Wiyaegü 5:7 - Tupanaarü Ore

⁷ Natürü i chomax rü ngẽma curü ngechaü̃gagu choxü̃́ natauxcha nax yima cupatagu chaxücuxü̃. Rü ngẽxguma cupata ya üünenewa changexmagu rü choxü̃́ natauxcha nax cupe̱xegu chanangü̃cuchixü̃ rü cuxü̃ changechaü̃ãcüma cuxü̃ chicua̱xüü̃xü̃.

Wiyaegü 5:7 Referans Kwoze

Wiyaegü 138:2

Rü yima cupata ya üünene íngexmaxü̃guama chadawenüãcüma tá ichacaxã́pü̱xü nax ngẽmaãcü moxẽ cuxna chaxãxü̃ca̱x naxca̱x i curü ngechaü̃ rü ngẽma nax aixcümacü quixĩxü̃. Erü cuma rü cugüégagu icuxuneta, rü aixcüma cuyanguxẽxẽ i guxü̃ma i ngẽma nüxü̃ quixuxü̃.

Wiyaegü 132:7

¡Rü ñu̱xma rü ngĩxã Tupanapatagu tachocu nax ngéma nape̱xewa nüxü̃ yarücua̱xüü̃güxü̃ca̱x!

Wiyaegü 69:13

Natürü i chomax, Pa Corix, rü chorü yumüxẽwa rü cuxna chacaama. Rü ngẽmaca̱x, Pa Chorü Tupanax, ngẽma choxü̃ nax cungechaü̃xü̃gagu ¡rü choxü̃ nangãxü̃! Rü cuma nax guxü̃guma choxü̃ curüngü̃xẽẽxü̃, rü chanaxwa̱xe i chauétüwa cuchogü.

Popera ga Yudíugü ga yaxõgüxü̃ca̱x ümatüxü̃ 4:16

Rü ñu̱xma nax tüxü̃́ nangẽxmaxü̃ ya tórü ngü̃xẽẽruxü̃ ya Ngechuchu, rü tüxü̃́ natauxcha nax tama imuü̃eãcüma nüxna ingaicamaxü̃ ya tórü Tupana ya tüxü̃ ngechaü̃cü nax ngẽmaãcü nüma nüxü̃́ ingechaü̃tümüxü̃güxü̃ca̱x rü tüxü̃ nangechaü̃ãcüma tüxü̃ nangü̃xẽẽxü̃ca̱x i ngẽxguma guxchaxü̃gü taxca̱x ínguxgu.

Ichaía 55:7

Rü ngẽma duü̃xü̃ i chixecümaxü̃, rü name nixĩ i nüxü̃ narüxo i ngẽma nacüma i chixexü̃. Rü ngẽma duü̃xü̃ i chixexü̃gu rüxĩnüxü̃, rü name nixĩ i nüxü̃ narüxo i ngẽma chixexü̃ i nagu naxĩnüxü̃. ¡Rü Cori ya Tupanaca̱x pewoegu! Rü tá nüxü̃́ pengechaü̃tümüxü̃gü. ¡Rü naxca̱x pewoegu ya tórü Tupana! Erü nüma rü ínamemare nax pexü̃́ nüxü̃ nangümaxü̃ i perü chixexü̃gü.

Danié 6:10

Rü yexguma Danié nüxü̃ cua̱xgu nax nüma ga ãẽ̱xgacü rü marü nügü nagu nawǘégaxü̃ ga yema mu, rü napatawa naxũ rü nayawãxna ga norü ucapuarü beü̃tánagü ga Yerucharéü̃ íyexmaxü̃waama ügüxü̃. Rü wüxichigü ga ngunexü̃gu rü tomaepü̱xcüna inacaxã́pü̱xü nax Tupanana moxẽ naxãxü̃ca̱x rü namaxã yadexaxü̃ca̱x aixrügumarüü̃tama.

Yochué 24:15

Natürü ngẽxguma tama Cori ya Tupanawe perüxĩxchaü̃gu ¡rü ñu̱xmatama nüxü̃ pixu i ta̱xacürü tupanawe tá perüxĩxü̃, rüe̱xna ngẽma tupananetagü ga nũxcüma ga perü o̱xigü nüxü̃ icua̱xüü̃güxü̃ ga taxtü ga Eufrátecutüwa, rüe̱xna ngẽma norü tupananetagü i Amoréutanüxü̃ i ñaa naanegu ãchiü̃güxü̃! Natürü i chomax rü chauxacügü rü Cori ya Tupanawe tá nixĩ i tarüxĩxü̃ —ñanagürü ga Yochué.

Ngechuchuarü ngúexü̃gü ga yamugüxü̃arü puracüchiga 9:31

Rü yema yaxõgüxü̃ ga guxü̃ma ga Yudéaanewa, rü Gariréaanewa rü Chamáriaanewa rü taãẽwa nayexmagü, rü yexeraãcü nayaxõgüetanü. Rü Cori ya Tupanaga naxĩnüe rü nüxü̃ namuü̃e. Rü Tupanaãxẽ ya Üünecüarü ngü̃xẽẽmaxã nimuetanü.

Ochéa 3:5

Natürü ngẽmawena i nüma i Iraéanecüã̱xgü rü nachixü̃aneca̱x tá nawoegu rü tá Cori ya Tupanaga naxĩnüe. Rü tá Dabítaaca̱x nadaugü nax norü ãẽ̱xgacü yixĩxü̃ca̱x. Rü ngẽma ngunexü̃gü i nawa iyacua̱xgüxü̃gu rü Cori ya Tupanaca̱x tá naxĩ, rü nüxü̃ tá nicua̱xüü̃gü naxca̱x i guxü̃ma i norü ngü̃xẽẽgü ya Tupana tá nüxna ãxü̃.

Ichaía 64:11

Rü yima torü ngutaque̱xepataxü̃ ya mexẽchine rü üünene ga tonatügü cuxü̃ nawa icua̱xüü̃güne rü nixa. ¡Rü ngẽma cupataarü ngẽmaxü̃gü i toxü̃́ chu̱xuxü̃ rü nichixe!

Wiyaegü 69:16

Pa Corix ¡choxü̃ nangãxü̃! Erü cuma rü chomaxã cumecüma rü poraãcü choxü̃ cungechaü̃. Rü ngẽma nax choxü̃ cungẽchaü̃gagu ¡rü chauxca̱x nataegu!

Wiyaegü 55:16

Natürü i choma rü tá Tupanana chaca̱a̱ma, rü nüma ya Cori rü tá choxü̃ ínapoxü̃.

Wiyaegü 52:8

Natürü i choma rü ñoma wüxi i oribu i baxcaxü̃ i Tupanapataa̱xtügu toxü̃rüxü̃ chixĩ. Rü ngẽmaca̱x guxü̃gutáma norü ngechaü̃gu chayaxõ.

Wiyaegü 51:1

Pa Tupanax, ¡cuxü̃́ changechaü̃tümüxü̃, erü cuma rü cungechaü̃wa̱xe! ¡Rü curü ngechaü̃gagu choxü̃́ nüxü̃ irüngüma i chorü pecadugü!

Wiyaegü 28:2

¡Rü choxü̃ naxĩnü i ngẽxguma cupata íngexmaxü̃gu chawéxme̱xãcüma curü ngü̃xẽẽca̱x íchacaxgu!

Nüxíraxü̃xü̃ ga popera ga ãẽ̱xgacügüchiga 8:35

Rü ngẽxguma yapagüanegu rü taguma napuxgu nagagu nax chixexü̃ cupe̱xewa naxügüxü̃ i curü duü̃xü̃gü i Iraétanüxü̃, natürü ngẽxguma cuxca̱x nawoegugu rü daa cupatawa yayumüxẽgügu, rü cuxü̃ yacua̱xüü̃gügu, rü nüxü̃ naxoegu i norü chixexü̃gü i naxca̱x cupoxcuexü̃, ¡rü daxũguxü̃ i naanewa nüxü̃́ nüxü̃ naxĩnü i norü yumüxẽ rü nüxü̃́ nüxü̃ irüngüma i norü chixexü̃gü rü nangúexẽxẽ nax mexü̃ i nacümagu naxĩxü̃ca̱x rü napuxẽxẽ nagu i ñaa naane i torü o̱xigüna cuxãxü̃!

Wiyaegü 130:4

Natürü i cumax rü toxü̃́ nüxü̃ icurüngüma i ngẽma torü chixexü̃gü i cupe̱xewa taxüxü̃ nax ngẽmaãcü cuxü̃ ticua̱xüü̃güxü̃ca̱x.

Wiyaegü 34:17

Rü yíxema ixaixcümagüxe rü Cori ya Tupanaarü ngü̃xẽẽca̱x ítacagü, rü nüma rü nüxü̃ naxĩnü i tümaarü yumüxẽ rü guxü̃ma i tümaarü oegaãẽgüwa tüxü̃ ínanguxü̃xẽxẽ.

Wiyaegü 101:7

Rü ngẽma womüxẽẽwa̱xegüxü̃ rü tá nangechica i chopatawa. Rü taxuxü̃táma idorata̱xáxü̃ chauxü̃tawa nangẽxma.

Ucu̱xẽgüchiga 6:16

Nangexma i 6 rüe̱xna 7 i ngẽma Cori ya Tupana naxchi aixü̃.

Ucu̱xẽgüchiga 6:17

Rü ñaagü nixĩ: yima naxetü ya nügü icua̱xü̃ne, rü yimá conü ya idoreta̱xácü, rü yima naxme̱x ya tüxü̃ imáxe ya duü̃xẽ ya taxuxü̃ma i chixexü̃ ǘxe, rü ngẽma naãxẽ i chixexü̃gu rüxĩnüxü̃, rü yima nacutügü ya paxa ixüãchine nax chixexü̃ naxügüxü̃ca̱x, rü ngẽma poxü̃ruxü̃neta i dorata̱xáxü̃, rü ngẽma daica̱x dauxü̃ i naenexẽgümaxã.