Wiyaegü 49:4 - Tupanaarü Ore

⁴ Rü ore i ucu̱xẽruü̃gügu tá charüxĩnü rü árpamaxã chapaxetaãcü ore i ẽxü̃guxü̃chiga tá chawiyae.

Wiyaegü 49:4 Referans Kwoze

Wiyaegü 78:2

Rü cua̱xruü̃gu ixuxü̃ i oreãcü tá pemaxã chidexa. Rü tá pemaxã nüxü̃ chixu i ore i ẽxü̃guxü̃ ga nũxcüma nüxü̃ cuáxü̃.

Ore i mexü̃ ga Matéu ümatüxü̃ 13:35

Rü yemaacü nayanguxẽxẽ ga Tupanaarü ore ga norü orearü uruxü̃ ga Ichaía ümatüxü̃ ga ñaxü̃: “Choma rü cua̱xruü̃gu ixuxü̃ i oremaxã tá duü̃xü̃gümaxã chidexa. Rü tá namaxã chanangõ̱xẽxẽ i ngẽma cua̱x ga noxri naane ixügügumama ẽxü̃guxü̃”, ñaxü̃.

Ucu̱xẽgüchiga 1:6

Ngẽmaãcü tá nüxü̃ nacua̱x nax ta̱xacüchiga yixĩxü̃ i ngẽma ucu̱xẽgü, rü ore i cua̱xruü̃gü. Rü tá nüxü̃ nacua̱x nax ta̱xacüchiga yixĩxü̃ i ngẽma ore i ẽxü̃guxü̃ i ngẽma duü̃xü̃gü i aixcüma nüxü̃ icua̱xüchixü̃ nüxü̃ ixugüxü̃.

Iraétanüxü̃arü muxchiga 23:7

Rü nüma ga Balaáü̃ rü nüxü̃ nixu ga ñaa ore rü ñanagürü: —Yeama yáxü̃wa ínama̱xpǘneanexü̃wa i Aráü̃wa choxü̃ ne naxũxẽxẽ ya Baláx ya Moáanecüã̱xgüarü ãẽ̱xgacü. Rü ñanagürü choxü̃: “¡Nua naxũ rü chixexü̃ namaxã naxuegu i ngẽma Iraétanüxü̃ nax ngẽmaãcü chixexü̃ namaxã ngupetüxü̃ca̱x i Acóbutanüxü̃!” ñanagürü choxü̃.

Iraétanüxü̃arü muxchiga 12:8

Rü choma rü ngóxü̃wama Moichémaxã chidexa nawa i wüxi i naga i nüma meama nüxü̃ nacuáxü̃. ¿Rü ngẽmaca̱x i pema rü tü̱xcüü̃ tama pemuü̃e nax chixri nachiga pidexagüxü̃? —ñanagürü.

2 Corintios 3:12

Rü ñu̱xma nax toxü̃́ nangẽxmaxü̃ i ngẽma Tupanaarü uneta i ngexwaca̱xü̃xü̃ i guxü̃gutáma yixĩxü̃, rü ngẽmaca̱x tama muü̃ãcüma duü̃xü̃gümaxã nüxü̃ tixuchiga.

Ore i mexü̃ ga Luca ümatüxü̃ 12:3

Rü ngẽmaca̱x guxü̃ma i ngẽma ore i ẽanexü̃wa cúãcü nüxü̃ pixuxü̃ rü ngẽxguma nangóonegu rü duü̃xü̃gü tá nüxü̃ naxĩnüe. Rü ngẽma ore i ucapuarü aixepewa cúãcü nüxü̃ pixuxü̃, rü yixcüra tagaãcüma guxãpe̱xewa tá nüxü̃ nixu.

Danié 8:23

Rü ngẽxguma tá norü gu̱xwa nangu̱xgu nax nachixü̃anegümaxã inacua̱xgüxü̃ i ngẽma ãgümücü i ãẽ̱xgacügü, rü ngẽxguma norü gu̱xwa nanguxgu i ngẽma taxü̃ i chixexü̃, rü ñu̱xũchi wüxi i ãẽ̱xgacü i chixecümaxü̃ rü womüxẽẽwa̱xexü̃ tá ningucuchi.

Echequié 20:49

Rü yexguma ga choma rü Tupanaxü̃ ñacharügü: —¡Pa Chorü Tupanax, ngẽma duü̃xü̃gü rü nüxü̃ nixugüe nax choma rü ore i taxúema nüxü̃ cuáxü̃maxã chidexaxü̃! —ñacharügü.