Wiyaegü 5:5 - Tupanaarü Ore

⁵ Rü cupe̱xewa rü nangechica i ngẽma nügü icua̱xüü̃güxü̃. Rü cuma rü naxchi cuxai i ngẽma chixexü̃ ügüxü̃.

Wiyaegü 5:5 Referans Kwoze

Wiyaegü 11:5

Rü nüma ya Tupana rü nanangugü i ngẽma mexü̃ ügüxü̃ rü ngẽma chixexü̃ ügüxü̃, rü naxchi naxai i ngẽma ma̱xgu rüxĩnüexü̃.

Ochéa 9:15

Tupana rü ñanagürü: —Pemax, Pa Iraéanecüã̱xgüx, rü Guirigáwa nixĩ ga penaxüxü̃ ga naguxü̃raü̃xü̃ ga chixexü̃. Rü yéma nixĩ ga ichaxügüxü̃ nax pexchi chaxaixü̃. Rü ngẽma perü chixexü̃gagu rü tá pexü̃ íchawoxü̃ i chorü naanewa. Rü marü taxũtáma pexü̃ changechaü̃ erü guxü̃ma i perü ãẽ̱xgacügü rü tama chauga naxĩnüe.

Wiyaegü 1:5

Rü ngẽmaca̱x i ngẽma duü̃xü̃gü i chixexü̃gu maxẽxü̃ rü ngẽxguma Tupana nüxü̃ icagügu, rü taxumaxãtama nügü ínapoxü̃gü i ngẽxguma poxcu namaxã naxuegugu. Rü ngẽma chixexü̃gu maxẽxü̃ rü tá nangechica natanüwa i ngẽma duü̃xü̃gü i Tupanape̱xewa imexü̃.

Ore i mexü̃ ga Matéu ümatüxü̃ 25:41

Rü ñu̱xũchi i Ãẽ̱xgacü, rü ñanagürü tá nüxü̃ i ngẽma to̱xwewa ngẽxmagüxü̃: “¡Choxna pixĩgachi i pema i perü chixexü̃ca̱x poxcuexe! ¡Rü ngéma pexĩ nawa ya yimá üxü ya taguma ixoxü̃ne ya Tupana ímexẽẽ́ne naxca̱x i ngo̱xo i Chataná rü norü duü̃xü̃gü!

Lebítanüxü̃arü puracüchiga 20:23

Rü tama chanaxwa̱xe nax nacümagügu pexĩxü̃ i ngẽma duü̃xü̃gü i nüxíra nawa maxẽxü̃ i ngẽma naane i tá pepe̱xewa íchawoxü̃xü̃. Yerü nümagü rü nanaxügü ga guxü̃ma i ngẽma chixexü̃gü i pemaxã nüxü̃ chixuxü̃, rü yemaca̱x tama namaxã chapora ga yema duü̃xü̃gü.

Ucu̱xẽgüchiga 1:7

Norü ügü nax cua̱xwa inguxü̃, rü ngẽma nixĩ nax Tupanaga ixĩnüxü̃. Natürü ngẽma tama naãxẽxü̃ cuáxü̃, rü nüxü̃ naxo i ngẽma cua̱x rü ucu̱xẽ i mexü̃.

Abacú 1:13

Rü cumax, Pa Tupanax, nax aixcüma üünecü quixĩxü̃ rü tama yáxna namaxã cuxĩnü i ngẽma chixexü̃ rü tama namaxã cutaãxẽ i ngẽma duü̃xü̃gü i chixexü̃ ügüxü̃. ¿Rü ñuxũcürüwa i cunangexrü rü taxu ñacurügümare i ñu̱xma nax toxü̃ nada̱i̱xü̃ i ngẽma Cadéuanecüã̱xgü i torü yexera chixexü̃ ügüxü̃?

Ucu̱xẽgüchiga 8:5

Pa Ngextü̱xücügü i Tama Ũãẽgüxü̃ rü Peechitamare Maxẽxe, ¡naxca̱x pengúe nax pexuãẽgüxü̃ rü aixcüma peãẽxü̃ pecuáxü̃!

Ore i mexü̃ ga Matéu ümatüxü̃ 7:23

Natürü ngẽxguma i choma rü tá ñachagürü nüxü̃: ‘Taguma pexü̃ chacua̱x nax chorü duü̃xü̃gü pixĩgüxü̃. ¡Rü choxna pixĩgachi i pema i chixexü̃arü üruü̃gü!’ ñachagürü tá.

Chacaría 11:8

Rü wüxi ga tauemacügutama rü íchanawoxü̃ ga tomaepü̱x ga norü dauruü̃gü, yerü tama yáxna namaxã chaxĩnü, rü chauxchi naxaie.

Ngu̱xẽẽtaeruü̃arü ore 5:4

Rü ngẽxguma Tupanamaxã wüxi i uneta cuxü̱xgu, rü name i paxãma cuyanguxẽxẽ i ngẽma curü uneta. Erü nüma ya Tupana rü tama norü me nixĩ i ngẽma duü̃xü̃gü i naechitamare ixunetagüxü̃. Rü name i aixcüma cuyanguxẽxẽ i ngẽma curü uneta.

Ucu̱xẽgüchiga 1:22

Rü ngẽma cua̱x rü ñanagürü: —Pa Ngextü̱xücügü i Ngearü Cua̱xã́xü̃ rü Dauxcüraxü̃wa̱xegüxü̃ rü Naechitamare Maxẽxü̃x, rü ¿ñuxguratáta nüxü̃ perüxoexü̃ i pecüma i chixexü̃? Erü pema rü namaxã petaãxẽ i ngẽma chixexü̃ i nagu pemaxẽxü̃, rü nüxü̃ pexoe i ngẽma cua̱x i aixcüma mexü̃.

Wiyaegü 75:4

Rü choma ya Tupana rü ñachagürü nüxü̃ i ngẽma nügü icua̱xüü̃güxü̃ rü ngẽma chixexü̃ ügüxü̃: —¡Taxṹ i pegü íperütagüxü̃ rü pegü picua̱xüü̃güxü̃!

Wiyaegü 130:3

Pa Cori Pa Tupanax, ngẽxguma chi nüxü̃ cudawenügu i ngẽma chixexü̃gü i cupe̱xewa taxüxü̃ ¿rü texé chi cupe̱xewa tame?

Wiyaegü 94:8

Pa Duü̃xü̃gü i Ngeãxẽmaregüxü̃ rü Tama Peãxẽxü̃ Icuáxe ¿rü ñuxguxüratáta i peãẽxü̃ pecuáxü̃?

Wiyaegü 92:6

Rü ngẽma tama naãẽxü̃ icuáxü̃xicatama nixĩ i tama nüxü̃ cua̱xgüchaü̃xü̃ nax namexẽchixü̃ i curü puracü.

Wiyaegü 14:1

Rü ngẽma duü̃xü̃gü i naechitamare maxẽxü̃ rü nagu narüxĩnüe nax nataxuxü̃ ya Tupana. Rü guxü̃ma i ngẽma duü̃xü̃gü rü chixexü̃gu narüxĩnüe rü nanaxügü i ngẽma Tupanape̱xewa chixexü̃chixü̃. Rü bai i wüxi i mexü̃ üxü̃.

Wiyaegü 73:3

Yerü chixãũxãchi naxca̱x nax ñuxãcü namuarü ngẽmaxü̃ã̱xgüxü̃ i ngẽma duü̃xü̃gü i nügü icua̱xüü̃güxü̃ rü chixexü̃ ügüxü̃.

Wiyaegü 10:3

Rü ngẽma chixexü̃ i duü̃xü̃ rü norü ngẽmaxü̃gümaxã nügü nicua̱xüxü̃. Rü ngẽma duü̃xü̃ i nügüna nanuxũchixü̃ i diẽru, rü Cori ya Tupanaxü̃ naxo.

Ucu̱xẽgüchiga 15:9

Nüma ya Cori ya Tupana rü tama nacümamaxã nataãxẽ i ngẽma chixexü̃gu maxẽxü̃. Natürü tüxü̃ nangechaü̃ ya yíxema aixcüma mea nape̱xewa maxü̃́xẽ.