Wiyaegü 5:1 - Tupanaarü Ore

^1-2 Pa Corix, Pa Chorü Ãẽ̱xgacüx, Pa Chorü Tupanax ¡choxü̃́ nüxü̃ naxĩnü i ñaa chorü dexa i cumaxã nüxü̃ chixuxü̃! ¡Rü choxü̃́ nayaxu i ñaa chorü yumüxẽ i auxãcüma cumaxã nüxü̃ chixuxü̃! ¡Rü nüxü̃ naxĩnü i ngẽma cuxna naxca̱x chaca̱xaxü̃! Erü cumaxã nixĩ i chidexaxü̃ i chorü yumüxẽwa.

Wiyaegü 5:1 Referans Kwoze

Wiyaegü 54:2

Pa Tupanax ¡choxü̃́ nüxü̃ naxĩnü i chorü yumüxẽ rü ẽcü irüxĩnü i chorü dexa!

Nüxíraxü̃xü̃ ga popera ga Pedru ümatüxü̃ 3:12

Erü nüma ya tórü Cori rü tüxna nadau ya yíxema aixcüma naga ĩnüexe, rü nüxü̃ naxĩnü i tümaarü yumüxẽ. Natürü tümamaxã nanu ya yíxema chixexü̃ ügüxe”, ñanagürü i Tupanaarü ore.

Wiyaegü 19:14

Rü chanaxwa̱xe i cunayaxu i ñaa chorü ore rü chorü ĩnügü, Pa Cori Pa Tupana ya chorü poxü̃ruxü̃ rü chorü nguxuchixẽẽruxü̃ nax quixĩxü̃.

Wiyaegü 64:1

Pa Cori Pa Tupanax ¡choxü̃́ nüxü̃ naxĩnü nax curü ngü̃xẽxẽca̱x íchaca̱xaxü̃! ¡Rü choxna nadau na̱xcha̱xwa i ngẽma uanügü i choxü̃ ima̱xgüchaü̃xü̃!

Romanos 8:26

Rü ngẽxgumarüxü̃ ta Tupanaãxẽ tüxü̃ narüngü̃xẽxẽ nax iporaexü̃ca̱x i ngẽxguma yarüturaegu nax ínangu̱xẽẽgüxü̃. Rü yixema rü tama nüxü̃ tacua̱x nax mea Tupanamaxã idexagüxü̃ rü ta̱xacüca̱x iyumüxẽgüxü̃. Natürü Naãxẽ ya Üünecü rü naxauxãcüma naga i tama nüxü̃ icuáxü̃maxã Tupanamaxã nidexa rü taxca̱x nayumüxẽ.

Wiyaegü 86:1

Pa Corix ¡choxü̃́ nüxü̃ naxĩnü i chorü yumüxẽ! Erü poraãcü ngúxü̃ chinge rü guxchaxü̃wa changexma.

Wiyaegü 17:1

Pa Corix ¡choxü̃́ nüxü̃ naxĩnü i ngẽma cuxna naxca̱x chacaxü̃, erü wüxi i mexü̃ nixĩ! ¡Rü choxü̃́ nüxü̃ naxĩnü i ngẽxguma tagaãcü curü ngü̃xẽxẽca̱x cuxna chacaxgu! ¡Rü choxü̃́ nüxü̃ naxĩnü i chorü yumüxẽ! Erü choma rü tama wüxi i dorata̱xáxü̃ chixĩ.

1 Chamué 1:16

¡Rü taxṹ i nagu curüxĩnüxü̃ rü choma rü wüxi i nge i chixecü chixĩxü̃! Rü guxü̃ma i ñaa ngunexü̃gügu rü íchayumüxẽ naxca̱x i ngẽma chorü oegaãxẽ rü ĩ̱xãchiãxẽ —ngĩgürügü.

Wiyaegü 80:1

Pa Cori Pa Tupana Pa Iraétanüxü̃arü Dauruxü̃x, rü cuma nixĩ i carnérugürüü̃ãcü Yúchetanüxü̃maxã icucuáxü̃. Rü cuma nax ngẽma taxre i daxũcüã̱xchicüna̱xãgü i ixãxpe̱xatüxü̃arü ngãxü̃wa nax curütoxü̃ ¡rü nüxü̃ naxĩnü i torü yumüxẽ! ¡Rü toxü̃ nangechaxü̃ãcüma mea nüxü̃ nadawenü ya Efraíü̃tanüxü̃ rü Bẽyamíü̃tanüxü̃ rü Manachétanüxü̃! ¡Rü inachi, rü nua naxũ nax curü poramaxã toxü̃ ícunguxü̃xẽẽxü̃ca̱x!

1 Chamué 1:13

Rü ngĩma rü ngĩãẽwa iyumüxẽ, rü tama nüxü̃ taxĩnü ga ngĩga. Rü ngĩã̱xicatama nixĩ ga ixĩã̱xcüüxü̃. Rü yemaca̱x ga Erí rü nagu narüxĩnü ga nax nangãxü̃xü̃.