü̃xẽxẽ nax cuxü̃ chicua̱xüü̃xü̃ca̱x.

Ucu̱xẽgüchiga 4:25

¡Mea cugüpe̱xeguama nadawenü, rü guxü̃guma mea nüxü̃ nadawenü i ngẽma cupe̱xewa ngẽxmaxü̃!

Wiyaegü 119:64

Pa Cori Pa Tupanax, ngẽma curü ngechaü̃ rü guxü̃wama nangu i ñoma i naanewa. ¡Rü choxü̃ nangu̱xẽxẽ i ngẽma curü mugü! -9-

Ore i mexü̃ ga Matéu ümatüxü̃ 3:3

Rü gumá Cuáü̃ ga báiü̃xẽẽruü̃chiga nixĩ ga naxümatüaxü̃ ga nũxcümaü̃cü ga Tupanaarü orearü uruxü̃ ga Ichaía ga yexguma ñaxgu: “Ínachianexü̃wa tá nangẽxma i wüxi i naga i ngéma tagaãcü ñaxü̃: ‘¡Corica̱x penamexẽxẽ̱x i nama naxü̃pa nax ínanguxü̃! ¡Rü naxca̱x ipeyanawe̱xãchixẽxẽ̱x i nama!’ ” ñaxü̃.

Wiyaegü 59:10

Rü cuma nixĩ i chorü Tupana ya choxü̃ ngechaü̃cü. Rü chope̱xegu tá quixũ nax choxü̃ nüxü̃ cudauxẽxẽxü̃ca̱x i ngẽxguma nüxü̃ choxü̃ curüporamaexẽxẽgu i ngẽma chomaxã rüxuanügüxü̃.

Wiyaegü 31:1

Pa Corix, Pa Tupanax, cuxü̃tagu nixĩ i chaugü charücúxü̃ nax choxü̃ ícupoxü̃xü̃ca̱x. ¡Rü taxṹ i choxü̃ cuxoxü̃ ega curü ngü̃xẽẽca̱x íchacaxgu! ¡Rü choxü̃ ínanguxuchixẽxẽ naxme̱xwa i chorü uanügü! Erü cuma rü Tupana ya ixaixcümacü quixĩ.

Popera ga Yudíugü ga yaxõgüxü̃ca̱x ümatüxü̃ 12:13

Rü name nixĩ i naxca̱x pedaugü i ngẽma maxü̃ i meama iwéxü̃ nax pema i ñu̱xma tama mea yaxõgüxe tama nüxna ípechocuxü̃ca̱x i ngẽma nama i mexü̃wa pexü̃ gagüxü̃.

Wiyaegü 54:5

Rü nüma ya Tupana rü tá naxca̱x nanatáeguxẽxẽ i ngẽma chixexü̃ i chorü uanügü chauxca̱x nagu rüxĩnüexü̃. Pa Tupanax, cuma rü aixcümacü quixĩ, rü ngẽmaca̱x chanaxwa̱xe nax icuyanaxoxẽẽxü̃ i ngẽma chorü uanügü.

2 Chamué 12:14

Natürü ngẽma chixexü̃ i cuxüxü̃gagu rü Tupanaarü uanügü rü nayoxnie nax chixri nachiga yadexagüxü̃. Rü ngẽmaca̱x ya yimá cune ya ngexwaca íxracü rü tá nayu —ñanagürü.

Wiyaegü 138:2

Rü yima cupata ya üünene íngexmaxü̃guama chadawenüãcüma tá ichacaxã́pü̱xü nax ngẽmaãcü moxẽ cuxna chaxãxü̃ca̱x naxca̱x i curü ngechaü̃ rü ngẽma nax aixcümacü quixĩxü̃. Erü cuma rü cugüégagu icuxuneta, rü aixcüma cuyanguxẽxẽ i guxü̃ma i ngẽma nüxü̃ quixuxü̃.

Yoná 2:5

Rü dexáarü ngãxü̃wa chayexma rü chauétü niñaxü̃chíüxüchi ga dexá. Rü yema norü mureru rü chaueruwa nayaxũ̱xgü.