Wiyaegü 5:10 - Tupanaarü Ore

¹⁰ Rü ngẽmaca̱x, Pa Tupanax, ¡napoxcue i ngẽma duü̃xü̃gü! ¡Rü ngẽma chixexü̃ i nümatama nagu naxĩnüexü̃gu nayixẽxẽ! ¡Rü norü muxü̃ i máetaxü̃gagu nüxü̃ naxo, erü cumaxã nixĩ i nanuexü̃!

Wiyaegü 5:10 Referans Kwoze

Ichaía 63:10

Natürü ga Iraétanüxü̃ rü tama Tupanaga naxĩnüe rü nananuxẽẽgü ga Naãxẽ ya Üünecü. Rü yemaca̱x ga nüma ga Tupana rü yema duü̃xü̃gümaxã narüxuanü rü namaxã nanaxunagü ga nax nadaiaxü̃.

2 Chamué 17:14

Rü yema Uchái i Aquítanüxü̃arü ĩnü rü Acharóü̃ca̱x rü ñu̱xũchi guxü̃ma i Iraétanüxü̃ca̱x rü Aitópearü ĩnüxü̃ narümemae. (Yerü nüma ga Cori ya Tupana rü yemaacü Aitópearü ĩnügu nayanachixexẽxẽ nax yemaacü Acharóü̃gu nanguxü̃ca̱x ga chixexü̃.)

1 Corintios 3:19

Erü ñoma i naanearü cua̱x rü Tupanaca̱x rü wüxi i ngeãẽmare nixĩ. Erü Tupanaarü ore i ümatüxü̃wa rü ñanagürü: “Ngẽma duü̃xü̃gü i nügügu rüxĩnüexü̃ nax norü cua̱xmaxã duü̃xü̃güxü̃ nawomüxẽẽxü̃, rü Tupana rü tá ngẽmatama norü womüxẽẽgu nanayixẽxẽ”, ñanagürü.

Wiyaegü 71:13

¡Rü naxãneexẽxẽ rü nadai i ngẽma chorü uanügü i choxü̃ imaxgüchaxü̃xü̃! ¡Rü duü̃xü̃güarü cugüruxü̃ yaxĩgüxẽxẽ i ngẽma naxwa̱xegüxü̃ nax chixexü̃gu changuxü̃!

Wiyaegü 31:18

Rü ngẽmaãcü tá narüchianegü i ngẽma duü̃xü̃gü i dorata̱a̱xgüxü̃ i cugüwa̱xegüxü̃ rü to̱xguã̱xü̃ oexü̃ rü tümamaxã guxchigawa̱xegüxü̃ ya yíxema mexẽ ya duü̃xẽgü.

2 Chamué 17:23

Rü yexguma Aitópe nüxü̃ cua̱xgu nax tama naxüaxü̃ ga yema nagu naxĩnüxü̃, rü nanaxüxmawe̱xe ga norü búru rü guma norü ĩane ga nagu nabuxü̃newa naxũ ga napatawa. Rü yexguma natanüxü̃maxã namexẽẽãgu ga guxü̃ma ga norü yemaxü̃güchiga, rü yemawena rü nügü nawẽxnaxã. Rü yemaacü nayu rü nanatü ítáxü̃gu nanata̱xgü.

2 Chamué 15:31

Rü yexguma Dabímaxã nüxü̃ yaxugüegu ga Aitópe rü Acharóü̃arü ĩnüwaama üxü̃, rü nüma ga Dabí rü Cori ya Tupanana naca nax nagu yanachixexẽẽãxü̃ca̱x ga yema Aitópe nagu rüxĩnüxü̃.

Ochéa 9:7

Pa Iraéanecüã̱xgüx, marü nawa nangu i ngẽma ngunexü̃gü nax Tupana pexü̃ napoxcuexü̃ naxca̱x i perü chixexü̃gü i taxüchixü̃. Rü pemax, Pa Iraéanecüã̱xgüx, rü tá nüxü̃ pecua̱x nax marü pexca̱x ínanguxü̃ i ngẽma perü poxcu. Pema rü ñaperügügü: “Ngẽma orearü uruxü̃ rü nangeãxẽmare, rü tama naãxẽxü̃ nacua̱x”, ñaperügügü. Natürü ngẽmaãcü pidexagü erü perü chixexü̃maxã penapagü rü poraãcü naxchi pexai ya yimá orearü uruxü̃.

Auxexü̃chiga 1:5

Rü ñu̱xma i norü duü̃xü̃gü rü norü uanügüme̱xẽwa nangẽxmagü. Rü yemaacü Cori ya Tupana nanapoxcu ga guma ĩane yerü norü duü̃xü̃gü rü poraãcü pecadu naxügü. Rü yemaca̱x ga norü uanügü rü to ga nachixü̃anewa nanagagü ga yema duü̃xü̃gü.

Wiyaegü 55:15

Rü ngẽma chorü uanügü rü chanaxwa̱xe i noxtacüma naxca̱x ínangu i ngẽma yu rü maxü̃ãcü naxmaxü̃gu nayicu. Erü nümagü rü guxü̃guma chixexü̃gu namaxẽ.

Wiyaegü 35:26

Rü ñu̱xma chanaxwa̱xe i ãne ningegü i ngẽma duü̃xü̃gü i taãẽgüxü̃ naxca̱x nax chixexü̃gu changuxü̃. Rü chanaxwa̱xe i guxü̃wama ãne ningegü i ngẽma nügü ixugüexü̃ nax choxü̃ nayexeragüxü̃.

Danié 9:9

Natürü i cumax, Pa Torü Tupanax, rü woetama cucüma nixĩ nax cumecümaxü̃ rü toxü̃́ nüxü̃ curüngü̃maxü̃ i torü chixexü̃. Rü ngẽmaca̱x cupe̱xewa tangugü erü toma rü poraãcü chixexü̃ taxü.

Danié 9:5

Rü toma rü poraãcü pecadu cupe̱xewa taxüe rü chixexü̃ taxüe. Rü tamaxẽmare rü tama cugu tarüxĩnüe. Rü nüxü̃ tarüxoe i curü mugü rü curü ucu̱xẽgü.

Ichaía 1:20

Natürü ngẽxguma taxũtáma penaxwa̱xegu nax chauga pexĩnüexü̃, rü daigu perü uanügüme̱xẽgu tá peyue —ñanagürü ga Tupana.

Ichaía 1:2

Pa Daxũguxü̃ i Naanecüã̱x rü Ñoma i Naanecüã̱x ¡rü iperüxĩnüe i ñaa Tupanaarü ore i ñaxü̃: —Yema chaunegü ga mea chayaexẽẽxü̃ rü ñu̱xma rü tama chauga naxĩnüe!

Wiyaegü 79:12

Rü ngẽma nachixü̃anegü i cumaxã guxchigagüxü̃, Pa Cori Pa Tupanax ¡rü 7 e̱xpü̱xcüna napoxcue!

Wiyaegü 66:7

Rü nüma ya Tupana rü guxü̃guma norü poramaxã ñoma i naanemaxã inacua̱x. Rü nüma rü naxetümaxã nüxü̃ nadau i guxü̃ma i nachixü̃anegü. Rü ngẽma tama naga ĩnüexü̃, rü tama name nax namaxã nanuexü̃.

Wiyaegü 17:13

Pa Corix ¡ẽcü inachi rü nüxna nayuxu rü nadai i ngẽma chorü uanügü! ¡Curü taramaxã choxü̃ ínapoxü̃ nüxna i ngẽma duü̃xü̃gü i chixexü̃ ügüxü̃, rü yabuxmüxẽxẽ!

Wiyaegü 10:15

¡Rü iyanaxoxẽxẽ i norü pora i ngẽma chixexü̃gü! ¡Rü nüxna naca nachiga i norü chixexü̃gü, rü bai tá i wüxi i nüxü̃ cuxüpetümarexü̃!

Ester 7:10

Rü nüma ga ãẽ̱xgacüarü duü̃xü̃gü rü yema nümatama ga Amáü̃ Maduquéuca̱x naxüxü̃ ga wẽxnaxãchicagu nanawẽxnaxãgü. Rü yexguma narüngüxmü ga ãẽ̱xgacü.

Norü taxre ga to ga popera ga ãẽ̱xgacügüchiga ümatüxü̃ 25:16

Rü yexguma yemaxü̃ iyaxuxgu ga gumá Tupanaarü orearü uruxü̃, rü nüma ga ãẽ̱xgacü ga Amachía rü nanangãxü̃ga rü ñanagürü nüxü̃: —¿Rü texé cuxü̃ taxuneta nax ãẽ̱xgacüarü ucu̱xẽruxü̃ quixĩxü̃ca̱x? ¡Marütama i ngẽma nüxü̃ quixuxü̃! ¡Ẽ̱xna cunaxwa̱xe nax cuxü̃ yama̱xgüxü̃! —ñanagürü. Rü nüma ga gumá Tupanaarü orearü uruxü̃ rü marü tama nüxü̃ nica̱a̱xü̃chigü. Natürü nüxü̃ ñanagürü: —Choma rü nüxü̃ chacua̱x nax Tupana rü marü cumaxã naxueguãxü̃ nax cuyuxü̃ nagagu i ñaa cuxüxü̃ rü ngẽma nax tama cunayauxchaü̃xü̃ i chorü ucu̱xẽ —ñanagürü.

1 Chamué 25:39

Rü yexguma Dabí nüxü̃ cua̱xgu nax marü nayuxü̃ ga Nabáx rü ñanagürü: —Name ya Tupana erü Nabáxü̃ napoxcu naxca̱x ga norü chixexü̃ ga chomaxã naxüxü̃. Rü moxẽ nüxna chaxã erü tama nanaxwa̱xe nax choma chayamáxü̃ —ñanagürü. Rü yemawena ga Dabí rü ĩane ga Carméxwa nanamugü ga ñuxre ga norü duü̃xü̃ nax Abigáimaxã nüxü̃ yanaxugüxü̃ca̱x nax ngĩmaxã naxãxma̱xchaü̃xü̃ ga nüma ga Dabí.

1 Chamué 25:29

Rü ngẽxguma curü uanü cuwe ingẽchigügu rü cuxü̃ yamáxchaü̃gu rü Cori ya Tupana tá cuxna nadau nax taxuxü̃táma cuxü̃ üpetüxü̃. Rü ngẽma curü uanügü rü Tupana tá yea nanawogü ñoma wüxi i nutaxacü i wüxi i maxgütaeruü̃maxã yea imaxü̃xü̃rüxü̃.

Wenaxarü naxümatü ga Tupanaarü mugü 2:30

Natürü gumá ãẽ̱xgacü ga Chióü̃ rü tama norü naanewa tüxü̃ nachopetüxẽẽchaü̃, yerü nüma ga Cori ya tórü Tupana rü naãxẽwa nananguxẽxẽ nax tüxna nachúxãxü̃ca̱x nax norü naanewa ichopetüxü̃. Rü yemaacü nanaxü ga tórü Cori ya Tupana yerü nanaxwa̱xe nax yemaacü pexme̱xgu nanguxü̃ca̱x ga yema Amoréutanüxü̃arü ãẽ̱xgacü. Rü ngẽmaãcü pexme̱xwa nangẽxma i ñu̱xmax.