Wiyaegü 5:3 - Tupanaarü Ore

³ Rü ẽxü̃wa noxri yangóonegu rü tá nüxü̃ cuxĩnü i chorü yumüxẽ. Rü pa̱xmama tá cumaxã nüxü̃ chixu i ngẽma cuxna naxca̱x chaca̱xaxü̃. Rü íchanangu̱xẽxẽ nax choxü̃ cungãxü̃xü̃.

Wiyaegü 5:3 Referans Kwoze

Wiyaegü 119:147

Rü naxü̃pa nax yangunexü̃ rü ícharüda nax curü ngü̃xẽẽca̱x cuxna chaca̱xaxü̃ca̱x. Rü nagu chayaxõ i ngẽma curü uneta.

Wiyaegü 88:13

Natürü i chomax, Pa Corix, rü cuxna nixĩ i chaca̱xaxü̃, rü guxü̃guma i pa̱xmama rü cumaxã nixĩ i chayumüxẽxü̃

Ore i mexü̃ ga Márcu ümatüxü̃ 1:35

Rü ngunetüxü̃ ga tauta yangóonegu, rü inaxũãchi ga Ngechuchu. Rü ínaxũxũ ga ĩpatawa, rü wüxi ga nachica ga taxúema íxãpataxü̃wa naxũ nax yéma yayumüxẽxü̃ca̱x.

Wiyaegü 130:6

Choma rü ñoma dauxü̃taegüxü̃ i ngóonexü̃ ínangu̱xuxẽẽgüxü̃arü yexera cuxü̃ íchanangu̱xẽxẽ, Pa Cori Pa Tupanax. Rü Pa Iraéanecüã̱xgüx, rü ngẽma dauxü̃taegüxü̃ i ngóonexü̃ ínangu̱xuxẽẽgüxü̃rüxü̃ rü name nixĩ i ípenangu̱xẽxẽ i norü ngü̃xẽxẽ ya Cori ya Tupana. Erü nüma rü tüxü̃ nangechaü̃ rü tüxü̃ ínanguxü̃xẽxẽ naxme̱xwa i tórü uanügü.

Wiyaegü 55:17

Rü ẽxü̃wa rü tocuchigu rü chütacü rü Tupanaxü̃ chaca̱a̱xü̃, rü nüma rü choxü̃ naxĩnü rü choxü̃ nangãxü̃.

Ichaía 26:9

Chütacü rü guxü̃ma i chorü ngúchaü̃maxã cugu charüxĩnü. Rü aixcüma chorü maxü̃nemaxã cuxca̱x chadau. Rü ngẽxguma cuma ñoma i naanewa cuxũxgu nax nüxna cucaxü̃ca̱x i duü̃xü̃gü naxca̱x i norü maxü̃, rü ngẽxguma tá nixĩ i aixcüma nüxü̃ nacua̱xgüxü̃ i ta̱xacü nixĩ i ngẽma cupe̱xewa mexü̃.

Wiyaegü 69:16

Pa Corix ¡choxü̃ nangãxü̃! Erü cuma rü chomaxã cumecüma rü poraãcü choxü̃ cungechaü̃. Rü ngẽma nax choxü̃ cungẽchaü̃gagu ¡rü chauxca̱x nataegu!

Wiyaegü 22:2

Pa Chorü Tupanax, ngunecü cuxna chaca rü chütacü cuxna chaca rü tama choxü̃ cungãxü̃ rü düxwa chipamare.

Yox 34:28

Rü chixri tümamaxã inacua̱xgü ya yíxema ngearü diẽruã̱xgüxe. Rü ngẽmaca̱x nüma ya Tupana rü nüxü̃ naxĩnü nax aita taxüexü̃ rü ngü̃xẽẽca̱x ítacagüxü̃ ya yíxema ngearü diẽruã̱xgüxe.

Wiyaegü 44:5

Rü cugagu tá nixĩ i nüxü̃ tarüporamaegüxü̃ i torü uanügü. Rü cuégagu tá nüxü̃ tarüyexera i ngẽma toxü̃ daixchaü̃xü̃.

Wiyaegü 74:12

Rü nũxcümacürüwatama rü cuma nixĩ ga torü ãẽ̱xgacü quixĩxü̃. Rü ñoma i naanewa rü muxü̃ma ga ãẽ̱xgacügüxü̃ curüporamae.

Wiyaegü 84:4

Rü tataãẽgü ya yíxema cupatawa ngẽxmagüxe rü guxü̃guma cuxü̃ icua̱xüü̃güxe.

Wiyaegü 130:2

¡Rü choxü̃́ nüxü̃ naxĩnü i chorü yumüxẽ, Pa Cori Pa Tupanax, rü choxü̃ nangãxü̃ namaxã i ngẽma tagaãcü naxca̱x íchaca̱xaxü̃!

Wiyaegü 145:1

Rü choma rü tá cuxü̃ chixuchiga nax ñuxãcü nüxü̃ cucua̱xüchixü̃, Pa Tupana Pa Chorü Ãẽ̱xgacüx. Rü guxü̃gutáma cuxü̃ chicua̱xüxü̃.

Auxexü̃chiga 3:56

Rü cuma rü choxü̃ cuxĩnü i ngẽxguma cuxna chacaxgu rü choxü̃́ cunayaxu i chorü yumüxẽ.